| 章節 | 全民台語聖經全羅經文 | 註釋 |
| 17:1 | Tōa Eng kah Phû-tô Chhiū ê Phì-jūSiōng-chú ê ōe lîm-kàu góa, kóng, | 註釋 串珠 盧俊義 盧導讀台 |
| 17:2 | " Jîn-chú, lí tio̍h tùi I-su-la-el ê chú-bîn chhut bī-chhai, siat phì-jū, | 註釋 串珠 盧俊義 盧導讀台 |
| 17:3 | kóng chì-koân Siōng-chú ánne kóng: Ū chi̍t chiah tōa eng, si̍t-kó͘ tōa, si̍t-bóe tn̂g, mn̂g-chháu cha̍t, ū ngó͘-chhái-sek, poe kàu Le-ba-nòng, chhú pek-hiuⁿ chhiū tiong-ki ê ki bóe, | 註釋 串珠 盧俊義 盧導讀台 |
| 17:4 | at-tn̄g i siōng bóe-liu ê chíⁿ ki, the̍h kàu senglí-tiûⁿ, hē tī bé-bē ê lâng ê siâⁿ. | 註釋 串珠 盧俊義 盧導讀台 |
| 17:5 | Koh chhú hit só͘-chāi ê chéng, chai tī pûi tē, chhah tī chin chē chúi ê piⁿ-á, chhin-chhiūⁿ chai liú-chhiū, | 註釋 串珠 盧俊義 盧導讀台 |
| 17:6 | chiū chiām-chiām tōa châng, chiâⁿ-chò pha-tîn kē-kē ê phû-tô chhiū. I ê ki choán-ǹg hit chiah eng, kin iû-goân tī goân-pún ê thô͘ té, chiū ánne chiâⁿ-chò phû-tô chhiū, seⁿ ki hoat tîn. | 註釋 串珠 盧俊義 盧導讀台 |
| 17:7 | " Koh ū chi̍t chiah tōa eng, si̍t tōa, mn̂g cha̍t, lí khòaⁿ, chit-ê phû-tô chhiū tùi chai-chèng ê só͘-chāi oan i ê kin ǹg i, hoat i ê ki ǹg i, ǹg-bāng i lâi koàn-ak. | 註釋 串珠 盧俊義 盧導讀台 |
| 17:8 | I chai tī pûi tē, chin chē chúi ê piⁿ-á, thang hoat ki kiat kóe-chí, chiâⁿ-chò hó ê phû-tô chhiū. | 註釋 串珠 盧俊義 盧導讀台 |
| 17:9 | " Lí tio̍h kóng, chì-koân Siōng-chú ánne kóng: Chit-ê phû-tô chhiū kám ē hoat-ām? Eng kám bē poe̍h i ê kin, tû i ê kóe-chí, hō͘ i ta-.khì? Hō͘ i iù ê hio̍h lóng ta-.khì, mā m̄-bián ēng tōa la̍t kah chin chē lâng lâi poe̍h-chhut i ê kin. | 註釋 串珠 盧俊義 盧導讀台 |
| 17:10 | I sûi-jiân í-keng chai-chèng, kám ē bō͘-sēng? Tang hong chi̍t ē chhoe, kám bē lóng ta-.khì? It-tēng ē tī i seng-tióng ê só͘-chāi ta-.khì. " | 註釋 串珠 盧俊義 盧導讀台 |
| 17:11 | Kái-soeh Phì-jūSiōng-chú ê ōe koh lîm-kàu góa, kóng, | 註釋 串珠 盧俊義 盧導讀台 |
| 17:12 | " Lí tio̍h kā hit-ê pōe-ge̍k ê ke kóng: Lín kám m̄-chai chiahê sī siáⁿ-mi̍h ì-sù? Lí tio̍h kā in kóng, Ba-bú-lông ông lâi-kàu Ê-lú-sa-lèm, lia̍h i ê kun-ông kah kùi-cho̍k, kā in lia̍h khì-kàu Ba-bú-lông hia. | 註釋 串珠 盧俊義 盧導讀台 |
| 17:13 | Tùi ông-chhin ê tiong-kan kéng chi̍t-ê lâng, kah i li̍p-iok, kah i chiùchōa, koh lia̍h kok lāi ū sè-le̍k ê lâng, | 註釋 串珠 盧俊義 盧導讀台 |
| 17:14 | beh hō͘ kok pi-bî bē tàng chū-kiông, to̍k-to̍k siú bêng-iok chiah ē-tàng tit tio̍h pó-chûn. | 註釋 串珠 盧俊義 盧導讀台 |
| 17:15 | " Chóng-.sī, i pōe-poān, chhe sù-chiá khì Ai-gi̍p, ài in hō͘ i bé kah chin chē peng. I kám ē heng-thong? Kiâⁿ chit khoán tāichì ê lâng kám ē-tàng tô-thoat? Kám kóng pōe-iok iáu cháu ē lī? | 註釋 串珠 盧俊義 盧導讀台 |
| 17:16 | Chì-koân Siōng-chú kóng: Góa kí kakī ê éng-oán oa̍h-miā lâi chiùchōa, Ba-bú-lông ông siat-li̍p i chò ông. I kèng-jiân biáu-sī chiùchōa ê ōe, ûi-pōe só͘ li̍p ê iok. In-ūi ánne, i it-tēng ē sí tī Ba-bú-lông ông só͘ tiàm ê só͘-chāi. | 註釋 串珠 盧俊義 盧導讀台 |
| 17:17 | Tng in khí thô͘-tui, chō tâi beh bia̍t-bông chin chē lâng ê sî, Hôa-láu chhōa tōa tūi peng kah chin chē lâng lâi, mā bē tī kau-chiàn tiong kā i pang-chān. | 註釋 串珠 盧俊義 盧導讀台 |
| 17:18 | I pōe-iok lâi biáu-sī chiùchōa, lí khòaⁿ, i í-keng tâu-hâng, iáu koh chò-chhut chiahê tāichì, i it-tēng bē tàng tô-thoat. " | 註釋 串珠 盧俊義 盧導讀台 |
| 17:19 | Só͘-í, chì-koân Siōng-chú ánne kóng, " Góa kí Góa ê éng-oán oa̍h-miā lâi chiùchōa, i í-keng khòaⁿ-khin Góa só͘ chiù ê chōa, pōe-ge̍k kah Góa só͘ li̍p ê iok, Góa beh kā chit-ê chōe kui tī i ê thâu-khak. | 註釋 串珠 盧俊義 盧導讀台 |
| 17:20 | Góa beh ēng Góa ê bāng pha tī i ê sin chiūⁿ, i ē hō͘ Góa ê oa̍h-tauh tauh-.tio̍h. Góa beh chhōa i khì-kàu Ba-bú-lông, mā beh tī hia sím-mn̄g i ûi-hoān Góa ê chōe. | 註釋 串珠 盧俊義 盧導讀台 |
| 17:21 | I ê kun-tūi tiong-kan tô-cháu ê, lóng ē tó tī to hā; só͘ chhun lo̍h-.lâi ê, mā ē sì-sòaⁿ khì tī sì-hng. Lín chiū ē chai kóng chit-ê ōe ê sī Góa — Siōng-chú. " | 註釋 串珠 盧俊義 盧導讀台 |
| 17:22 | Siōng-chú Só͘ Èng-ín ê Ǹg-bāngChì-koân Siōng-chú ánne kóng, " Góa mā beh chhú pek-hiuⁿ chhiū tiong-kan ki koân ê bóe-liu lâi chai, mā beh tùi chíⁿ ki ê bóe-liu at-tn̄g i nńg ê ki, lâi chai tī koân-koân ê soaⁿ; | 註釋 串珠 盧俊義 盧導讀台 |
| 17:23 | Góa beh kā i chai tī I-su-la-el koân-tē ê soaⁿ, i chiū khui ki kiat chí, chiâⁿ-chò hó ê pek-hiuⁿ chhiū, kok chióng ê poe-chiáu ē hioh tī i ê ē-bīn, hioh tī i ê ki ê ìm-ńg ē. | 註釋 串珠 盧俊義 盧導讀台 |
| 17:24 | Chhân-iá ê chhiū-ba̍k lóng ē chai, Góa — Siōng-chú hō͘ koân ê chhiū kàng kē, kē ê chhiū seng koân, chheⁿ-chhùi ê chhiū ta-.khì, ta-.khì ê chhiū bō͘-sēng. Góa — Siōng-chú ánne kóng, mā ánne kā i chiâⁿ. " | 註釋 串珠 盧俊義 盧導讀台 |