| 章節 | 全民台語聖經全羅經文 | 註釋 |
| 6:1 | Siōng-chú Khián-chek I-su-la-elTaⁿ tio̍h thiaⁿ Siōng-chú só͘ kóng ê! I kóng, " Khí-.lâi! Lí tio̍h tī chiahê soaⁿ ê bīn-chêng piān-lūn, hō͘ chiahê soaⁿ-niá thiaⁿ tio̍h lí ê siaⁿ. | 註釋 串珠 盧導讀台 |
| 6:2 | " Chiahê soaⁿ kah tē kian-kò͘ ê kin-ki, lí tio̍h thiaⁿ Siōng-chú cheng-piān ê ōe! In-ūi Siōng-chú beh kah I ê chú-bîn cheng-piān, koh beh kah I-su-la-el pâi chêng-lí. | 註釋 串珠 盧導讀台 |
| 6:3 | " Góa ê chú-bîn, Góa bat tùi lí chò siáⁿ-mi̍h? Góa ū siáⁿ-mi̍h hō͘ lí ûi-lân? Lí thang tùi Góa chí-chhut. | 註釋 串珠 盧導讀台 |
| 6:4 | Góa bat chhōa lí chhut Ai-gi̍p tē, kiù-sio̍k lí thoat-lī chò lô͘-lē ê chhù; chhe Mô͘-se kah A-lông, kah Mi-lí-ám tī lí ê bīn-chêng. | 註釋 串珠 盧導讀台 |
| 6:5 | Góa ê chú-bîn, lín tio̍h ē kì-tit Mô͘-ap ông Ba-al só͘ kè-bô͘ ê, kah Boh-ol ê kiáⁿ Pa-lân ìn i ê ōe, tùi Si̍t-tîm kàu Gil-gal ê tāichì, thang hō͘ lín chai Siōng-chú só͘ kiâⁿ ê kong-gī. " | 註釋 串珠 盧導讀台 |
| 6:6 | Siōng-tè ê Iau-kiûŪ lâng mn̄g, " Góa lâi kìⁿ Siōng-chú, kūi-pài tī soaⁿ-niá koân ê só͘-chāi ê Siōng-tè, tio̍h ēng siáⁿ-mi̍h? Kám tio̍h ēng sio-chè, á-.sī móa-nî ê gû-á lâi kìⁿ I? | 註釋 串珠 盧導讀台 |
| 6:7 | Siōng-chú kám ē hoaⁿ-hí chheng-chheng chiah ê kang-iûⁿ? Á-sī bān-bān tiâu khe ê iû? Góa kám tio̍h ūi kakī ê chōe-kò hiàn góa ê tōa-kiáⁿ? Kám tio̍h ūi góa sim-lāi ê chōe-ok hiàn góa pún-sin só͘ seⁿ ê? " | 註釋 串珠 盧導讀台 |
| 6:8 | Sè-kan lâng, I bat chí-sī lí siáⁿ-mi̍h sī hó. Siōng-chú ài lí chò siáⁿ-mi̍h? To̍k-to̍k ài lí kiâⁿ kong-gī, sim chûn liân-bín, khiam-pi, lâi kah lí ê Siōng-tè chò-hóe kiâⁿ. | 註釋 串珠 盧導讀台 |
| 6:9 | Siōng-chú ê siaⁿ tùi siâⁿ teh kiò, " Tì-hūi ê lâng ē kèng-ùi Lí ê miâ, lín tio̍h thiaⁿ koái-á, sī siáⁿ lâng tiāⁿ tio̍h ánne. | 註釋 串珠 盧導讀台 |
| 6:10 | Pháiⁿ lâng ê ke kám iáu ū put-gī ê chîⁿ? Kám iáu ū khó-ò͘ⁿ ê sè e-hoat? | C註釋 註釋 串珠 盧導讀台 |
| 6:11 | Góa nā ēng bô kong-tō ê thian-phêng, tē-á lāi ū ké ê chhìn-á-thûi, kám ē-tàng sǹg-chò sī chheng-khì? | 註釋 串珠 盧導讀台 |
| 6:12 | Hiahê hó-gia̍h lâng chhiong-móa kiông-pō, tòa tī hia ê jîn-bîn kóng pe̍h-chha̍t ōe, in ê chhùi-chi̍h kúi-chà. | 註釋 串珠 盧導讀台 |
| 6:13 | Só͘-í, Góa phah lí, hō͘ lí siū tāng-siong, in-ūi lí ê chōe hō͘ lí hong-hùi. | 註釋 串珠 盧導讀台 |
| 6:14 | " Lí beh chia̍h, chóng-.sī, chia̍h bē pá; lí ê khang-hi ē tī lí lāi-bīn. Lí ē poaⁿ-sóa, chóng-.sī, an-jiân tòa mi̍h-kiāⁿ khì; lí só͘ tòa-.khì ê, Góa lóng beh kau hō͘ to-kiàm. | 註釋 串珠 盧導讀台 |
| 6:15 | Lí beh iā chéng, mā bô thang siu-koah; ta̍h kaⁿ-ná, mā bô tit tio̍h iû thang boah; ta̍h phû-tô, mā bô chiú thang lim. | 註釋 串珠 盧導讀台 |
| 6:16 | In-ūi lí siú Om-lī ê lu̍t-hoat kah A-hap ê ke it-chhè ê só͘ kiâⁿ, sūn-ho̍k in ê kè-bô͘, tì-sú Góa hō͘ lí hong-hùi, hō͘ tòa tī hia ê jîn-bîn siū lâng thí-chhiò, lín mā ē tam-tng Góa ê jîn-bîn ê lêng-jio̍k. " | 註釋 串珠 盧導讀台 |