章節 | 全民台語聖經全羅經文 | 註釋 |
22:1 | Koan-hē Pôe-sióng ê Tiâu-LēLâng nā thau khan gû á-.sī iûⁿ, bô-lūn thâi á-.sī bē, chi̍t chiah gû tio̍h pôe i gō͘ chiah, chi̍t chiah iûⁿ tio̍h pôe i sì chiah. | 註釋 串珠 盧俊義 盧華 盧導讀台 |
22:2 | Chha̍t nā iah-khang hō͘ lâng tú-.tio̍h, kā i phah-sí, ánne phah-sí chha̍t ê lâng bô sǹg ū chōe. | 註釋 串珠 盧俊義 盧華 盧導讀台 |
22:3 | Nā ji̍t-thâu í-keng chhut-.lâi, chiū sǹg i ū phah-sí-lâng ê chōe. Án-ne, chha̍t it-tēng tio̍h pôe, nā bô thang pôe, chha̍t tio̍h bē sin lâi tú i só͘ thau ê. | 註釋 串珠 盧俊義 盧華 盧導讀台 |
22:4 | " Nā i só͘ thau ê, kiámchhái gû á-.sī lî, iûⁿ, iáu oa̍h tī i ê chhiú tiong, chiū tio̍h pôe têng-pōe. | 註釋 串珠 盧俊義 盧華 盧導讀台 |
22:5 | " Lâng nā tī chhân-.ni̍h á-.sī phû-tô hn̂g, pàng chengseⁿ chhut-chāi i chia̍h pa̍t lâng ê chhân, chiū tio̍h ēng kakī ê chhân-.ni̍h siōng hó ê kah phû-tô hn̂g siōng hó ê lâi pôe. | 註釋 串珠 盧俊義 盧華 盧導讀台 |
22:6 | " Nā hóe sio chhì-phè, sòa sio-.tio̍h tiū-tui á-.sī iáu-bōe koah ê tiū-á, á-.sī chhân-hn̂g, khí hóe ê lâng chiū it-tēng tio̍h pôe. | 註釋 串珠 盧俊義 盧華 盧導讀台 |
22:7 | " Lâng nā kā chêⁿ-á-.sī mi̍h-kiāⁿ kau-tài chhù-piⁿ kò͘-siú, chiahê mi̍h nā tùi hit-ê lâng ê ke tio̍h chhat-thau, chha̍t nā lia̍h tio̍h, chha̍t tio̍h pôe têng-pōe; | 註釋 串珠 盧俊義 盧華 盧導讀台 |
22:8 | chha̍t nā lia̍h bô tio̍h, hit-ê ke-chú tio̍h kàu kèng-pài Siōng-chú ê só͘-chāi, piáu-bêng khòaⁿ i ū the̍h chhù-piⁿ ê mi̍h-kiāⁿ á-bô. | 註釋 串珠 盧俊義 盧華 盧導讀台 |
22:9 | " Kiàn-nā ū kòe-sit, kiámchhái sī ūi tio̍h gû, lî, iûⁿ, á-.sī ūi tio̍h saⁿ-khò͘, á-.sī siáⁿ-mi̍h sit-lo̍h ê mi̍h-kiāⁿ, ū lâng jīn-tit sī i ê, siang pêng ê àn-kiāⁿ tio̍h kàu kèng-pài Siōng-tè ê só͘-chāi, koaⁿ-hú nā toàn-tēng siáⁿ lâng ū chōe, hit-ê lâng tio̍h pôe i ê chhù-piⁿ têng-pōe. | 註釋 串珠 盧俊義 盧華 盧導讀台 |
22:10 | " Lâng nā kā lî, á-.sī gû, á-.sī iûⁿ, á-.sī pa̍t chióng chengseⁿ, kau-tài chhù-piⁿ kò͘-siú, chengseⁿ kiámchhái sí, á-.sī siū-siong, á-.sī hō͘ lâng thau khan-.khì, bô lâng khòaⁿ-.tio̍h, | 註釋 串珠 盧俊義 盧華 盧導讀台 |
22:11 | nn̄g lâng ê tiong-kan, tio̍h kí Siōng-chú lâi chiùchōa, m̄ bat the̍h chhù-piⁿ ê mi̍h, goân chú-lâng chiū tio̍h soah, kò͘-siú ê lâng m̄-bián pôe. | 註釋 串珠 盧俊義 盧華 盧導讀台 |
22:12 | Cheng-seⁿ nā tùi kò͘-siú ê lâng hia hō͘ lâng thau lia̍h-.khì, i chiū tio̍h pôe goân chú-lâng. | 註釋 串珠 盧俊義 盧華 盧導讀台 |
22:13 | Nā siū iá-siù thiah-chhùi, kò͘-siú ê lâng tio̍h kā i tòa-lâi chò chèng-kì, só͘ thiah-chhùi ê chiū m̄-bián pôe. | 註釋 串珠 盧俊義 盧華 盧導讀台 |
22:14 | " Lâng nā tùi chhù-piⁿ chioh siáⁿ-mi̍h mi̍h-kiāⁿ, só͘ chioh ê kiámchhái siū-siong á-.sī sí-.khì, goân chú-lâng bô kah i tī hia, chioh ê lâng it-tēng tio̍h pôe. | 註釋 串珠 盧俊義 盧華 盧導讀台 |
22:15 | Nā goân chú-lâng kah i tī hia, i chiū m̄-bián pôe; nā-sī cho͘ ê, mā m̄-bián pôe, in-ūi pún-lâi to̍h ū cho͘-kim. | 註釋 串珠 盧俊義 盧華 盧導讀台 |
22:16 | Tō-tek kah Chong-kàu ê Kui-tēng " Lâng nā ín-iú bōe siū phèng ê chabó͘ gín'á kah i tâng-pâng, i tio̍h chhōa i chò bó͘. | 註釋 串珠 盧俊義 盧華 盧導讀台 |
22:17 | Nā i ê lāu-pē choa̍t-tùi m̄-khéng kā chabó͘ kiáⁿ phòe hō͘ i, i chiū tio̍h chiàu chāi-sek-lí ê phèng-lé hō͘ i chîⁿ. | 註釋 串珠 盧俊義 盧華 盧導讀台 |
22:18 | " Chò ang-î ê, tio̍h hō͘ i sí. | 註釋 串珠 盧俊義 盧華 盧導讀台 |
22:19 | " Kiàn-nā kah siù kiâⁿ kan-îm ê, it-tēng tio̍h hō͘ i sí. | 註釋 串珠 盧俊義 盧華 盧導讀台 |
22:20 | " Bô choan-it chè-sū Siōng-chú khì chè-sū pa̍t-ê sîn-bêng ê, tio̍h kā i bia̍t-tiāu. | 註釋 串珠 盧俊義 盧華 盧導讀台 |
22:21 | " M̄-thang khi-hū chhut-gōa lâng, mā m̄ thang kā i khi-ap, in-ūi lín tī Ai-gi̍p tē mā bat chò chhut-gōa lâng. | 註釋 串珠 盧俊義 盧華 盧導讀台 |
22:22 | M̄-thang pháiⁿ khoán-thāi kóaⁿ-hū kah ko͘-jî; | 註釋 串珠 盧俊義 盧華 盧導讀台 |
22:23 | nā sió-khóa kā in pháiⁿ khoán-thāi, in ē kiû-kiò Góa, Góa it-tēng ē thiaⁿ in ê kiû-kiò, | 註釋 串珠 盧俊義 盧華 盧導讀台 |
22:24 | mā ē tōa siū-khì, ēng to thâi lín, hō͘ lín ê bó͘ chò kóaⁿ-hū, lín ê kiáⁿ chò ko͘-jî. | 註釋 串珠 盧俊義 盧華 盧導讀台 |
22:25 | " Góa ê chú-bîn tiong-kan nā ū sànchhiah lâng kah lín tòa, lí nā chioh i chîⁿ, lí m̄ thang chhin-chhiūⁿ chè-chú kā i khoán-thāi, mā m̄ thang the̍h i ê lī-sek. | 註釋 串珠 盧俊義 盧華 盧導讀台 |
22:26 | Lí nā the̍h chhù-piⁿ ê saⁿ-khò͘ chò chún-tǹg, kàu ji̍t lo̍h chiū tio̍h hêng i; | 註釋 串珠 盧俊義 盧華 盧導讀台 |
22:27 | i chí ū chit kiāⁿ thang kah, sī i cha̍h seng-khu ê saⁿ; nā bô, i beh án-chóaⁿ khùn? I kiû Góa, Góa ē thiaⁿ, in-ūi Góa sī chû-pi ê. | 註釋 串珠 盧俊義 盧華 盧導讀台 |
22:28 | " M̄-thang húi-pòng koaⁿ-hú, mā m̄ thang mē lí ê jîn-bîn ê sī-tōa. | 註釋 串珠 盧俊義 盧華 盧導讀台 |
22:29 | " Lí tio̍h tùi só͘ siu-sêng ê ngó͘-kok kah chiú-khut lāi só͘ lâu chhut ê chiú, the̍h-lâi hiàn, m̄ thang iân-chhiân. | 註釋 串珠 盧俊義 盧華 盧導讀台 |
22:30 | " Lí tio̍h kā thâu-chiūⁿ ê kiáⁿ kui tī Góa. Lí ê gû kah lí ê iûⁿ mā tio̍h ánne; chhit ji̍t thang tòe i ê bó, tī tē-peh ji̍t tio̍h kui tī Góa. | 註釋 串珠 盧俊義 盧華 盧導讀台 |
22:31 | " Lín tio̍h ūi tio̍h Góa chò sèng ê chú-bîn, só͘-í, chhân-.ni̍h iá-siù só͘ thiah-li̍h ê bah, lín m̄ thang chia̍h, tio̍h hiat hō͘ káu chia̍h. " | 註釋 串珠 盧俊義 盧華 盧導讀台 |