| 章節 | 全民台語聖經全羅經文 | 註釋 |
| 12:1 | Boa̍t-ji̍tHitê thiⁿ-sài kóng, " Hit sî, pó-hō͘ lí ê jîn-bîn ê thiⁿ-sài-tiúⁿ — Mî-khá-el ē khiā khí-.lâi; koh ē ū tōa khùn-khó͘ ê sî, tùi khai-kok í-lâi-kàu hit sî m̄ bat ū ánne. Hit sî, lí ê jîn-bîn tiong, kiàn-nā miâ kì tī chheh-.ni̍h ê, ē tit tio̍h chín-kiù. | 註釋 串珠 盧導讀台 |
| 12:2 | Khùn tī thô͘-soa hún tiong-kan ê, ē ū chin chē lâng koh chhéⁿ; ū ê ē tit tio̍h éng-oán ê oa̍h-miā, ū ê ē siū kiàn-siàu, thó-ià kàu éng-oán. | 註釋 串珠 盧導讀台 |
| 12:3 | Tì-hūi ê lâng ē hoat-chhut kng chhin-chhiūⁿ thiⁿ-téng ê kng; hiahê hō͘ chin chē lâng kui tī gī ê, ē chhin-chhiūⁿ kng-chheⁿ, ti̍t-kàu éng-oán. | 註釋 串珠 盧導讀台 |
| 12:4 | " Ta-ni-el, lí tio̍h am-khàm chiahê ōe, hong ba̍t chit pún chheh, kàu lō͘-bóe ê sî, ē ū chin chē lâng cháu-lâi cháu-khì, jî-chhiáⁿ kiàn-sek ē ke-thiⁿ. " | 註釋 串珠 盧導讀台 |
| 12:5 | Góa — Ta-ni-el teh khòaⁿ, lí khòaⁿ, lēng-gōa ū nn̄g-ê khiā-.leh, chi̍t-ê tī hô ê chit pêng hōaⁿ, mā ū chi̍t-ê tī hô ê hit pêng hōaⁿ. | 註釋 串珠 盧導讀台 |
| 12:6 | Ū chi̍t-ê kā hit-ê khiā tī hô chúi ê téng-bīn, chhēng iù-tē saⁿ ê lâng kóng, " Chiahê kî-sū ê chiong-kio̍k ē kàu gōa kú? " | 註釋 串珠 盧導讀台 |
| 12:7 | Góa thiaⁿ tio̍h hit-ê khiā tī hô chúi ê téng-bīn, chhēng iù-tē saⁿ ê lâng, gia̍h-khí i ê chiàⁿ chhiú kah tò chhiú ǹg thiⁿ, kí éng-oán oa̍h-miā ê Chú lâi chiùchōa kóng, " Tio̍h kàu chi̍t-ê sî-kî, nn̄g-ê sî-kî koh pòaⁿ-ê sî-kî （ Chù, ū ê e̍k-pún e̍k-chò " Saⁿ nî pòaⁿ " ）. Tng sèng ê jîn-bîn ê koân-le̍k siū phò-hoāi ê sî, chiahê it-chhè ê tāichì lóng ē oân-sêng. " | 註釋 串珠 盧導讀台 |
| 12:8 | Góa thiaⁿ tio̍h mā bô bêng-pe̍k, chiū kóng, " Góa ê chú ah, chiahê tāichì ê chiong-kio̍k sī án-chóaⁿ? " | 註釋 串珠 盧導讀台 |
| 12:9 | I kóng, " Ta-ni-el, lí chò lí khì; in-ūi chiahê ōe í-keng am-khàm hong ba̍t, ti̍t-kàu lō͘-bóe ê sî. | 註釋 串珠 盧導讀台 |
| 12:10 | Ē ū chin chē lâng kakī chheng-khì-kàu pe̍h-pe̍h, koh siū toàn-liān; chóng-.sī, pháiⁿ lâng iû-goân ē kiâⁿ pháiⁿ; só͘-ū ê pháiⁿ lâng lóng bē bêng-pe̍k, to̍k-to̍k tì-hūi ê lâng ē bêng-pe̍k. | 註釋 串珠 盧導讀台 |
| 12:11 | " Tùi tû-khì ji̍t-ji̍t só͘ hiàn ê chè-sū koh siat-li̍p hit-ê chân-hāi khó-ò͘ⁿ ê mi̍h ê sî sǹg-khí, ē ū chi̍t-chheng nn̄g-pah káu-cha̍p kang. | 註釋 串珠 盧導讀台 |
| 12:12 | Kiàn-nā thèng-hāu kàu chi̍t-chheng saⁿ-pah saⁿ-cha̍p gō͘ kang ê, hit-ê lâng ū hok-khì. | 註釋 串珠 盧導讀台 |
| 12:13 | " Chóng-.sī, lí tio̍h khì-kàu lō͘-bóe ê sî, in-ūi lí beh an-hioh. Kàu lō͘-bóe ê sî, lí ē-tàng khiā khí-.lâi, hióng-siū lí ê hok-hūn. " | 註釋 串珠 盧導讀台 |