| 章節 | 全民台語聖經全羅經文 | 註釋 |
| 10:1 | Siōng-chú ê Êng-iāu Lī-khui Sèng-tiānGóa koan-khòaⁿ, khòaⁿ tio̍h ki-lō͘-peng thâu-khak téng kah kiong-chhong ê tiong-kan, ū chhin-chhiūⁿ nâ-sek ê pó-chio̍h, chhin-chhiūⁿ pó-chō ê hêng-siōng ê khoán-sit. | 註釋 串珠 盧俊義 盧導讀台 |
| 10:2 | Siōng-tè tùi hit-ê chhēng iù-tē saⁿ ê lâng kóng, " Lí ji̍p-.khì, tī tńg-se̍h ê lián ê tiong-kan, ki-lō͘-peng í-hā, tùi ki-lō͘-peng ê tiong-kan the̍h teh to̍h ê hóe-thòaⁿ móa nn̄g chhiú, iā tī siâⁿ téng. " Góa chiū chhin-ba̍k khòaⁿ tio̍h hit-ê lâng ji̍p-.khì. | 註釋 串珠 盧俊義 盧導讀台 |
| 10:3 | I ji̍p-khì ê sî, ki-lō͘-peng khiā tī tiān ê chiàⁿ pêng, hûn chhiong-móa lāi-īⁿ. | 註釋 串珠 盧俊義 盧導讀台 |
| 10:4 | Siōng-chú ê êng-kng tùi ki-lō͘-peng hia chiūⁿ-.khì, thêng tī tiān ê hō͘-tēng ê téng-bīn; tiān ū hûn móa-móa, hit-ê īⁿ mā hō͘ Siōng-chú êng-kng ê chhàn-lān chhiong-móa. | 註釋 串珠 盧俊義 盧導讀台 |
| 10:5 | Ki-lō͘-peng ê si̍t ê siaⁿ thoân kàu gōa-īⁿ, chhin-chhiūⁿ choân-lêng Siōng-tè teh kóng-ōe ê siaⁿ. | 註釋 串珠 盧俊義 盧導讀台 |
| 10:6 | Siōng-chú hoan-hù hit-ê chhēng iù-tē saⁿ ê lâng kóng, " Tio̍h tùi tńg-se̍h ê lián ê tiong-kan kah ki-lō͘-peng ê tiong-kan chhú hóe. " Hit sî, i chiū ji̍p-.khì, khiā tī chi̍t-ê lián ê piⁿ-á. | 註釋 串珠 盧俊義 盧導讀台 |
| 10:7 | Ū chi̍t-ê ki-lō͘-peng chhun-chhut i ê chhiú, chhun-kàu ki-lō͘-peng tiong-kan ê hóe, the̍h kóa khí-.lâi, hē tī chhēng iù-tē saⁿ ê lâng ê nn̄g ki chhiú; hit-ê lâng kā i the̍h-.lâi, chiū chhut-.khì. | 註釋 串珠 盧俊義 盧導讀台 |
| 10:8 | Tī ki-lō͘-peng ê si̍t-ē, ū hián-chhut lâng ê chhiú ê khoán-sit. | 註釋 串珠 盧俊義 盧導讀台 |
| 10:9 | Góa koh koan-khòaⁿ, khòaⁿ tio̍h ki-lō͘-peng ê piⁿ-á ê sì-ê lián; chit-ê ki-lō͘-peng ê piⁿ-á ū chi̍t-ê lián, hit-ê ki-lō͘-peng ê piⁿ-á mā ū chi̍t-ê lián; lián ê khoán-sit chhin-chhiūⁿ n̂g-ge̍k ê sek-tì. | 註釋 串珠 盧俊義 盧導讀台 |
| 10:10 | Kóng tio̍h in ê khoán-sit, sì-ê lóng kâng chi̍t-iūⁿ ê hêng-chōng, chhin-chhiūⁿ lián tiong ū lián. | 註釋 串珠 盧俊義 盧導讀台 |
| 10:11 | Kiâⁿ ê sî, sì-bīn lóng ē kiâⁿ-.tit, kiâⁿ ê sî m̄-bián oa̍t. Thâu ǹg siáⁿ-mi̍h só͘-chāi, in chiū tòe i kiâⁿ, kiâⁿ ê sî m̄-bián oa̍t. | 註釋 串珠 盧俊義 盧導讀台 |
| 10:12 | In choân seng-khu, in ê kha-chiah-phiaⁿ, in ê chhiú, in ê si̍t kah lián, sì-kho͘-ûi lóng ū ba̍k-chiu móa-móa; to̍h-sī in sì-ê só͘-ū ê lián. | 註釋 串珠 盧俊義 盧導讀台 |
| 10:13 | Kóng tio̍h chiahê lián, góa hīⁿ-khang tiong ū thiaⁿ tio̍h kóng " Tńg-se̍h " ê. | 註釋 串珠 盧俊義 盧導讀台 |
| 10:14 | Tāk-ê ū sì-ê bīn, thâu chi̍t-ê bīn sī ki-lō͘-peng ê bīn, tē-jī-ê bīn sī lâng ê bīn, tē-saⁿ-ê bīn sī sai ê bīn, tē-sì-ê bīn sī eng ê bīn. | 註釋 串珠 盧俊義 盧導讀台 |
| 10:15 | Ki-lō͘-peng lóng chiūⁿ-.khì; che sī góa tī Ke-bal hô piⁿ só͘ bat khòaⁿ-.tio̍h ê oa̍h-mi̍h. | 註釋 串珠 盧俊義 盧導讀台 |
| 10:16 | Ki-lō͘-peng kiâⁿ, lián mā tī piⁿ-á teh kiâⁿ; ki-lō͘-peng thí-khui si̍t tùi tē-chiūⁿ-.khì, lián mā bô oa̍t tńg-sin lī-khui in ê sin piⁿ. | 註釋 串珠 盧俊義 盧導讀台 |
| 10:17 | Hiahê thêng, chiahê mā thêng; hiahê chiūⁿ-.khì, chiahê mā chò-hóe chiūⁿ-.khì; in-ūi oa̍h-mi̍h ê sîn-lêng tī in ê lāi-bīn. | 註釋 串珠 盧俊義 盧導讀台 |
| 10:18 | Siōng-chú ê êng-kng tùi tiān ê hō͘-tēng téng chhut-.khì, thêng tī ki-lō͘-peng ê téng-bīn. | 註釋 串珠 盧俊義 盧導讀台 |
| 10:19 | Ki-lō͘-peng chhut-khì ê sî chiū thí-khui si̍t, tī góa ê ba̍k-chiu chêng tùi thô͘-kha chiūⁿ-.khì, lián mā tī in ê sin piⁿ, thêng tī Siōng-chú ê tiān tang-mn̂g ê mn̂g-kháu. Tī in ê téng-bīn, ū I-su-la-el Siōng-tè ê êng-kng. | 註釋 串珠 盧俊義 盧導讀台 |
| 10:20 | Che sī góa chá-chêng tī Ke-bal hô piⁿ só͘ khòaⁿ tio̍h I-su-la-el Siōng-tè ē-bīn ê oa̍h-mi̍h, góa chai in sī ki-lō͘-peng. | 註釋 串珠 盧俊義 盧導讀台 |
| 10:21 | Ta̍k-ê ū sì-ê bīn, ta̍k-ê ū sì-ê si̍t; in ê si̍t-ē ū lâng ê chhiú ê hêng-siōng. | 註釋 串珠 盧俊義 盧導讀台 |
| 10:22 | Kóng tio̍h in ê bīn ê hêng-siōng, to̍h-sī góa chá-chêng tī Ke-bal hô piⁿ só͘ khòaⁿ-.tio̍h ê bīn; in ê khoán-sit, in ê seng-khu, lóng sī ánne, lóng ta̍k-ê ti̍t-ti̍t kiâⁿ-.khì. | 註釋 串珠 盧俊義 盧導讀台 |