| 章節 | 全民台語聖經全羅經文 | 註釋 |
| 38:1 | Go͘-k Chiâⁿ-chò Siōng-chú ê Kang-KūSiōng-chú ê ōe lîm-kàu góa, kóng, | 註釋 串珠 盧俊義 盧導讀台 |
| 38:2 | " Jîn-chú, lí tio̍h bīn ǹg Má-gok tē ê Go͘-k, to̍h-sī Me-sek, Thô͘-bal ê kun-ông, soan-pò͘ lâi kong-kek i, kóng, | 註釋 串珠 盧俊義 盧導讀台 |
| 38:3 | Chì-koân Siōng-chú ánne kóng: Me-sek, Thô͘-bal ê kun-ông — Go͘-k, lí khòaⁿ, Góa kah lí chò tùi-te̍k. | 註釋 串珠 盧俊義 盧導讀台 |
| 38:4 | Góa beh hō͘ lí oa̍t tńg-.lâi, ēng kau kau lí ê gê-chô, kā lí kah lí ê kun-peng, bé-phit, bé-peng chhōa chhut-.lâi, lóng chhēng chin súi ê chiàn-kah, chiâⁿ-chò tōa ê kun-tūi, giâ tōa-sió ê tîn-pâi, ta̍k-ê gia̍h to-kiàm. | 註釋 串珠 盧俊義 盧導讀台 |
| 38:5 | Phel-siah lâng, Kú-si̍t lâng, Put lâng kah in chò-hóe lâi, ta̍k-ê giâ tîn-pâi, tì thâu-khoe. | 註釋 串珠 盧俊義 盧導讀台 |
| 38:6 | Go-mel kah i ê kun-tūi; pak-hong ke̍k-thâu ê To-kal-mah cho̍k kah i ê kun-tūi, koh ū chin chē jîn-bîn kah lí chò-tīn. | 註釋 串珠 盧俊義 盧導讀台 |
| 38:7 | " Lí tio̍h kakī chún-pī, lí kah chū-chi̍p tī lí hia ê kun-tūi lóng tio̍h chún-pī, lí tio̍h chò in ê goân-sòe. | 註釋 串珠 盧俊義 盧導讀台 |
| 38:8 | Chin chē ji̍t āu, lí ē siū pān-lí. Kàu lō͘-bóe ê nî, lí ē lâi-kàu thoat-lī to-kiàm tùi lia̍t kok siu-hôe ê tē, kàu I-su-la-el í-keng pha-hng chin kú ê soaⁿ; chóng-.sī, i í-keng hông tùi lia̍t kok tiong chhōa chhut-.khì, in lóng ē an-jiân seng-oa̍h. | 註釋 串珠 盧俊義 盧導讀台 |
| 38:9 | Lí kah lí ê kun-tūi, í-ki̍p kah lí chò-hóe lâi chin chē kok ê jîn-bîn, lóng ē chhin-chhiūⁿ kông hong lâi ánne khí-.lâi, lí ē chhin-chhiūⁿ hûn jia-khàm tē. " | 註釋 串珠 盧俊義 盧導讀台 |
| 38:10 | Chì-koân Siōng-chú ánne kóng, " Kàu hit ji̍t, ū ì-sù ē heng-khí tī lí ê sim, lí ē tô͘-bô͘ pháiⁿ ê kè-bô͘, | 註釋 串珠 盧俊義 盧導讀台 |
| 38:11 | Kóng, ' Góa beh chiūⁿ-khì kàu chng-thâu ê tē, kàu tiām-tiām an-jiân seng-oa̍h ê jîn-bîn hia, in só͘ tòa ê só͘-chāi lóng bô siâⁿ chhiûⁿ, mā bô mn̂g, bô chhòaⁿ ; | 註釋 串珠 盧俊義 盧導讀台 |
| 38:12 | thang chhiúⁿ só͘ beh chhiúⁿ ê, kiap só͘ beh kiap ê, oa̍t-tńg lí ê chhiú, kong-kek hiahê chá-chêng pha-hng taⁿ ū lâng tòa ê tē, í-ki̍p hit-ê tòa sè-kài ê tiong-sim tiám, tùi lia̍t kok chū-chi̍p óa-.lâi, tit tio̍h chengseⁿ kah châi-bu̍t ê jîn-bîn. ' | 註釋 串珠 盧俊義 盧導讀台 |
| 38:13 | Sí-bah lâng, Tí-tàn lâng, Tal-si-sih ê senglí lâng kah in tiong-kan béng-ióng ê sai lóng ē tùi lí kóng, ' Lí lâi kám sī beh chhiúⁿ só͘ chhiúⁿ ê? Lí chū-chi̍p lí ê kun-tūi kám sī beh kiap só͘ kiap ê? Kám ē the̍h kim-gîn, tòa chengseⁿ kah châi-bu̍t khì? Kám ē tōa-tōa chhiúⁿ só͘ chhiúⁿ ê? ' | 註釋 串珠 盧俊義 盧導讀台 |
| 38:14 | " Jîn-chú, lí tio̍h in-ūi ánne lâi soan-pò͘, tùi Go͘-k kóng, chì-koân Siōng-chú ánne kóng: Tng Góa ê jîn-bîn — I-su-la-el an-jiân seng-oa̍h ê ji̍t, lí kám m̄-chai? | 註釋 串珠 盧俊義 盧導讀台 |
| 38:15 | Lí ē tùi lí ê pún só͘-chāi, tùi pak-hong ê ke̍k-thâu lâi kah chin chē kok ê jîn-bîn chò-hóe lâi, lóng sī khiâ bé, chò tōa-tīn, chin chē ê kun-tūi. | 註釋 串珠 盧俊義 盧導讀台 |
| 38:16 | Lí ē khí-lâi kong-kek Góa ê chú-bîn — I-su-la-el, chhin-chhiūⁿ ba̍t hûn jia-khàm tē. Tī lō͘-bóe ê ji̍t, Góa beh chhōa lí lâi kong-kek Góa ê tē. Go͘-k, tán kàu Góa tī lia̍t pang ê bīn-chêng tī lí ê sin chiūⁿ hián-bêng chò sèng ê sî, thang hō͘ in bat Góa. | 註釋 串珠 盧俊義 盧導讀台 |
| 38:17 | Chì-koân Siōng-chú ánne kóng: Góa tī chá-sî, ēng Góa ê lô͘-po̍k — I-su-la-el ê sian-ti só͘ kóng ê, kám to̍h-sī lí? Tng hiahê ji̍t, in le̍k-nî ī-giân Góa beh chhōa lí lâi kā in kong-kek. " | 註釋 串珠 盧俊義 盧導讀台 |
| 38:18 | Siōng-chú Têng-hoa̍t Go͘-kChì-koân Siōng-chú kóng, " Go͘-k chiūⁿ-lâi kong-kek I-su-la-el tē ê ji̍t, Góa ê siū-khì ē tùi Góa ê phīⁿ-khang chhut. | 註釋 串珠 盧俊義 盧導讀台 |
| 38:19 | In-ūi Góa ê oàn-tò͘ kah tōa siū-khì chhin-chhiūⁿ hóe teh to̍h, chiū kóng: Hit ji̍t, tī I-su-la-el tē it-tēng ū tōa iô-tāng; | 註釋 串珠 盧俊義 盧導讀台 |
| 38:20 | sīm-chì hái tiong ê hî, khong-tiong ê poe-chiáu, chhân-iá ê siù, í-ki̍p tē-chiūⁿ it-chhè teh sô ê thâng-thōa kah tē-bīn chiūⁿ ê chèng lâng, tī Góa ê bīn-chêng lóng ē iô-tāng, soaⁿ-niá ē pang-li̍h, soaⁿ-khàm ē tó-hoāi, chhiûⁿ-piah lóng ē tó lo̍h-.khì. " | 註釋 串珠 盧俊義 盧導讀台 |
| 38:21 | Chì-koân Siōng-chú kóng, " Góa beh bēng-lēng Góa chiahê soaⁿ hoat-chhut to-kiàm lâi kong-kek Go͘-k; ta̍k lâng ē ēng i ê to-kiàm thâi i ê hiaⁿ-tī. | 註釋 串珠 盧俊義 盧導讀台 |
| 38:22 | Góa beh ēng un-e̍k kah lâu hoeh lâi kā i pān; Góa mā beh ēng tōa hō͘, tōa pha̍uh kah hóe, í-ki̍p liû-hông kàng-lo̍h hō͘ i kah i ê kun-tūi, í-ki̍p kah i chò-hóe ê jîn-bîn. | 註釋 串珠 盧俊義 盧導讀台 |
| 38:23 | Góa beh hián-bêng kakī chò tōa, hián-bêng kakī chò sèng, mā beh hián-hiān tī chin chē kok jîn-bîn ê bīn-chêng; in chiū ē chai Góa to̍h-sī Siōng-chú. " | 註釋 串珠 盧俊義 盧導讀台 |