| 章節 | 全民台語聖經全羅經文 | 註釋 |
| 5:1 | Si-óng chiâⁿ-tūi ê jîn-bîn, taⁿ lí chū-chi̍p chò kun-tūi; i beh ûi-ûi lâi kong-kek lán, in ēng koái-á phah I-su-la-el sím-phòaⁿ-koaⁿ ê chhùi-phóe. | 註釋 串珠 盧導讀台 |
| 5:2 | Tùi Bia̍t-lé-hèm Lâi ê Thóng-tī-chiáSiōng-chú kóng, " Bia̍t-lé-hèm E-hu-la̍t, lí tī Iô-tah chiahê chng-thâu tiong chò bî-sè ê, ē ū chi̍t-ê tùi lí hia chhut-.lâi, tī I-su-la-el tiong-kan kā Góa chò chiáng-koân ê; i ê kin-goân tùi kó͘-chá, tùi ke̍k khí-thâu to̍h ū. " | 註釋 串珠 盧導讀台 |
| 5:3 | Só͘-í, Siōng-chú beh kā in kau hō͘ tùi-te̍k, kàu seng-sán ê chabó͘ lâng seⁿ kiáⁿ. Hit sî, i só͘ chhun lo̍h-.lâi ê hiaⁿ-tī ē tńg-lâi kui I-su-la-el. | 註釋 串珠 盧導讀台 |
| 5:4 | I ē khiā-.leh, óa-khò Siōng-chú ê koân-lêng kah i ê Siōng-tè ui-giâm ê miâ, lâi chhī i ê iûⁿ-kûn. In ē an-jiân seng-oa̍h; i ē chò tōa, kàu tē ê ke̍k-thâu. | 註釋 串珠 盧導讀台 |
| 5:5 | Chit-ê lâng beh chò lán ê pêng-an. Kái-kiù kah Têng-hoa̍tA-siul ji̍p-lâi lán ê tē-kài thún-ta̍h lán ê kiong-tiān ê sî, lán ē heng-khí chhit-ê bo̍k-chiá, peh-ê siú-léng lâi kong-kek i. | 註釋 串珠 盧導讀台 |
| 5:6 | In ē ēng to-kiàm húi-hoāi A-siul tē kah Nim-lo͘t ê tē, tī i chhut-ji̍p ê só͘-chāi. A-siul ji̍p-lâi lán ê tē thún-ta̍h lán ê tē-kài ê sî, i ē kiù lán thoat-lī. | C註釋 註釋 串珠 盧導讀台 |
| 5:7 | Iâ-kop chhun lo̍h-.lâi ê lâng ē tī chin chē kok ê jîn-bîn tiong-kan, chhin-chhiūⁿ tùi Siōng-chú kàng-lo̍h ê lō͘-chúi, koh chhin-chhiūⁿ chu-jūn chháu ê hō͘, m̄-bián óa-khò lâng, mā bô thèng-hāu sè-kan lâng. | 註釋 串珠 盧導讀台 |
| 5:8 | Iâ-kop só͘ chhun lo̍h-.lâi ê lâng ē tī chin chē kok ê jîn-bîn tiong-kan, chhin-chhiūⁿ chhiū-nâ lāi pah-siù tiong ê sai, mā chhin-chhiūⁿ sè chiah ióng-béng ê sai tī iûⁿ-kûn tiong. I nā keng-kòe, chiū ē thún-ta̍h thiah-li̍h, bô lâng ē kā i kiù. | 註釋 串珠 盧導讀台 |
| 5:9 | Goān Lí ê chhiú gia̍h-khí tī Lí ê tùi-te̍k ê téng-bīn! Goān Lí ê tùi-te̍k lóng siū chián-tû! | 註釋 串珠 盧導讀台 |
| 5:10 | Siōng-chú kóng, " Kàu hit ji̍t, Góa beh tùi lí tiong-kan tû-khì lí ê bé, húi-hoāi lí ê chhia. | 註釋 串珠 盧導讀台 |
| 5:11 | Góa beh húi-bia̍t lí ê só͘-chāi — chiahê siâⁿ, chhia-tó lí só͘-ū ê siâⁿ-pó. | 註釋 串珠 盧導讀台 |
| 5:12 | Góa mā beh tû-khì lí chhiú tiong ê siâ-su̍t, tī lí hia bô koh ū chiam-pok-chiá. | 註釋 串珠 盧導讀台 |
| 5:13 | Góa beh tùi lí tiong-kan tû-bia̍t tiau-khek ê ngó͘-siōng kah thiāu-siōng, lí chiū bô koh kūi-pài kakī ê chhiú só͘ chō ê. | 註釋 串珠 盧導讀台 |
| 5:14 | Góa beh tùi lí tiong-kan poe̍h-chhut lí chiahê chhâ-thiāu, koh húi-bia̍t lí chiahê siâⁿ. " | 註釋 串珠 盧導讀台 |
| 5:15 | Góa beh hoat-chhut tōa siū-khì, lâi pò-èng hiahê bô sūn-ho̍k ê kok. | 註釋 串珠 盧導讀台 |