| 章節 | 全民台語聖經全羅經文 | 註釋 |
| 10:1 | Tī Ti-gu-lí-su Tōa-hô Piⁿ Khòaⁿ-kìⁿ ê Ī-siōngPhel-siah ông Ko-le-si tē-saⁿ nî, ū tāichì hián-sī hō͘ kiò-chò Bel-ti-sia-chal ê Ta-ni-el. Chit-ê tāichì sī chin-si̍t, sī kóng tio̍h tōa kau-chiàn; Ta-ni-el thong-ta̍t chit-ê tāichì, bêng-pe̍k chit-ê ī-siōng. | 註釋 串珠 盧導讀台 |
| 10:2 | Hit sî, góa — Ta-ni-el iu-būn saⁿ-ê chhit-ji̍t kî. | 註釋 串珠 盧導讀台 |
| 10:3 | Hó ê mi̍h góa bô chia̍h, bah kah chiú bô ji̍p góa ê chhùi, mā bô ēng iû boah góa ê seng-khu, it-ti̍t kàu móa saⁿ-ê chhit-ji̍t kî. | 註釋 串珠 盧導讀台 |
| 10:4 | Chiaⁿ-goe̍h jī-cha̍p sì, góa tī Ti-gu-lí-su tōa hô piⁿ, | 註釋 串珠 盧導讀台 |
| 10:5 | Gia̍h thâu teh khòaⁿ, lí khòaⁿ, ū chi̍t-ê lâng seng-khu chhēng iù-tē pò͘ ê saⁿ, io hâ U-hoah ê sûn-kim. | 註釋 串珠 盧導讀台 |
| 10:6 | I ê seng-khu chhin-chhiūⁿ n̂g-ge̍k, bīn-māu chhin-chhiūⁿ sihnà ê khoán, i ê ba̍k-chiu chhin-chhiūⁿ hóe-pé, i ê chhiú kah kha sek-tì chhin-chhiūⁿ bôa-kng ê tâng, i kóng-ōe ê siaⁿ chhin-chhiūⁿ kui tīn lâng ê siaⁿ. | 註釋 串珠 盧導讀台 |
| 10:7 | Chit-ê ī-siōng chí ū góa — Ta-ni-el chi̍t-ê lâng khòaⁿ-.tio̍h, in-ūi kah góa tông-chāi ê lâng bô khòaⁿ tio̍h hit-ê ī-siōng, kantaⁿ phi̍h-phi̍h chhoah, cháu-khì bih. | 註釋 串珠 盧導讀台 |
| 10:8 | Chhun góa kakī tī hia. Góa khòaⁿ tio̍h chit-ê tōa ī-siōng, seng-khu lóng bô khùi-la̍t, jî-chhiáⁿ góa bīn-māu ê súi-sek piàn bái, tì-kàu lóng bô la̍t. | 註釋 串珠 盧導讀台 |
| 10:9 | Chóng-.sī, góa thiaⁿ tio̍h i kóng-ōe ê siaⁿ, thiaⁿ tio̍h i kóng-ōe ê sî, góa phak lo̍h tē, bīn àⁿ tē, chiū khùn tāng-bîn. | 註釋 串珠 盧導讀台 |
| 10:10 | Lí khòaⁿ, ū chi̍t ki chhiú bong góa, hō͘ góa ê kha-thâu-u kah chhiú-chiúⁿ tah tī tē-.ni̍h teh chhoah. | 註釋 串珠 盧導讀台 |
| 10:11 | I chiū tùi góa kóng, " Tōa-tōa tit tio̍h thióng-ài ê lâng — Ta-ni-el, lí tio̍h bêng-pe̍k góa kah lí só͘ kóng chiahê ōe. Khiā khí-.lâi, in-ūi góa taⁿ hōng chhe-khián lâi-kàu lí chia. " I tùi góa kóng chit-ê ōe, góa chiū khiā-teh gī-gī chhoah. | 註釋 串珠 盧導讀台 |
| 10:12 | I koh tùi góa kóng, " Ta-ni-el, m̄-bián kiaⁿ! In-ūi tùi lí thâu chi̍t ji̍t tio̍h choan-sim ài bêng-pe̍k, koh kakī khiam-pi tī lí Siōng-tè ê bīn-chêng ê sî, lí ê ōe í-keng tit tio̍h thiaⁿ-.tio̍h; jî-chhiáⁿ góa sī in-ūi lí ê ōe chiah lâi. | 註釋 串珠 盧導讀台 |
| 10:13 | M̄ koh, Phel-siah kok ê thiⁿ-sài chó͘-tòng góa jī-cha̍p it ji̍t. Lí khòaⁿ, ū thiⁿ-sài-tiúⁿ ê chi̍t-ê — Mî-khá-el, i lâi pang-chān góa, góa chiū thêng tī hia kah Phel-siah hiahê ông chò-tīn. | 註釋 串珠 盧導讀台 |
| 10:14 | Taⁿ góa lâi sī beh hō͘ lí bêng-pe̍k lí ê jîn-bîn ji̍t-āu só͘ ē tú-.tio̍h ê tāichì, in-ūi chit-ê ī-siōng iáu koh kóng tio̍h chin chē í-āu ê ji̍t. " | 註釋 串珠 盧導讀台 |
| 10:15 | I kā chiahê ōe tùi góa kóng, góa chiū bīn ǹg tē, tiām-tiām bô kóng-ōe. | 註釋 串珠 盧導讀台 |
| 10:16 | Lí khòaⁿ, ū chi̍t ūi chhin-chhiūⁿ lâng ê khoán ê teh bong góa ê chhùi-tûn, góa chiū khui chhùi tùi hit ūi khiā tī góa ê bīn-chêng ê kóng, " Góa ê chú ah, in-ūi chit-ê ī-siōng, góa chin iu-būn, tì-sú góa lóng bô la̍t. | 註釋 串珠 盧導讀台 |
| 10:17 | Góa sī chú ê lô͘-po̍k, ná ē-tàng kah góa ê chú kóng-ōe? In-ūi chit sî góa ê seng-khu lóng bô la̍t, mā lóng bē chhoán-khùi. " | 註釋 串珠 盧導讀台 |
| 10:18 | Koh ū chi̍t ūi chhin-chhiūⁿ lâng ê khoán ê lâi bong góa, hō͘ góa koh ū la̍t khí-.lâi. | 註釋 串珠 盧導讀台 |
| 10:19 | I kóng, " Tōa-tōa tit tio̍h thióng-ài ê lâng, m̄-bián kiaⁿ, goān lí pêng-an! Lí tio̍h ióng-chòng, tio̍h ióng-chòng. " I chi̍t-ē tùi góa kóng ōe, góa chiū tit tio̍h ū la̍t, kóng, " Góa ê chú ah, chhiáⁿ lí kóng, in-ūi lí í-keng hō͘ góa ū la̍t. " | 註釋 串珠 盧導讀台 |
| 10:20 | I chiū kóng, " Lí chai góa ūi siáⁿ-mi̍h lâi lí chia? Taⁿ góa beh tò tńg-khì kah Phel-siah ê thiⁿ-sài kau-chiàn, góa khì-liáu, lí khòaⁿ, Hi-la̍h ê thiⁿ-sài teh beh lâi. | 註釋 串珠 盧導讀台 |
| 10:21 | Chóng-.sī, góa beh kā kì-chài tī chin-si̍t ê chheh ê chí-sī lí. Tû-liáu lí ê thiⁿ-sài-tiúⁿ — Mî-khá-el í-gōa, bô chi̍t-ê ē kah goán tàu chhut-la̍t lâi tí-tòng in. " | 註釋 串珠 盧導讀台 |