| 章節 | 全民台語聖經全羅經文 | 註釋 |
| 1:1 | Siōng-chú Bēng-lēng Tiông-kiàn Sèng-tiānTa-lió-suh ông jī nî la̍k-goe̍h chhe-it, Siōng-chú ê ōe thok sian-ti Ha-gái, thoân hō͘ Iô-tah ê chóng-tok Sa-la-thi-el ê kiáⁿ — Cho-lô-ba-bel kah Io-cha-tak ê kiáⁿ — tōa-chè-si Io-siú-ah, kóng: | 註釋 串珠 盧導讀台 |
| 1:2 | Bān-kun ê Siōng-chú ê ōe ánne kóng, " Chit-ê jîn-bîn kóng-khí Siōng-chú tiān ê sî, hit-ê sî iáu-bōe kàu. " | 註釋 串珠 盧導讀台 |
| 1:3 | Hit sî, Siōng-chú ê ōe thok sian-ti Ha-gái, kóng, | 註釋 串珠 盧導讀台 |
| 1:4 | " Chit keng tiān iû-goân hong-hùi, che kám sī lín kakī tòa thian-hoa-pán ê chhù ê sî? | 註釋 串珠 盧導讀台 |
| 1:5 | Taⁿ bān-kun ê Siōng-chú ánne kóng: Lín tio̍h séng-chhat lín ê só͘ kiâⁿ. | 註釋 串珠 盧導讀台 |
| 1:6 | Lín iā chéng-chí chē, siu-sêng chió; lín chia̍h, mā bē pá; lim, mā bē chí chhùi-ta; chhēng saⁿ, mā bē sio; tit tio̍h kang-chîⁿ ê, kā kang-chîⁿ hē tī phòa-khang ê tē-á. " | 註釋 串珠 盧導讀台 |
| 1:7 | Bān-kun ê Siōng-chú ánne kóng, " Lín tio̍h séng-chhat lín ê só͘ kiâⁿ. | 註釋 串珠 盧導讀台 |
| 1:8 | Lín tio̍h chiūⁿ soaⁿ chhú chhâ-liāu, lâi khí chit-ê tiān, Góa chiū ē in-ūi ánne lâi hoaⁿ-hí, koh tit tio̍h êng-kng. Che sī Siōng-chú kóng ê. | 註釋 串珠 盧導讀台 |
| 1:9 | " Lín ǹg-bāng tit tio̍h chē, lí khòaⁿ, tian-tò tit tio̍h chió; lín tòa kàu chhù ê, Góa chiū pûn hō͘ i bô-.khì. Che sī siáⁿ-mi̍h iân-kò͘? Sī in-ūi Góa ê tiān hong-hùi, lín ta̍k lâng kín-kip kakī ê chhù. Che sī bān-kun ê Siōng-chú kóng ê. | 註釋 串珠 盧導讀台 |
| 1:10 | Só͘-í, in-ūi lín ê iân-kò͘, thiⁿ chiū bô lo̍h lō͘-chúi, tē mā bô chhut i ê lông-sán-bu̍t. | 註釋 串珠 盧導讀台 |
| 1:11 | Góa hō͘ khòng-ōaⁿ lîm-kàu tī thó͘-tē, tī soaⁿ-thâu, tī ngó͘-kok, tī sin chiú, tī iû kah tī tē-chiūⁿ só͘ chhut ê, tī lâng, tī chengseⁿ, tī lâng ê chhiú lô-khó͘ tit tio̍h ê. " | 註釋 串珠 盧導讀台 |
| 1:12 | Jîn-bîn Thiaⁿ-thàn Siōng-chú ê Bēng-lēngHit sî, Sa-la-thi-el ê kiáⁿ Cho-lô-ba-bel kah Io-cha-tak ê kiáⁿ tōa-chè-si Io-siú-ah kah só͘ chhun lo̍h-.lâi ê jîn-bîn, lóng chun-thàn in ê Siōng-chú ê siaⁿ kah sian-ti Ha-gái hōng Siōng-chú — in ê Siōng-tè chhe-phài i só͘ kóng ê ōe; jîn-bîn mā tī Siōng-chú ê bīn-chêng chûn kiaⁿ-ùi ê sim. | 註釋 串珠 盧導讀台 |
| 1:13 | Siōng-chú ê sù-chiá Ha-gái chiàu Siōng-chú só͘ bēng-lēng kā jîn-bîn kóng, " Siōng-chú kóng: Góa kah lín tông-chāi. " | 註釋 串珠 盧導讀台 |
| 1:14 | Siōng-chú kek-tōng Iô-tah ê chóng-tok Sa-la-thi-el ê kiáⁿ Cho-lô-ba-bel ê sim, kah Io-cha-tak ê kiáⁿ tōa-chè-si Io-siú-ah ê sim, kah chhun lo̍h-.lâi ê jîn-bîn ê sim, in chiū lâi tī bān-kun ê Siōng-chú — in ê Siōng-tè ê tiān chò-kang. | 註釋 串珠 盧導讀台 |
| 1:15 | Che sī tī Ta-lió-suh ông jī nî la̍k-goe̍h jī-cha̍p sì. | 註釋 串珠 盧導讀台 |