| 章節 | 全民台語聖經全羅經文 | 註釋 |
| 22:1 | Ê-lú-sa-lèm ê Hoān-chōeSiōng-chú ê ōe koh lîm-kàu góa, kóng, | 註釋 串珠 盧俊義 盧導讀台 |
| 22:2 | " Jîn-chú, lí kám ē sím-mn̄g, sím-mn̄g hō͘ lâng lâu hoeh ê siâⁿ? Tio̍h hō͘ i chai i it-chhè khó-ò͘ⁿ ê tāichì. | 註釋 串珠 盧俊義 盧導讀台 |
| 22:3 | Lí tio̍h kóng, chì-koân Siōng-chú ánne kóng: Chit-ê siâⁿ, ū lâu lâng ê hoeh tī hit lāi-bīn, hō͘ i ê ji̍t-chí kàu, koh chng ngó͘-siōng lâi kā kakī òe lahsap, hām-hāi kakī. | 註釋 串珠 盧俊義 盧導讀台 |
| 22:4 | In-ūi lí hō͘ lâng lâu hoeh, chiū ū chōe; lí chng ngó͘-siōng sī kā kakī òe lahsap; lí chiū hō͘ lí ê ji̍t chiap-kīn, lí í-keng kàu lí ê nî-hòe. Só͘-í, Góa hō͘ lí siū lia̍t kok ê lêng-jio̍k, lia̍t pang ê thí-chhiò. | 註釋 串珠 盧俊義 盧導讀台 |
| 22:5 | Lí chit-ê chhàu-miâ chin chē koh jiáu-loān ê siâⁿ, hiahê lī-khui lí kīn, á-.sī lī-khui lí hn̄g ê, lóng ē kā lí thí-chhiò. | 註釋 串珠 盧俊義 盧導讀台 |
| 22:6 | " Lí khòaⁿ, I-su-la-el ê siú-léng ta̍k-ê théng i ê khùi-la̍t, tī lí tiong-kan lâu lâng ê hoeh. | 註釋 串珠 盧俊義 盧導讀台 |
| 22:7 | Tī lí tiong-kan ū bú-bān pē-bú, tī lí tiong-kan ū ap-chè chhut-gōa lâng, tī lí tiong-kan ū ko͘-hū ko͘-jî, kóaⁿ-hū ê. | 註釋 串珠 盧俊義 盧導讀台 |
| 22:8 | Lí khòaⁿ-khin Góa ê sèng-mi̍h, hoān tio̍h Góa ê An-hioh-ji̍t. | 註釋 串珠 盧俊義 盧導讀台 |
| 22:9 | Tī lín tiong-kan ū húi-pòng lâng kah beh hō͘ lâng lâu hoeh ê; tī lín tiong-kan ū tī soaⁿ téng chia̍h chè-mi̍h, tī lín tiong-kan ū kiâⁿ kan-îm. | 註釋 串珠 盧俊義 盧導讀台 |
| 22:10 | Tī lín tiong-kan ū lō͘-hiān lāu-pē ê ē-sin, tī lín tiong-kan ū lêng-jio̍k goe̍h-keng bô chheng-khì ê chabó͘ lâng ê. | 註釋 串珠 盧俊義 盧導讀台 |
| 22:11 | Ū lâng kah chhù-piⁿ ê bó͘ kiâⁿ khó-ò͘ⁿ ê tāichì, mā ū lâng îm i ê sim-pū lâi kā i òe lahsap; tī lín tiong-kan mā ū lâng lêng-jio̍k i ê chí-mōe, to̍h-sī i ê lāu-pē ê chabó͘ kiáⁿ. | 註釋 串珠 盧俊義 盧導讀台 |
| 22:12 | Tī lín tiong-kan ū chiap-siū o͘-se lâi lâu lâng ê hoeh, lí mā ū the̍h lī-sek, thó lī-sek. Lí in-ūi tham-sim, le̍k-sek chhù-piⁿ, tit tio̍h châi-lī, lí kèng-jiân bē kì-tit Góa. Che sī chì-koân Siōng-chú kóng ê. | 註釋 串珠 盧俊義 盧導讀台 |
| 22:13 | " Lí khòaⁿ, Góa in-ūi lí só͘ tit tio̍h put-gī ê chîⁿ kah lí tiong-kan só͘ lâu ê hoeh, Góa chiū phah phok-á. | 註釋 串珠 盧俊義 盧導讀台 |
| 22:14 | Kàu Góa pān lí ê ji̍t, lí ê sim kám iáu ē jím-siū? Lí ê chhiú kám iáu ē ū la̍t? Siōng-chú kóng chit-ê ōe, chiū beh chiàu ánne kiâⁿ. | 註釋 串珠 盧俊義 盧導讀台 |
| 22:15 | Góa beh kā lí hun-sòaⁿ khì tī lia̍t kok, kā lí sì-sòaⁿ tī lia̍t pang. Góa beh tû-khì lí tiong-kan ê ù-òe. | 註釋 串珠 盧俊義 盧導讀台 |
| 22:16 | Lí ē tī lia̍t kok lâng ê bīn-chêng, in-ūi kakī ê só͘ kiâⁿ siū húi-pòng; lí chiū ē chai Góa sī Siōng-chú. " | 註釋 串珠 盧俊義 盧俊義 盧導讀台 |
| 22:17 | Siōng-chú ê Tōa Liān-lô͘Siōng-chú ê ōe lîm-kàu góa, kóng, | 註釋 串珠 盧俊義 盧導讀台 |
| 22:18 | " Jîn-chú, I-su-la-el ê chú-bîn chāi Góa khòaⁿ sī che-tái. In lóng sī hóe-lô͘ tiong ê tâng, siah, thih, iân, lóng sī gîn ê che-tái. | 註釋 串珠 盧俊義 盧導讀台 |
| 22:19 | Só͘-í, chì-koân Siōng-chú ánne kóng: In-ūi lín lóng chiâⁿ-chò che-tái, lí khòaⁿ, Góa beh tī Ê-lú-sa-lèm ê tiong-kan kā lín chū-chi̍p. | 註釋 串珠 盧俊義 盧導讀台 |
| 22:20 | Lâng án-chóaⁿ kā gîn, tâng, thih, iân kah siah chū-chi̍p tī hóe-lô͘ tiong, khan hóe hō͘ i iûⁿ; ánne, Góa mā beh ēng Góa ê siū-khì kah tōa siū-khì, kā lín chū-chi̍p lâi hē tī hia, lâi kā lín iûⁿ-hòa. | 註釋 串珠 盧俊義 盧導讀台 |
| 22:21 | Góa beh kā lín chū-chi̍p, ēng Góa tōa siū-khì ê hóe pûn lín, lín chiū ē tī hit tiong-kan iûⁿ-hòa. | 註釋 串珠 盧俊義 盧導讀台 |
| 22:22 | Gîn án-chóaⁿ iûⁿ tī hóe-lô͘ tiong, lín mā ē ánne tī hit tiong-kan iûⁿ-.khì, lín chiū ē chai Góa — Siōng-chú piàⁿ-chhut Góa ê tōa siū-khì tī lín ê téng-bīn. " | 註釋 串珠 盧俊義 盧導讀台 |
| 22:23 | I-su-la-el Chèng Thâu-lâng ê Chōe-okSiōng-chú ê ōe lîm-kàu góa, kóng, | 註釋 串珠 盧俊義 盧導讀台 |
| 22:24 | " Jîn-chú, lí tio̍h tùi chit-ê tē kóng: Lí sī bē tàng chheng-khì ê tē, tī tōa siū-khì ê ji̍t, mā bô lo̍h hō͘ tī lí hia. | 註釋 串珠 盧俊義 盧導讀台 |
| 22:25 | Lí tiong-kan ê sian-ti lóng kiat-tóng, chhin-chhiūⁿ hm̄-hm̄ háu ê sai jiàu tio̍h só͘ chhiúⁿ ê mi̍h, in thun-chia̍h lâng ê sîn-hûn, chhiúⁿ lâng ê châi-bu̍t, pó-bu̍t, hō͘ in tiong-kan ê kóaⁿ-hū koh khah chē. | 註釋 串珠 盧俊義 盧導讀台 |
| 22:26 | I ê chè-si oai-khiok Góa ê lu̍t-hoat, siat-to̍k Góa ê sèng-só͘, bô hun-pia̍t sèng ê kah chho͘-sio̍k ê, mā bô hō͘ lâng hun-pia̍t chheng-khì ê kah bô chheng-khì ê, koh am ba̍k-chiu m̄-khòaⁿ Góa chiahê An-hioh-ji̍t, Góa mā tī in tiong-kan siū siat-to̍k. | 註釋 串珠 盧俊義 盧導讀台 |
| 22:27 | I ê kùi-cho̍k chhin-chhiūⁿ chhâi-lông jiàu tio̍h só͘ chhiúⁿ ê mi̍h, thâi lâng lâu hoeh, siong-hāi lâng ê sèⁿ-miā, ài tit tio̍h put-gī ê chîⁿ-châi. | 註釋 串珠 盧俊義 盧導讀台 |
| 22:28 | I ê sian-ti chhin-chhiūⁿ ēng hoe-chúi kā in chhéng pe̍h, khòaⁿ hi-ké ê ī-siōng, ēng pe̍h-chha̍t kā in chiam-pok, kóng, ' Chì-koân Siōng-chú ánne kóng', kî-si̍t Siōng-chú bô-iáⁿ ánne kóng. | 註釋 串珠 盧俊義 盧導讀台 |
| 22:29 | Kok lāi ê jîn-bîn it-bī kiâⁿ ap-chè, si̍p-koàn chhiúⁿ lâng; ko͘-hū sànchhiah khùn-khó͘ ê, bô chêng-lí khi-ap chhut-gōa lâng. | 註釋 串珠 盧俊義 盧導讀台 |
| 22:30 | Góa tī in tiong-kan chhōe-khòaⁿ ū chi̍t-ê lâng thang lâi ûi chhiûⁿ, tī Góa ê bīn-chêng ūi tio̍h chit-ê kok khiā tī phòa-khiah ê só͘-chāi, thang hō͘ Góa bô kā i châu-bia̍t tiāu, chóng-.sī, chhōe bô kah chi̍t-ê. | 註釋 串珠 盧俊義 盧導讀台 |
| 22:31 | Só͘-í, Góa kā Góa ê thòng-hūn piàⁿ tī in ê téng-bīn, ēng Góa tōa siū-khì ê hóe kā in bia̍t-bông, chiàu in só͘ kiâⁿ ê lâi pò-èng tī in ê thâu-khak téng. Che sī chì-koân Siōng-chú kóng ê. " | 註釋 串珠 盧俊義 盧導讀台 |