| 章節 | 全民台語聖經全羅經文 | 註釋 |
| 18:1 | Siōng-chú ê ōe koh lîm-kàu góa, kóng, | 註釋 串珠 盧俊義 盧導讀台 |
| 18:2 | " Lín tī I-su-la-el tē ná ē teh kóng chit-ê sio̍k-gí? Lāu-pē chia̍h sng ê phû-tô, kiáⁿ ê chhùi-khí ē sng-nńg. " | 註釋 串珠 盧俊義 盧導讀台 |
| 18:3 | Chì-koân Siōng-chú kóng, " Góa kí Góa ê éng-oán oa̍h-miā chiùchōa kóng, lín tī I-su-la-el tiong bē tàng koh sú-iōng chit-ê sio̍k-gí. | 註釋 串珠 盧俊義 盧導讀台 |
| 18:4 | Lí khòaⁿ, só͘-ū ê sîn-hûn sī sio̍k tī Góa; chhin-chhiūⁿ lāu-pē ê sîn-hûn sio̍k tī Góa, kiáⁿ ê sîn-hûn mā sī ánne; hoān chōe ê sîn-hûn, i ē sí. | 註釋 串珠 盧俊義 盧導讀台 |
| 18:5 | " Lâng nā kong-gī, kiâⁿ kong-pêⁿ kah gī-lí, | 註釋 串珠 盧俊義 盧導讀台 |
| 18:6 | m̄ bat chiūⁿ soaⁿ téng chia̍h chè-mi̍h, m̄ bat gióng-bōng I-su-la-el ê chú-bîn ê ngó͘-siōng, m̄ bat kā chhù-piⁿ ê bó͘ òe lahsap, m̄ bat chhin-kīn keng-kî lāi ê chabó͘ lâng, | 註釋 串珠 盧俊義 盧導讀台 |
| 18:7 | m̄ bat ko͘-hū lâng, sī kā khiàm-chè ê lâng ê tǹg-thâu hêng i; m̄ bat kiông-chhiúⁿ lâng ê mi̍h, sī ēng chia̍h-mi̍h hō͘ iau-gō ê lâng chia̍h, ēng saⁿ-khò͘ hō͘ thǹgpaktheh ê lâng chhēng; | 註釋 串珠 盧俊義 盧導讀台 |
| 18:8 | m̄ bat kā chioh chîⁿ ê lâng thó lī-sek, mā bô the̍h lī-sek chîⁿ, kiu chhiú bô chò pháiⁿ, tī nn̄g pêng ê lâng tiong-kan chiàu kong-tō phòaⁿ-koat; | 註釋 串珠 盧俊義 盧導讀台 |
| 18:9 | sūn-ho̍k Góa ê lu̍t-lē, chip-siú Góa ê hoat-tō͘, chiàu sêng-si̍t chò tāichì, che sī gī lâng, it-tēng ē tit tio̍h oa̍h-miā. Che sī chì-koân Siōng-chú kóng ê. | 註釋 串珠 盧俊義 盧導讀台 |
| 18:10 | " Siat-sú i seⁿ chi̍t-ê kiáⁿ, khì chò kiông-tō, chò thâi lâng ê, á-.sī kiâⁿ hiahê pháiⁿ ê chi̍t hāng, bô kiâⁿ téng-bīn só͘ kóng ê hó, | 註釋 串珠 盧俊義 盧導讀台 |
| 18:11 | tian-tò chiūⁿ soaⁿ téng khì chia̍h chè-mi̍h, koh kā chhù-piⁿ ê bó͘ òe lahsap, | 註釋 串珠 盧俊義 盧導讀台 |
| 18:12 | ko͘-hū khùn-khó͘ kah sànchhiah ê lâng, kiông-chhiúⁿ lâng ê mi̍h, m̄ bat kā tǹg-thâu hêng lâng, gióng-bōng ngó͘-siōng, kiâⁿ khó-ò͘ⁿ ê tāichì, | 註釋 串珠 盧俊義 盧導讀台 |
| 18:13 | kā chioh chîⁿ ê lâng thó lī-sek, the̍h lī-sek chîⁿ; chit-ê lâng kám ē-tàng oa̍h lo̍h-.khì? I it-tēng bē oa̍h. I kiâⁿ hiahê it-chhè khó-ò͘ⁿ ê tāichì, it-tēng tio̍h sí, i ê chōe beh kui tī i. | 註釋 串珠 盧俊義 盧導讀台 |
| 18:14 | " Lí khòaⁿ, siat-sú i seⁿ chi̍t-ê kiáⁿ, khòaⁿ tio̍h lāu-pē só͘ kiâⁿ it-chhè ê chōe chiū kiaⁿ-hiâⁿ, bô ánne khì kiâⁿ; | 註釋 串珠 盧導讀台 |
| 18:15 | m̄ bat chiūⁿ soaⁿ khì chia̍h chè-mi̍h, m̄ bat gióng-bōng I-su-la-el ê chú-bîn ê ngó͘-siōng, m̄ bat kā chhù-piⁿ ê bó͘ òe lahsap, | 註釋 串珠 盧導讀台 |
| 18:16 | m̄ bat ko͘-hū lâng, m̄ bat the̍h lâng ê tǹg-thâu, m̄ bat kiông-chhiúⁿ lâng ê mi̍h, sī ēng chia̍h-mi̍h hō͘ iau-gō ê lâng chia̍h, ēng saⁿ-khò͘ hō͘ thǹgpaktheh ê lâng chhēng, | 註釋 串珠 盧導讀台 |
| 18:17 | kiu chhiú bô hāi sànchhiah lâng, bô thó lī-sek chîⁿ, bô the̍h lī-sek, i sūn-ho̍k Góa ê hoat-tō͘, chip-siú Góa ê lu̍t-lē, i chiū bô in-ūi lāu-pē ê chōe-kò lâi sí-bông, it-tēng ē oa̍h lo̍h-.khì. | 註釋 串珠 盧導讀台 |
| 18:18 | Kóng tio̍h i ê lāu-pē, in-ūi i khi-hū lâng chin siong-tiōng, kiông-chhiúⁿ hiaⁿ-tī ê mi̍h, tī pún cho̍k tiong bô chò hó; lí khòaⁿ, i ē in-ūi kakī ê chōe lâi sí. | 註釋 串珠 盧導讀台 |
| 18:19 | " Lín iáu teh kóng, ' Kiáⁿ ná ē bô tam-tng lāu-pē ê chōe? ' Kiáⁿ nā kiâⁿ chèng-ti̍t kah ha̍p-lí ê tāichì, siú Góa it-chhè ê lu̍t-lē lâi kiâⁿ, i it-tēng ē oa̍h lo̍h-.khì. | 註釋 串珠 盧俊義 盧導讀台 |
| 18:20 | Hoān-chōe ê sîn-hûn, i ē sí. Kiáⁿ it-tēng bô tam-tng lāu-pē ê chōe, lāu-pē mā bô tam-tng kiáⁿ ê chōe. Gī lâng ê gī ē kui tī i kakī; pháiⁿ lâng ê pháiⁿ mā ē kui tī i kakī. | 註釋 串珠 盧俊義 盧導讀台 |
| 18:21 | " Pháiⁿ lâng nā hôe-thâu lī-khui só͘ chò it-chhè ê chōe-ok, chip-siú Góa só͘-ū ê lu̍t-lē, kiâⁿ chèng-ti̍t kah ha̍p-lí ê tāichì, i it-tēng ē oa̍h, bē sí. | 註釋 串珠 盧俊義 盧導讀台 |
| 18:22 | I só͘ hoān it-chhè ê chōe-kò bô koh kā i ē kì-tit, tī i só͘ kiâⁿ ê gī, i ē oa̍h lo̍h-.khì. | 註釋 串珠 盧俊義 盧導讀台 |
| 18:23 | Chì-koân Siōng-chú kóng: Pháiⁿ lâng sí-bông, kám sī Góa só͘ hoaⁿ-hí? Góa kám m̄-sī hoaⁿ-hí i hôe-thâu, lī-khui i só͘ kiâⁿ ê lō͘, lâi tit tio̍h oa̍h-miā? | 註釋 串珠 盧俊義 盧導讀台 |
| 18:24 | " Chóng-.sī, gī lâng nā oa̍t-thâu, lī-khui i ê gī lâi hoān chōe, chiàu pháiⁿ lâng só͘ kiâⁿ it-chhè khó-ò͘ⁿ ê tāichì lâi kiâⁿ, i kám ē oa̍h lo̍h-.khì? I só͘ kiâⁿ it-chhè ê gī lóng bô koh siū kì-liām, i ē tī i só͘ hoān ê chōe, só͘ kiâⁿ ê pháiⁿ, sí tī hit tiong-kan. | 註釋 串珠 盧俊義 盧導讀台 |
| 18:25 | " Lín iáu teh kóng, ' Chú ê lō͘ bô kong-pêⁿ! ' I-su-la-el ê chú-bîn, lín tio̍h thiaⁿ! Góa ê lō͘ kám bô kong-pêⁿ? Kám m̄-sī lín ê lō͘ bô kong-pêⁿ? | 註釋 串珠 盧俊義 盧導讀台 |
| 18:26 | Gī lâng nā oa̍t thâu lī-khui i ê gī lâi kiâⁿ chōe-ok, tì-sú ūi tio̍h ánne lâi sí, i chiū ē in-ūi só͘ kiâⁿ ê chōe-ok lâi sí. | 註釋 串珠 盧俊義 盧導讀台 |
| 18:27 | Jî-chhiáⁿ pháiⁿ lâng nā hôe-thâu, lī-khui i só͘ kiâⁿ ê pháiⁿ, lâi kiâⁿ chèng-ti̍t kah ha̍p-lí ê tāichì, i ē hō͘ i ê sîn-hûn tit tio̍h oa̍h-miā. | 註釋 串珠 盧俊義 盧導讀台 |
| 18:28 | In-ūi i ū su-khó, hôe-thâu lī-khui i só͘ hoān it-chhè ê chōe-kò, i it-tēng ē oa̍h, bē sí. | 註釋 串珠 盧俊義 盧導讀台 |
| 18:29 | I-su-la-el ê chú-bîn iáu teh kóng, ' Chú ê lō͘ bô kong-pêⁿ! ' I-su-la-el ê chú-bîn, Góa ê lō͘ kám bô kong-pêⁿ? Kám m̄-sī lín ê lō͘ bô kong-pêⁿ? | 註釋 串珠 盧俊義 盧導讀台 |
| 18:30 | Só͘-í, chì-koân Siōng-chú kóng, " I-su-la-el ê chú-bîn, Góa beh chiàu lín ta̍k lâng só͘ kiâⁿ ê lâi kā lín sím-phòaⁿ. Lín tio̍h hôe-thâu, lī-khui só͘ hoān it-chhè ê chōe-kò; ánne, chōe-kò chiū bē hō͘ lín bia̍t-bông. | 註釋 串珠 盧俊義 盧導讀台 |
| 18:31 | Lín tio̍h kā só͘ hoān it-chhè ê chōe-kò hiat-ka̍k lī-khui lín, ūi kakī chiâⁿ chi̍t-ê sin ê sim kah sin ê sim-sîn. I-su-la-el ê chú-bîn, lín kám it-tēng tio̍h sí? | 註釋 串珠 盧俊義 盧導讀台 |
| 18:32 | Chì-koân Siōng-chú kóng: Lâng ê sí, Góa bô hoaⁿ-hí i ê sí; só͘-í, lín tio̍h hôe-thâu, lâi tit tio̍h oa̍h-miā. " | 註釋 串珠 盧俊義 盧導讀台 |