| 章節 | 全民台語聖經全羅經文 | 註釋 |
| 1:1 | Sian-ti Ha-bá-kok só͘ tit tio̍h ê be̍k-sī. | 註釋 串珠 盧導讀台 |
| 1:2 | Ha-bá-kok Sim-hoâi Put-pêngSiōng-chú ah, góa tōa-siaⁿ hoah, Lí bô teh thiaⁿ, tio̍h kàu tang-sî? Góa in-ūi kiông-pō kiò-khó͘, Lí iáu bô beh lâi chín-kiù. | 註釋 串珠 盧導讀台 |
| 1:3 | Lí ná ē hō͘ góa khòaⁿ tio̍h chōe-ok? Hêng-ge̍k ê tāichì, Lí ná ē tiām-tiām teh khòaⁿ? Húi-bia̍t kah kiông-pō tī góa bīn-chêng, sio-cheⁿ, sio-phah lóng teh hoat-seng. | 註釋 串珠 盧導讀台 |
| 1:4 | In-ūi ánne, lu̍t-hoat pàng-sang, bô kiâⁿ kong-pêⁿ; pháiⁿ lâng ûi-khùn gī lâng, só͘-í sím-phòaⁿ bô chèng-ti̍t. | 註釋 串珠 盧導讀台 |
| 1:5 | Siōng-chú ê Hôe-tapSiōng-chú tùi I ê chú-bîn kóng, " Lín tio̍h tī lia̍t kok tiong khòaⁿ, koh tio̍h lâi su-khó, lín tio̍h-kiaⁿ kah gāng-.khì; in-ūi tng lín ê ji̍t, Góa beh kiâⁿ chi̍t hāng sū, sûi-jiân kā lín kóng, lín mā m̄-sìn. | 註釋 串珠 盧導讀台 |
| 1:6 | Lí khòaⁿ, góa beh heng-khí Kal-tí-ah lâng, to̍h-sī chân-jím hoâiⁿ-pà ê pang-kok, piàn kiâⁿ choân tē, pà-chiàm hiahê m̄-sī sio̍k i tòa ê só͘-chāi. | 註釋 串珠 盧導讀台 |
| 1:7 | I ê ui-hong thang kiaⁿ, phòaⁿ-toàn kah koân-sè lóng chhut tī i kakī ê ì-sù. | 註釋 串珠 盧導讀台 |
| 1:8 | In ê bé pí pà khah kín, pí ê-hng sî ê chhâi-lông khah béng. Bé-peng pâi-lia̍t khui-khoah, bé-peng tùi hn̄g-hn̄g lâi; in chhin-chhiūⁿ eng-chiáu kóaⁿ-kín poe-lâi beh chia̍h. | 註釋 串珠 盧導讀台 |
| 1:9 | In lâi beh kiâⁿ kiông-pō, in ê bīn hiông-hiông chìn-chêng, chū-chi̍p só͘ lia̍h ê lâng, chhin-chhiūⁿ soa hiah chē. | 註釋 串珠 盧導讀台 |
| 1:10 | I biáu-sī kun-ông, khau-sé kùi-cho̍k, léng-chhiò só͘-ū ê siâⁿ-pó, khí thô͘-tui lâi kong, kā i cheng-ho̍k. | 註釋 串珠 盧導讀台 |
| 1:11 | Chiū ánne, i chhin-chhiūⁿ hong sàu kòe-.khì, i keng-kòe chiū hoān chōe, lia̍h kakī ê khùi-la̍t chò sîn-bêng. | 註釋 串珠 盧導讀台 |
| 1:12 | Ha-bá-kok koh Bâi-oàn Siōng-tèSiōng-chú — góa ê Siōng-tè, góa ê sèng ê, Lí kám m̄-sī tùi éng-oán to̍h ū? Goán bē tì-kàu sí. Siōng-chú ah, Lí ūi tio̍h sím-phòaⁿ lâi siat-li̍p i, chio̍h-pôaⁿ, Lí ūi tio̍h khián-chek lâi chún-pī i. | 註釋 串珠 盧導讀台 |
| 1:13 | Lí ê ba̍k-chiu chheng-khì bô beh khòaⁿ siâ-ok, bô beh khòaⁿ hêng-ge̍k; kiâⁿ kúi-chà ê, Lí ná ē tiām-tiām khòaⁿ in? Pháiⁿ lâng thun-bia̍t pí i khah kong-gī ê, Lí ná ē tiām-tiām ah? | 註釋 串珠 盧導讀台 |
| 1:14 | Lí ná ē hō͘ lâng chhin-chhiūⁿ hái-.ni̍h ê hî, koh chhin-chhiūⁿ teh sô ê thâng, bô thâu-ba̍k teh koán-lí? | 註釋 串珠 盧導讀台 |
| 1:15 | I ēng kau kā in choân-pō͘ tiò khí-.lâi, i ēng bāng-á lia̍h in, ēng tōa bāng pha in; ūi tio̍h ánne, i hoaⁿ-hí khoài-lo̍k, | 註釋 串珠 盧導讀台 |
| 1:16 | chiū hiàn chè hō͘ i ê bāng-á, sio hiuⁿ hō͘ i ê tōa bāng, in-ūi in tùi chiahê tit tio̍h pûi koh súi ê hūn-gia̍h kah chhiong-chiok ê chia̍h-mi̍h. | 註釋 串珠 盧導讀台 |
| 1:17 | I kám thang piàⁿ khang i ê bāng, tiām-tiām thâi-sí lia̍t kok ê lâng mā bô pó-sioh? | 註釋 串珠 盧導讀台 |