章節 | 全民台語聖經全羅經文 | 註釋 |
45:1 | Kui hō͘ Siōng-chú ê Thó͘-tē" Lín liam-khau pun tē chò sán-gia̍p, tio̍h hiàn chi̍t hūn hō͘ Siōng-chú lâi chò sèng, tn̂g nn̄g-bān gō͘-chheng ko-chhioh, khoah chi̍t bān ko-chhioh. I ê kài ê sì-kho͘-ûi lóng sī sèng ê. | 註釋 串珠 盧俊義 盧導讀台 |
45:2 | Kî-tiong hun-pia̍t chi̍t tōaⁿ chò sèng-só͘, tn̂g gō͘ pah, khoah gō͘ pah, i ê khoán-sit sī sì-kak-hêng. Sì-kho͘-ûi koh ū gō͘-cha̍p tiú chò kau-iá ê tē. | 註釋 串珠 盧俊義 盧導讀台 |
45:3 | Tī só͘ niû ê tiong-kan, lí tio̍h niû, tn̂g nn̄g-bān gō͘-chheng, khoah chi̍t-bān. Hit tiong-kan ū sèng-só͘, to̍h-sī chì-sèng ê. | 註釋 串珠 盧俊義 盧導讀台 |
45:4 | Che sī choân tē-it hūn ê sèng-tē, tio̍h kui tī chè-si, to̍h-sī chò sèng-só͘ ê chhe-ēng, kīn-óa lâi ho̍k-sāi Siōng-chú ê, chit-ê tē thang chò in khí chhù ê só͘-chāi kah sèng-só͘ ê sèng-tē. | 註釋 串珠 盧俊義 盧導讀台 |
45:5 | Iū-koh chi̍t hūn, tn̂g nn̄g-bān gō͘-chheng, khoah chi̍t bān, tio̍h kui tī tiān lāi chò chhe-ēng-ê Lē-bī lâng, chò in ê sán-gia̍p, jī-cha̍p keng pâng. | 註釋 串珠 盧俊義 盧導讀台 |
45:6 | Lín tio̍h hun-phài chò siâⁿ ê sán-gia̍p, khoah gō͘ chheng, tn̂g nn̄g-bān gō͘-chheng kah só͘ hiàn ê sèng-tē saⁿ pâi, che sī beh chò I-su-la-el choân ke ê lō͘-ēng. " | 註釋 串珠 盧俊義 盧導讀台 |
45:7 | Kun-ông ê Thó͘-tē" Kiàn-nā kui tī kun-ông ê, sī tī só͘ hiàn ê sèng-tē í-ki̍p siâⁿ ê sán-gia̍p chit pêng kah hit pêng, tī só͘ hiàn sèng-tē ê thâu-chêng kah siâⁿ ê sán-gia̍p ê thâu-chêng, tùi se-hng ǹg sai, tùi tang-hng ǹg tang, i ê tn̂g tio̍h kah in ê chi̍t chi-cho̍k ê hūn-gia̍h sio-kāng, tùi sai kài kàu tang kài. | 註釋 串珠 盧俊義 盧導讀台 |
45:8 | Tī I-su-la-el ê kéng lāi, kun-ông ē tit tio̍h chit-ê chò ki-gia̍p. Āu-lâi, Góa chiahê kun-ông bô koh khi-ap Góa ê jîn-bîn, ē kā tē chiàu in ê chi-cho̍k pun hō͘ I-su-la-el ê chú-bîn. " | 註釋 串珠 盧俊義 盧導讀台 |
45:9 | Kun-ông Tio̍h Chun-siú ê Kui-tēngChì-koân Siōng-chú ánne kóng, " I-su-la-el chiahê kun-ông, lín taⁿ kàu-gia̍h à; tio̍h tû-khì kiông-pō kah chhiúⁿ-kiap ê tāichì, péng-kong kiâⁿ-gī, bô koh pà-chiàm jîn-bîn ê sán-gia̍p. Che sī chì-koân Siōng-chú kóng ê. | 註釋 串珠 盧俊義 盧導讀台 |
45:10 | " Lín tio̍h ēng kong-tō ê thian-phêng, kong-tō ê e-hoat ( Chù, ta-mi̍h ê niû-khì), kong-tō ê bat( Chù, e̍k-thé ê niû-khì). | 註釋 串珠 盧俊義 盧導讀台 |
45:11 | E-hoat kah bat tio̍h pêⁿ-tōa, hō͘ bat thang té ho-mel ê cha̍p-hūn chi-it, e-hoat mā thang té ho-mel ê cha̍p-hūn chi-it; lóng ēng ho-mel ( Chù, ta-mi̍h ê niû-khì)chò phiau-chún. | 註釋 串珠 盧俊義 盧導讀台 |
45:12 | Si-khel tio̍h chò jī-cha̍p ge-la̍h; jī-cha̍p-ê si-khel, jī-cha̍p gō͘-ê si-khel, cha̍p-gō͘-ê si-khel sī chò lín ê mi-nah( Chù kah si-khel, ge-la̍h lóng sī tāng-liōng ê tan-ūi ). | 註釋 串珠 盧俊義 盧導讀台 |
45:13 | " Lín só͘ eng-kai hiàn ê lé-mi̍h tio̍h ánne: sió-be̍h chi̍t ho-mel, tio̍h hiàn la̍k-hūn chi-it e-hoat; tōa-be̍h chi̍t ho-mel, tio̍h hiàn la̍k-hūn chi-it e-hoat. | 註釋 串珠 盧俊義 盧導讀台 |
45:14 | Kóng tio̍h iû ê tēng-lē, tùi iû ê bat, to̍h-sī tùi chi̍t kol, to̍h-sī cha̍p-ê bat, koh sī chi̍t ho-mel, hiàn cha̍p-hūn chi-it bat; in-ūi cha̍p bat, to̍h-sī chi̍t ho-mel. | 註釋 串珠 盧俊義 盧導讀台 |
45:15 | Tùi I-su-la-el pûi ê chháu-tiûⁿ, tī iûⁿ-kûn tiong múi nn̄g pah chiah iûⁿ tio̍h hiàn chi̍t chiah iûⁿ-ko, lâi chò sò͘-chè, sio-chè kah siā-un-chè, thè in sio̍k-chōe. Che to̍h-sī chì-koân Siōng-chú kóng ê. | 註釋 串珠 盧俊義 盧導讀台 |
45:16 | " Kéng lāi ê chèng lâng lóng tio̍h ēng chit-ê lé-mi̍h, hiàn hō͘ I-su-la-el ê kun-ông. | 註釋 串珠 盧俊義 盧導讀台 |
45:17 | Kun-ông ê pún-hūn tī cheh-kî, to̍h-sī ta̍k goe̍h ê chhe-it, ta̍k pái An-hioh-ji̍t kah I-su-la-el ê chú-bîn tiong só͘ tiāⁿ tio̍h ê cheh-kî, tio̍h hiàn sio-chè, sò͘-chè, koàn-tiān chè; i tio̍h chún-pī sio̍k-chōe-chè, sò͘-chè, sio-chè kah pêng-an-chè, lâi ūi tio̍h I-su-la-el ê chú-bîn sio̍k-chōe. " | 註釋 串珠 盧俊義 盧導讀台 |
45:18 | Cheh-kî( CAG 12:1-20; LBK 23:33-43)Chì-koân Siōng-chú ánne kóng, " Tī chiaⁿ-goe̍h chhe-it, lín tio̍h chhú bô khoat-tiám ê gû-káng, lâi chheng-khì sèng-só͘. | 註釋 串珠 盧俊義 盧導讀台 |
45:19 | Chè-si tio̍h kā sio̍k-chōe-chè ê hoeh boah tī tiān ê mn̂g-kheng, tôaⁿ khat-á ê sì-kak kah lāi-īⁿ ê mn̂g-kheng. | 註釋 串珠 盧俊義 盧導讀台 |
45:20 | Hit goe̍h ê chhe-chhit, mā tio̍h ūi tio̍h chhò-gō͘ hoān chōe ê kah gû-gōng lâi hoān-.tio̍h ê ánne chò, lâi ūi tio̍h tiān sio̍k-chōe. | 註釋 串珠 盧俊義 盧導讀台 |
45:21 | " Chiaⁿ-goe̍h cha̍p-sì, lín tio̍h siú Pôaⁿ-kòe-cheh, siú chit-ê cheh chhit kang, tio̍h chia̍h bô-kàⁿ ê piáⁿ. | 註釋 串珠 盧俊義 盧導讀台 |
45:22 | Hit ji̍t, kun-ông tio̍h ūi tio̍h kakī kah kok lāi ê chèng lâng, chún-pī chi̍t chiah kang ê gû lâi chò sio̍k-chōe-chè. | 註釋 串珠 盧俊義 盧導讀台 |
45:23 | Tng cheh-kî ê chhit ji̍t tiong, i tio̍h chún-pī sio-chè lâi hiàn hō͘ Siōng-chú, liân-liân chhit kang, ta̍k kang tio̍h ēng chhit chiah gû-káng kah chhit chiah mî-iûⁿ-káng, lóng bô khoat-tiám ê. Ta̍k kang mā tio̍h chún-pī chi̍t chiah soaⁿ-iûⁿ-káng, lâi chò sio̍k-chōe-chè. | 註釋 串珠 盧俊義 盧導讀台 |
45:24 | I mā tio̍h chún-pī sò͘-chè, chi̍t chiah gû-káng chi̍t-ê e-hoat, chi̍t chiah mî-iûⁿ-káng chi̍t-ê e-hoat, múi e-hoat tio̍h phòe iû chi̍t hin ( Chù, e̍k-thé ê niû-khì). | 註釋 串珠 盧俊義 盧導讀台 |
45:25 | " Chhit goe̍h cha̍p-gō͘ siú cheh ê sî, i tio̍h ánne chò chhit kang, chun-chiàu sio̍k-chōe-chè, chiàu sio-chè kah chiàu sò͘-chè ê tiâu-lē, mā tio̍h chun-chiàu iû ê tiâu-lē. " | 註釋 串珠 盧俊義 盧導讀台 |