| 章節 | 全民台語聖經全羅經文 | 註釋 |
| 3:1 | Ha-bá-kok ê Kî-tóSian-ti Ha-bá-kok ê kî-tó, ēng Si-gi-io-nah（ Chù, Ho̍k-sò͘ hêng, Si-phian 7:1 ê Si-ga-ióng sī tan-sò͘ hêng ） tiāu, | 註釋 串珠 盧導讀台 |
| 3:2 | Siōng-chú ah, góa thiaⁿ tio̍h Lí ê siau-sit chiū kiaⁿ-hiâⁿ. Siōng-chú ah, kiû Lí tī chiahê nî ê tiong-kan, koh heng-khí Lí ê só͘ chò, tī chiahê nî ê tiong-kan hián-hiān; tī siū-khì ê sî, ē kì-tit liân-bín. | 註釋 串珠 盧導讀台 |
| 3:3 | Siōng-tè tùi Thê-man lâi, sèng-.ê tùi Pa-lân soaⁿ kàu. [Sè-la̍h] I ê êng-kng jia-khàm chiahê thiⁿ; I ê miâ-siaⁿ chhiong-móa tē. | 註釋 串珠 盧導讀台 |
| 3:4 | I ê chhàn-lān chhin-chhiūⁿ kng; tùi I ê chhiú ū chhut kng-sòaⁿ, tī hia I ê lêng-le̍k khǹg-.leh. | 註釋 串珠 盧導讀台 |
| 3:5 | Tī I ê thâu-chêng ū un-e̍k liû-hêng, tī I ê āu-bīn ū jia̍t-chèng hoat-seng. | 註釋 串珠 盧導讀台 |
| 3:6 | I khiā-.leh, chiū niû tāi-tē, I koan-khòaⁿ, kóaⁿ-sòaⁿ lia̍t pang. Éng-oán chûn-chāi ê soaⁿ li̍h-khui; kú-tn̂g ê soaⁿ-niá pang-hām; I ê só͘ kiâⁿ, chū chá í-lâi to̍h sī ánne. | 註釋 串珠 盧導讀台 |
| 3:7 | Góa khòaⁿ tio̍h Ku-siang ê pò͘-pêⁿ tú tio̍h hoān-lān, Mí-tiân tē ê tiùⁿ-lî gī-gī chhoah. | 註釋 串珠 盧導讀台 |
| 3:8 | Siōng-chú ah, Lí khiâ Lí ê bé, chē tī Lí chín-kiù ê chhia, kám sī bô hoaⁿ-hí chiahê kang, siū-khì chiahê hô, thòng-hūn hái-iûⁿ? | 註釋 串珠 盧導讀台 |
| 3:9 | Lí ê kiong lóng lō͘-chhut, tùi chiahê chi-cho̍k só͘ chiùchōa ê lóng sī chin-si̍t ê ōe. [Sè-la̍h] Lí ēng kang-hô kā tāi-tē hun-khui. | 註釋 串珠 盧導讀台 |
| 3:10 | Soaⁿ-niá khòaⁿ tio̍h Lí, chiū kiaⁿ-hiâⁿ; tōa-chúi, thàu hong keng-kòe, chhim-ian chhut i ê siaⁿ, tōa éng chhèng koân. | 註釋 串珠 盧導讀台 |
| 3:11 | In-ūi Lí ê chìⁿ siā chhut kng, Lí ê chhiuⁿ ê kng iām-iām sih, ji̍t kah goe̍h thêng-chí tī i ê ūi-tì. | 註釋 串珠 盧導讀台 |
| 3:12 | Lí siū-khì lâi piàn-kiâⁿ tē-chiūⁿ, Lí tōa siū-khì, phah lia̍t kok chhin-chhiūⁿ teh phah ngó͘-kok. | 註釋 串珠 盧導讀台 |
| 3:13 | Lí chhut-lâi beh kiù Lí ê chú-bîn, chín-kiù Lí ê siū boah-iû ê, pháiⁿ lâng chhù lāi ê thâu-ba̍k, Lí kā i phah-chhùi, kā i ê kin-ki lō͘-hiān kàu chīn-thâu. [Sè-la̍h] | 註釋 串珠 盧導讀台 |
| 3:14 | Lí ēng i kakī ê chhiuⁿ chha̍k-thàu i chiàn-sū ê thâu; in lâi chhin-chhiūⁿ kńg-lê-á hong, beh kā góa kóaⁿ-sòaⁿ. In só͘ hoaⁿ-hí ê sī thau-thau-á thun-chia̍h sànchhiah lâng. | 註釋 串珠 盧導讀台 |
| 3:15 | Lí khiâ bé ta̍h tī hái-.ni̍h, to̍h-sī ta̍h tī giâ éng ê tōa-chúi. | 註釋 串珠 盧導讀台 |
| 3:16 | Góa thiaⁿ tio̍h góa ê sim-tn̂g kiáu-ká, ūi tio̍h hit-ê siaⁿ, góa ê chhùi-tûn sih-sih chùn, kut-hâi hiú-nōa; góa tī góa ê só͘-chāi phi̍h-phi̍h chhoah. Góa chí ū tiām-tiām thèng-hāu chai-lān ê ji̍t-chí kàu, chhim-hoān kéng lāi ê jîn-bîn chiūⁿ-.lâi. | 註釋 串珠 盧導讀台 |
| 3:17 | Sûi-jiân bû-hoa-kó chhiū bô hoat m̂, phû-tô chhiū bô kiat kóe-chí, kaⁿ-ná chhiū mā bô siu-sêng, chhân-hn̂g bô chhut ngó͘-kok, tiâu lāi bô pòaⁿ chiah iûⁿ, gû-tiâu mā bô gû; | 註釋 串珠 盧導讀台 |
| 3:18 | góa iáu koh beh in-ūi Siōng-chú lâi hoaⁿ-hí, in-ūi kiù góa ê Siōng-tè lâi khoài-lo̍k. | 註釋 串珠 盧導讀台 |
| 3:20 | Chit-ê koa kau hō͘ ga̍k-koaⁿ, ēng góa si-hiân ê ga̍k-khì lâi chhiùⁿ. | |
| 3:19 | Chì-koân Siōng-chú sī góa ê khùi-la̍t; I hō͘ góa ê kha chhin-chhiūⁿ lo̍k-bú, koh hō͘ góa kiâⁿ tī góa koân ê só͘-chāi. Chit-ê koa kau hō͘ koaⁿ, ēng góa si-hiân ê ga̍k-khì lâi chhiùⁿ. | 註釋 串珠 盧導讀台 |