| 章節 | 全民台語聖經全羅經文 | 註釋 |
| 24:1 | Seⁿ Sian ê OeTē-káu nî cha̍p-goe̍h chhe-cha̍p, Siōng-chú ê ōe koh lîm-kàu góa, kóng, | 註釋 串珠 盧俊義 盧導讀台 |
| 24:2 | " Jîn-chú, kin-á-ji̍t tútú sī Ba-bú-lông ông lâi-kàu Ê-lú-sa-lèm ê ji̍t, lí tio̍h kā kin-á-ji̍t kì i ê miâ. | 註釋 串珠 盧俊義 盧導讀台 |
| 24:3 | Tio̍h tùi chit-ê pōe-ge̍k ê ke siat phì-jū, kóng, chì-koân Siōng-chú ánne kóng: Kā tiáⁿ chhāi tī hóe-.ni̍h, chhāi hó liáu-āu, chiū piàⁿ chúi tī lāi-bīn; | 註釋 串珠 盧俊義 盧導讀台 |
| 24:4 | kā bah-tè, to̍h-sī só͘-ū pûi koh súi ê bah-tè, chêng-thúi, āu-thúi, lóng khioh lâi hē tī lāi-bīn, kéng hó ê kut thia̍p hō͘ i móa. | 註釋 串珠 盧俊義 盧導讀台 |
| 24:5 | Chhú iûⁿ-kûn tiong siōng hó ê, kā chhâ thia̍p tī tiáⁿ-ē, hō͘ tiáⁿ kún chhiāng-chhiāng, thang kā kut tī hit lāi-bīn kûn. | 註釋 串珠 盧俊義 盧導讀台 |
| 24:6 | Chì-koân Siōng-chú ánne kóng, " Ū chai-hō à, chit-ê hō͘ lâng lâu hoeh ê siâⁿ, to̍h-sī seⁿ sian ê tiáⁿ, i ê sian iáu-bōe tû-.khì, tio̍h kā bah-tè tùi hit tiong-kan chi̍t tè chi̍t tè the̍h chhut-.lâi, bô su-iàu liam-khau. | 註釋 串珠 盧俊義 盧導讀台 |
| 24:7 | Siâⁿ tiong ū siū thâi ê lâng ê hoeh, piàⁿ tī kng-kng ê chio̍h-pôaⁿ téng, bô piàⁿ tī tē-.ni̍h thang ēng thô͘ khàm. | 註釋 串珠 盧俊義 盧導讀台 |
| 24:8 | Chit-ê siâⁿ lāi só͘ lâu ê hoeh, piàⁿ tī kng-kng ê chio̍h-pôaⁿ téng, bô thang jia-khàm, sī Góa hō͘ i ánne, ūi tio̍h beh kek tōa siū-khì, kiâⁿ pò-èng. " | 註釋 串珠 盧俊義 盧導讀台 |
| 24:9 | " Só͘-í, chì-koân Siōng-chú ánne kóng: Ū chai-hō à, chit-ê hō͘ lâng lâu hoeh ê siâⁿ, Góa mā beh thia̍p tōa tui ê hóe-chhâ, | 註釋 串珠 盧俊義 盧導讀台 |
| 24:10 | thiⁿ chhâ hō͘ hóe chin iām, kā bah kûn nōa, kā thng ngâu khó, hō͘ kut-hu hu-.khì; | 註釋 串珠 盧俊義 盧導讀台 |
| 24:11 | kā tiáⁿ piàⁿ khang, chhāi tī teh to̍h ê hóe-thòaⁿ téng, hō͘ tiáⁿ piak jia̍t, hō͘ tâng sio âng, kā kî-tiong ê ù-òe iûⁿ-tiāu, tû-khì hit téng-bīn ê sian. | 註釋 串珠 盧俊義 盧導讀台 |
| 24:12 | I hō͘ Góa lô-khó͘ ià-siān, chóng-.sī, só͘ seⁿ tōa-tōa ê sian iû-goân bô lak; i ê sian nā tī hóe-.ni̍h, mā bē tàng tû-.khì. | 註釋 串珠 盧俊義 盧導讀台 |
| 24:13 | Tī lí ê ù-òe tiong ū îm-hēng, Góa bat kā lí chheng-khì, lí iáu koh bô chheng-khì. Só͘-í, lí ê ù-òe bē koh tit tio̍h chheng-khì, it-ti̍t kàu Góa tùi lí hoat-chhut ê tōa siū-khì soah-.khì. | 註釋 串珠 盧俊義 盧導讀台 |
| 24:14 | Góa — Siōng-chú bat ánne kóng: Hitê tāichì it-tēng ē chiâⁿ, Góa mā beh ánne kiâⁿ, it-tēng bô péng-khí péng-tó, it-tēng bô liân-bín, mā bô hō͘-hóe. Lâng ē chiàu lí ê kí-tōng, chiàu lí ê hêng-ûi lâi kā lí sím-phòaⁿ. Che sī chì-koân Siōng-chú kóng ê. " | 註釋 串珠 盧俊義 盧導讀台 |
| 24:15 | Sian-ti ê Bó͘ Sí-bôngSiōng-chú ê ōe koh lîm-kàu góa, kóng, | 註釋 串珠 盧俊義 盧導讀台 |
| 24:16 | " Jîn-chú, lí khòaⁿ, Góa beh kā lí ê ba̍k-chiu só͘ ì-ài ê hut-jiân chhú-.khì; chóng-.sī, lí m̄ thang pi-ai thî-khàu, mā m̄ thang lâu ba̍k-sái. | 註釋 串珠 盧俊義 盧導讀台 |
| 24:17 | To̍k-to̍k thang thau-thau-á thó͘-khùi, m̄ thang chhut siaⁿ, m̄ thang pān-lí song-sū, thâu-khak iû-goân tio̍h pau thâu-kin, kha iû-goân tio̍h chhēng ê, m̄ thang am lí ê chhùi-tûn, mā m̄ thang chia̍h tiàu-song ê piáⁿ. " | 註釋 串珠 盧俊義 盧導讀台 |
| 24:18 | Chiū ánne, góa kā chit-ê tāichì tī chá-khí sî tùi jîn-bîn kóng, ê-hng góa ê bó͘ chiū sí. Keh kang chá-khí, góa chiū chun-thàn bēng-lēng lâi kiâⁿ. | 註釋 串珠 盧俊義 盧導讀台 |
| 24:19 | Jîn-bîn mn̄g góa kóng, " Lí ánne chò kah goán ū siáⁿ-mi̍h koan-hē? Lí ná bô kā goán kóng? " | 註釋 串珠 盧俊義 盧導讀台 |
| 24:20 | Góa ìn in kóng, " Siōng-chú ê ōe lîm-kàu góa, kóng, | 註釋 串珠 盧俊義 盧導讀台 |
| 24:21 | ' Lí tio̍h kā I-su-la-el ê chú-bîn kóng, chì-koân Siōng-chú ánne kóng: Lí khòaⁿ, Góa beh kā Góa ê sèng-só͘ òe lahsap, to̍h-sī lín ê sè-le̍k só͘ khoa-kháu, lín ê ba̍k-chiu só͘ ì-ài, lín ê sim só͘ thiàⁿ-sioh ê; jî-chhiáⁿ lín só͘ lâu tī hia ê kiáⁿ-jî ē tó tī to hā. | 註釋 串珠 盧俊義 盧導讀台 |
| 24:22 | Hit sî, lín ē chiàu Góa só͘ kiâⁿ ê lâi kiâⁿ, bô am lín ê chhùi-tûn, mā bô chia̍h tiàu-song ê piáⁿ. | 註釋 串珠 盧俊義 盧導讀台 |
| 24:23 | Lín ê thâu-khak iû-goân pau thâu-kin, kha tio̍h chhēng ê, bô pi-ai, bô thî-khàu; lín ē tī lín ê chōe-ok tiong siau-bia̍t, bīn sio-tùi lâi thó͘-khùi. | 註釋 串珠 盧俊義 盧導讀台 |
| 24:24 | I-che-kel ē ánne chò lín ê tiāu-thâu, só͘-ū i só͘ kiâⁿ ê, lín mā ē ánne kiâⁿ. Chit-ê tāichì nā kàu, lín chiū chai Góa sī Siōng-chú. '" | 註釋 串珠 盧俊義 盧導讀台 |
| 24:25 | Siōng-chú kóng, " Jîn-chú, tng Góa tû-khì in só͘ óa-khò ê, in só͘ hoaⁿ-hí ê êng-kng kah in ê ba̍k-chiu só͘ ì-ài ê, í-ki̍p in ê sim só͘ thiàⁿ-sioh ê, to̍h-sī in ê kiáⁿ-jî. | 註釋 串珠 盧俊義 盧導讀台 |
| 24:26 | Hit ji̍t, tit tio̍h thoat-lī ê lâng kám bô lâi lí chia hō͘ lí chhin-hīⁿ thiaⁿ tio̍h chit-ê tāichì? | 註釋 串珠 盧俊義 盧導讀台 |
| 24:27 | Tng hit ji̍t, lí ê chhùi chiū khui, lí chiū kah tit tio̍h thoat-lī ê lâng kóng-ōe, bô koh é-káu. Lí ē ánne chò in ê tiāu-thâu, in chiū ē chai Góa sī Siōng-chú. " | 註釋 串珠 盧俊義 盧導讀台 |