| 章節 | 全民台語聖經全羅經文 | 註釋 |
| 19:1 | Ai-koLí tio̍h ūi I-su-la-el ê ông-chhin chò ai-ko: | 註釋 串珠 盧俊義 盧導讀台 |
| 19:2 | Lín lāu-bú sī siáⁿ-mi̍h? Sī bó ê sai, phak tī chiahê sai ê tiong-kan, tī sè-chiah sai ê tiong-kan, iúⁿ-chhī i ê kiáⁿ. | 註釋 串珠 盧俊義 盧導讀台 |
| 19:3 | Tī i ê kiáⁿ tiong-kan chhī chit chiah sai kàu tōa, ha̍k-si̍p kā mi̍h lâi chia̍h lâng. | 註釋 串珠 盧俊義 盧導讀台 |
| 19:4 | Lia̍t kok thiaⁿ-.tio̍h chiū tī in ê hām-kheⁿ lia̍h tio̍h, ēng liân-á kā i thoa kàu Ai-gi̍p tē. | 註釋 串珠 盧俊義 盧導讀台 |
| 19:5 | Bó ê sai khòaⁿ pún-sin thèng-hāu kàu sit-bōng, chiū tùi i sè-chiah sai ê tiong-kan koh chhú chi̍t chiah, kā i iúⁿ-chhī kàu tōa. | 註釋 串珠 盧俊義 盧導讀台 |
| 19:6 | I tī chiahê sai ê tiong-kan cháu-lâi cháu-khì, chiâⁿ-chò ióng ê sai, ha̍k-si̍p kā mi̍h lâi chia̍h lâng. | 註釋 串珠 盧俊義 盧導讀台 |
| 19:7 | I chai in ê kiong-tiān, koh hō͘ in ê siâⁿ piàn-chò pha-hng, in-ūi i hm̄-hm̄ háu ê siaⁿ, choân tē kah kî-tiong só͘-ū ê chiū lóng hong-hùi. | 註釋 串珠 盧俊義 盧導讀台 |
| 19:8 | Chiū ánne, sì-kho͘-ûi ê pang-kok tùi ta̍k séng lâi kā i kong-kek, ēng bāng pha tī i ê téng-bīn, i tī in ê hām-kheⁿ siū lia̍h. | 註釋 串珠 盧俊義 盧導讀台 |
| 19:9 | In kā i liān tī tû-nih, tòa lâi-kàu Ba-bú-lông ông hia, kā i koaiⁿ tī kian-kò͘ ê só͘-chāi, hō͘ i ê siaⁿ tī I-su-la-el soaⁿ bô koh thiaⁿ-.tio̍h. | 註釋 串珠 盧俊義 盧導讀台 |
| 19:10 | Lín lāu-bú chá-chêng chhin-chhiūⁿ phû-tô chhiū, hui-siông bō͘-sēng, chai tī chúi piⁿ, in-ūi chúi chē chiū kiat chin chē kóe-chí, hoat chin chē ki. | 註釋 串珠 盧俊義 盧俊義 盧導讀台 |
| 19:11 | Seⁿ-chhut giám-ngē ê ki-oe, thang chò chiáng-koân-chiá ê koái-á. I tī bō͘-sēng ê ki-oe tiong chiâⁿ-chò ke̍k koân ê; in-ūi koân, i ê oe ê tiong-ki chiū théng-khí, hō͘ lâng khòaⁿ ē tio̍h. | 註釋 串珠 盧俊義 盧導讀台 |
| 19:12 | Chóng-.sī, chit châng phû-tô chhiū in-ūi tōa siū-khì, tú tio̍h siū poe̍h khí-lâi hiat tī tē-.ni̍h; tang-hong kā i ê kóe-chí chhoe ta, giám-ngē ê ki-oe at-tn̄g ta-.khì, hō͘ hóe sio-sio-.khì. | 註釋 串珠 盧俊義 盧導讀台 |
| 19:13 | Taⁿ chai tī khòng-iá, ta-sò bô chúi ê tē. | 註釋 串珠 盧俊義 盧導讀台 |
| 19:14 | Koh tùi i koân ê ki-oe ū hóe hoat-chhut, sio i ê kóe-chí, tì-sú i bô giám-ngē ê ki-oe thang chò chiáng-koân-chiá ê koái. Che sī thang ai-siong ê, thang chò ai-ko. | 註釋 串珠 盧俊義 盧導讀台 |