| 章節 | 全民台語聖經全羅經文 | 註釋 |
| 25:1 | Ī-giân Am-móng Siū Têng-hoa̍tSiōng-chú ê ōe lîm-kàu góa, kóng, | 註釋 串珠 盧俊義 盧導讀台 |
| 25:2 | " Jîn-chú, lí tio̍h bīn ǹg Am-móng cho̍k, soan-pò͘ kóng beh kā in kong-kek, kóng: Lín tio̍h thiaⁿ chì-koân Siōng-chú ê ōe. | 註釋 串珠 盧俊義 盧導讀台 |
| 25:3 | Chì-koân Siōng-chú ánne kóng: Góa ê sèng-só͘ siū òe lahsap, I-su-la-el tē tú tio̍h pha-hng, Iô-tah ke hō͘ lâng lia̍h-.khì; hit sî, lí in-ūi chiahê tāichì ēng ōe kā in kong-kek, kóng, ' Ah-hah! ' | 註釋 串珠 盧俊義 盧導讀台 |
| 25:4 | Lí khòaⁿ, só͘-í, Góa beh kā lí kau hō͘ tang-hong ê lâng chò sán-gia̍p; in ē tī lí ê só͘-chāi chat iâⁿ tòa, chia̍h lí ê kóe-chí, lim lí seng-sán ê leng. | 註釋 串珠 盧俊義 盧導讀台 |
| 25:5 | Góa beh hō͘ Lap-bah chò lo̍k-tô ê tiâu, hō͘ Am-móng cho̍k ê tē chò iûⁿ-kûn tò ê só͘-chāi, lín chiū ē chai Góa sī Siōng-chú. " | 註釋 串珠 盧俊義 盧導讀台 |
| 25:6 | Chì-koân Siōng-chú ánne kóng, " In-ūi lí tah chhiú tǹg kha, móa-sim biáu-sī, ǹg I-su-la-el tē lâi hoaⁿ-hí; | 註釋 串珠 盧俊義 盧導讀台 |
| 25:7 | lí khòaⁿ, só͘-í Góa chhun-chhut Góa ê chhiú kong-kek lí, kā lí kau hō͘ lia̍t kok hō͘ in chhiúⁿ-.khì. Góa beh tùi lia̍t pang tiong kā lí chián-tû, hō͘ lí tī bān-kok tiong pāi-bông. Góa beh kā lí tû-bia̍t, lí chiū ē chai Góa sī Siōng-chú. " | 註釋 串珠 盧俊義 盧導讀台 |
| 25:8 | Chek-pī Mô͘-apChì-koân Siōng-chú ánne kóng, " In-ūi Mô͘-ap kah Se-il ū teh kóng, ' Lí khòaⁿ, Iô-tah ke kah chèng kok bô siáⁿ-mi̍h bô kāng', | 註釋 串珠 盧俊義 盧導讀台 |
| 25:9 | Lí khòaⁿ, in-ūi ánne, Góa beh khui Mô͘-ap ê pian-kài tùi chiahê siâⁿ, tùi i pian-kài chiahê siâⁿ, chò i pún-kok ê êng-kng ê, to̍h-sī Bia̍t-e-si-mo͘t, Ba-al-me-óng kah Ki-lia̍t-tháim, | 註釋 串珠 盧俊義 盧導讀台 |
| 25:10 | Hō͘ i kah Am-móng cho̍k lóng kau tī tang-hong ê jîn-bîn chò sán-gia̍p, hō͘ Am-móng cho̍k bô koh tī lia̍t pang tiong siū kì-liām. | 註釋 串珠 盧俊義 盧導讀台 |
| 25:11 | Góa mā beh sím-phòaⁿ Mô͘-ap, in chiū ē chai Góa sī Siōng-chú. " | 註釋 串珠 盧俊義 盧導讀台 |
| 25:12 | Chek-pī E-tómChì-koân Siōng-chú ánne kóng, " In-ūi E-tóm ê só͘ kiâⁿ, to̍h-sī kong-kek Iô-tah ke lâi pò-siû, tùi in ê pò-siû lâi hoān tāng chōe. | 註釋 串珠 盧俊義 盧導讀台 |
| 25:13 | Só͘-í chì-koân Siōng-chú ánne kóng, " Góa beh chhun Góa ê chhiú lâi kong-kek E-tóm, chián-tû in hia ê lâng kah chengseⁿ, hō͘ i pha-hng, tùi Thê-man kàu Tí-tàn lâng, lóng sí tī to hā. | 註釋 串珠 盧俊義 盧導讀台 |
| 25:14 | Jî-chhiáⁿ Góa beh ēng Góa ê chú-bîn — I-su-la-el lâng ê chhiú lâi pò-ho̍k Góa tī E-tóm ê siû-te̍k; in ē chiàu Góa ê siū-khì, chiàu Góa ê tōa siū-khì lâi kiâⁿ tī E-tóm, in chiū ē chai che sī Góa ê pò-siû. Che sī chì-koân Siōng-chú kóng ê. " | 註釋 串珠 盧俊義 盧導讀台 |
| 25:15 | Chek-pī Hui-lī-sūChì-koân Siōng-chú ánne kóng, " In-ūi Hui-lī-sū lâng kiâⁿ pò-siû, chûn-sim biáu-sī lâi pò-siû, kiat sí-oan beh kā in châu-bia̍t, | 註釋 串珠 盧俊義 盧導讀台 |
| 25:16 | só͘-í, chì-koân Siōng-chú ánne kóng: Lí khòaⁿ, Góa beh chhun Góa ê chhiú kong-kek Hui-lī-sū lâng, Góa beh chián-tû Kit-thê lâng, kā iân hái só͘ chhun lo̍h-.lâi ê jîn-bîn bia̍t-bông. | 註釋 串珠 盧俊義 盧導讀台 |
| 25:17 | Góa beh ēng tōa siū-khì ê chek-hoa̍t, tùi in kiâⁿ tōa ê pò-siû. Góa tùi in pò-siû ê sî, in chiū ē chai Góa sī Siōng-chú. " | 註釋 串珠 盧俊義 盧導讀台 |