| 章節 | 全民台語聖經全羅經文 | 註釋 |
| 15:1 | Phû-tô-chhiū ê Phì-jūSiōng-chú ê ōe lîm-kàu góa, kóng, | 註釋 串珠 盧俊義 盧導讀台 |
| 15:2 | " Jîn-chú, phû-tô chhiū to̍h-sī chhiū-nâ lāi ê chhiū-ba̍k tiong ê chi̍t châng, i pí ta̍k chióng chhiū ū siáⁿ-mi̍h khah iâⁿ? | 註釋 串珠 盧俊義 盧導讀台 |
| 15:3 | Kám ē thang tùi i chhú chhâ-liāu lâi chò siáⁿ-mi̍h lō͘-ēng? Á-sī thang ēng i chò khit-á lâi tiàu siáⁿ-mi̍h khì-kū? | 註釋 串珠 盧俊義 盧導讀台 |
| 15:4 | Lí khòaⁿ, sī hông hiat tī hóe-.ni̍h chò hóe-chhâ, siang thâu í-keng hō͘ hóe sio liáu-liáu, tiong-ng mā sio-tiāu, kám iáu ū siáⁿ-mi̍h lō͘-ēng? " | 註釋 串珠 盧俊義 盧導讀台 |
| 15:5 | Lí khòaⁿ, hó-hó ê sî siōng-chhiáⁿ bô ha̍h siáⁿ-mi̍h lō͘-ēng, hô-hòng hō͘ hóe sio liáu, í-keng pháiⁿ-.khì à, kám iáu ē ha̍h siáⁿ-mi̍h lō͘-ēng? " | 註釋 串珠 盧俊義 盧導讀台 |
| 15:6 | Só͘-í, chì-koân Siōng-chú ánne kóng, " Chhin-chhiūⁿ chhiū-nâ lāi chiahê chhiū tiong ê phû-tô chhiū, Góa só͘ kau-hù tī hóe tiong chò hóe-chhâ ê, Góa mā beh chiàu ánne khoán-thāi Ê-lú-sa-lèm ê chú-bîn. | 註釋 串珠 盧俊義 盧導讀台 |
| 15:7 | Góa beh tùi in pìⁿ-bīn; in tùi hóe tiong chhut-.lâi, chóng-.sī, hóe ē kā in sio-bia̍t. Góa tùi in pìⁿ-bīn ê sî, lín chiū ē chai Góa sī Siōng-chú. | 註釋 串珠 盧俊義 盧導讀台 |
| 15:8 | Góa beh hō͘ chit só͘-chāi hong-hùi, in-ūi in chò tāichì lâi hoān chōe. Che sī chì-koân Siōng-chú kóng ê. " | 註釋 串珠 盧俊義 盧導讀台 |