| 章節 | 全民台語聖經全羅經文 | 註釋 |
| 37:1 | Ko͘-tâ Kut ê Koh-oa̍hSiōng-chú ê chhiú hē tī góa ê sin chiūⁿ, Siōng-chú ēng I ê sîn-lêng chhōa góa chhut-.khì, kā góa hē tī soaⁿ-kok tiong; hit-ê soaⁿ-kok ū kut-thâu móa-móa. | 註釋 串珠 盧俊義 盧導讀台 |
| 37:2 | I hō͘ góa tùi kut-thâu ê sì-kho͘-ûi keng-kòe; lí khòaⁿ, tī soaⁿ-kok ê bīn-chiūⁿ ū kut-thâu chin chē, lí khòaⁿ, in chin ko͘-tâ. | 註釋 串珠 盧俊義 盧導讀台 |
| 37:3 | I tùi góa kóng, " Jîn-chú, chiahê kut kám ē oa̍h? " Góa ìn kóng, " Chì-koân Siōng-chú ah, Lí kakī chai. " | 註釋 串珠 盧俊義 盧導讀台 |
| 37:4 | I koh tùi góa kóng, " Lí tio̍h tùi chiahê kut-thâu soan-pò͘, lâi kā in kóng: Lín ko͘-tâ ê kut, tio̍h thiaⁿ Siōng-chú ê ōe. | 註釋 串珠 盧俊義 盧導讀台 |
| 37:5 | Chì-koân Siōng-chú kā chiahê kut ánne kóng, ' Lí khòaⁿ, Góa beh hō͘ oa̍h-khì ji̍p-khì lín ê lāi-bīn, lín chiū ē oa̍h khí-.lâi. | 註釋 串珠 盧俊義 盧導讀台 |
| 37:6 | Góa beh hō͘ lín ê téng-bīn ū kin, koh hō͘ lín ū bah, koh ēng phôe kā lín pau, ēng oa̍h-khì ji̍p-khì tī lín lāi-bīn, lín chiū ē oa̍h khí-.lâi. Lín chiū ē chai Góa sī Siōng-chú. '" | 註釋 串珠 盧俊義 盧導讀台 |
| 37:7 | Chiū ánne, góa chun-thàn bēng-lēng lâi soan-pò͘. Tng góa teh soan-pò͘ ê sî, ū siaⁿ hoat-chhut, hut-jiân tē-tāng, chiahê kut sio liân-ha̍p, ta̍k ki kui i ê pún ūi. | 註釋 串珠 盧俊義 盧導讀台 |
| 37:8 | Góa kā i khòaⁿ, khòaⁿ tio̍h kut ê téng-bīn ū kin, mā ū bah, koh ū phôe pau tī i ê téng-bīn, chóng-.sī, lāi-bīn bô oa̍h-khì. | 註釋 串珠 盧俊義 盧導讀台 |
| 37:9 | I chiū tùi góa kóng, " Lí tio̍h ǹg hong lâi soan-pò͘; jîn-chú, lí tio̍h soan-pò͘, lâi tùi hong kóng, chì-koân Siōng-chú ánne kóng: Oa̍h-khì, tio̍h tùi hiahê hong lâi, pûn tī chiahê siū thâi ê, hō͘ in ē oa̍h khí-.lâi. " | 註釋 串珠 盧俊義 盧導讀台 |
| 37:10 | Chiū ánne, góa chiàu I só͘ bēng-lēng góa ê lâi soan-pò͘, oa̍h-khì chiū lâi, ji̍p-khì tī in lāi-bīn; in chiū oa̍h khí-lâi khiā-.leh, chiâⁿ-chò ke̍k tōa ê kun-tūi. | 註釋 串珠 盧俊義 盧導讀台 |
| 37:11 | I chiū kā góa kóng, " Jîn-chú, chiahê kut to̍h-sī I-su-la-el ê choân ke; lí khòaⁿ, in kóng, ' Goán ê kut lóng ko͘-tâ, goán ê ǹg-bāng lóng sit-lo̍h; goán choân-pō͘ siū châu-bia̍t. ' | 註釋 串珠 盧俊義 盧導讀台 |
| 37:12 | Só͘-í, lí tio̍h soan-pò͘, lâi tùi in kóng, chì-koân Siōng-chú ánne kóng, ' Góa ê chú-bîn, lí khòaⁿ, Góa beh khui lín ê bōng, hō͘ lín tùi lín ê bōng khí-.lâi, chhōa lín ji̍p-khì I-su-la-el tē. | 註釋 串珠 盧俊義 盧導讀台 |
| 37:13 | Góa ê chú-bîn, Góa khui lín ê bōng, hō͘ lín tùi lín ê bōng khí-.lâi, lín chiū ē chai Góa sī Siōng-chú. | 註釋 串珠 盧俊義 盧導讀台 |
| 37:14 | Góa beh kā góa ê sîn-lêng hē tī lín ê lāi-bīn, lín chiū ē oa̍h khí-.lâi. Góa kā lín an-tì tī lín ê pún só͘-chāi, lín chiū ē chai Góa — Siōng-chú ū ánne kóng, mā ū ánne lâi chiâⁿ. Che sī Siōng-chú kóng ê. '" | 註釋 串珠 盧俊義 盧導讀台 |
| 37:15 | Iô-tah kah I-su-la-el Cho͘-sêng Liân-ha̍p Ông-kokSiōng-chú ê ōe koh lîm-kàu góa, kóng, | 註釋 串珠 盧俊義 盧導讀台 |
| 37:16 | " Jîn-chú, lí tio̍h the̍h chi̍t tè chhâ-pán, tī i ê téng-bīn siá ' Ūi Iô-tah kah i ê tâng-phōaⁿ I-su-la-el cho̍k ', koh the̍h chi̍t tè chhâ-pán, tī i ê téng-bīn siá ' Ūi tio̍h Iô-sé-huh, E-hu-laim kah i ê tâng-phōaⁿ I-su-la-el choân ke ' ê chhâ-pán. | 註釋 串珠 盧俊義 盧導讀台 |
| 37:17 | Lí tio̍h hō͘ in sio óa, liân chò chi̍t tè chhâ-pán; chiū tī lí ê chhiú tiong beh chiâⁿ-chò chi̍t tè. | 註釋 串珠 盧俊義 盧導讀台 |
| 37:18 | Siat-sú lí ê jîn-bîn mn̄g lí kóng ' Lí chò chit-ê sī siáⁿ-mi̍h ì-sù, lí ná m̄ kā goán chí-sī? ' | 註釋 串珠 盧俊義 盧導讀台 |
| 37:19 | Lí chiū tio̍h tùi in kóng, ' Chì-koân Siōng-chú ánne kóng: Lí khòaⁿ, Góa beh the̍h E-hu-laim ê chhiú só͘ gia̍h Iô-sé-huh ê chhâ-pán kah i ê tâng-phōaⁿ I-su-la-el chiahê chi-cho̍k, Góa beh kā i hē tī óa Iô-tah ê chhâ-pán, hō͘ i chiâⁿ-chò chi̍t tè ê chhâ-pán, i chiū ē chiâⁿ-chò chi̍t tè tī Góa ê chhiú. ' | 註釋 串珠 盧俊義 盧導讀台 |
| 37:20 | " Lí só͘ siá ê hit nn̄g tè chhâ-pán, tio̍h tī in ê ba̍k-chiu chêng gia̍h tī lí ê chhiú. | 註釋 串珠 盧俊義 盧導讀台 |
| 37:21 | Lí tio̍h tùi in kóng, chì-koân Siōng-chú ánne kóng: Lí khòaⁿ, Góa beh chhú I-su-la-el cho̍k tùi in só͘ khì-kàu ê ta̍k kok chhut-.lâi, koh tùi sì-kho͘-ûi kā in chū-chi̍p, chhōa in tńg-lâi pún só͘-chāi. | 註釋 串珠 盧俊義 盧導讀台 |
| 37:22 | Góa beh hō͘ in tī hit-ê tē, tī I-su-la-el ê soaⁿ, ha̍p-chò chi̍t-ê jîn-bîn; ū chi̍t-ê ông chò in chèng lâng ê ông. In bô koh pun-chò nn̄g pêng ê jîn-bîn, mā bô koh hun-chò nn̄g kok; | 註釋 串珠 盧俊義 盧導讀台 |
| 37:23 | mā bô koh in-ūi ngó͘-siōng kah khó-ò͘ⁿ ê mi̍h, í-ki̍p it-chhè ê chōe-kò, kā pún-sin òe lahsap. Góa beh kiù in thoat-chhut in só͘-ū tòa ê só͘-chāi, to̍h-sī in hoān chōe hia; Góa beh kā in chheng-khì; ánne, in ē chò Góa ê chú-bîn; Góa beh chò in ê Siōng-tè. | 註釋 串珠 盧俊義 盧導讀台 |
| 37:24 | " Góa ê lô͘-po̍k — Ta-bi̍t ē chò in ê ông; in lóng ē kui tī chi̍t-ê bo̍k-chiá. In ē sūn-ho̍k Góa ê hoat-tō͘, siú Góa ê lu̍t-lē lâi kiâⁿ. | 註釋 串珠 盧俊義 盧導讀台 |
| 37:25 | In ē tòa tī Góa siúⁿ-sù hō͘ Góa ê lô͘-po̍k — Iâ-kop ê tē, to̍h-sī lín ê chó͘-sian só͘ tòa ê. In kah in ê kiáⁿ-sun, í-ki̍p kiáⁿ-kiáⁿ sun-sun lóng éng-oán tòa tī hia. Góa ê lô͘-po̍k — Ta-bi̍t ē chò in ê kun-ông, it-ti̍t kàu éng-oán. | 註釋 串珠 盧俊義 盧導讀台 |
| 37:26 | Jî-chhiáⁿ Góa beh kah in li̍p pêng-an ê iok kah in chò éng-oán ê iok; Góa mā beh kā in kiàn-siat, hō͘ in ê lâng-gia̍h ke-thiⁿ, koh tī in ê tiong-kan siat-li̍p Góa ê sèng-só͘, ti̍t-kàu éng-oán. | 註釋 串珠 盧俊義 盧導讀台 |
| 37:27 | Góa tòa ê só͘-chāi ē tī in tiong-kan; Góa beh chò in ê Siōng-tè, in ē chò Góa ê chú-bîn. | 註釋 串珠 盧俊義 盧導讀台 |
| 37:28 | Góa ê sèng-só͘ tī in tiong-kan, it-ti̍t kàu éng-oán; gōa-pang lâng chiū ē chai Góa sī Siōng-chú, hō͘ I-su-la-el chiâⁿ-chò sèng ê. " | 註釋 串珠 盧俊義 盧導讀台 |