| 章節 | 全民台語聖經全羅經文 | 註釋 |
| 2:1 | Chîn-soh ê Ī-siōngGóa koh gia̍h thâu koan-khòaⁿ, lí khòaⁿ, ū chi̍t-ê lâng chhiú the̍h chîn-soh. | 註釋 串珠 盧導讀台 |
| 2:2 | Góa kóng, " Lí beh khì tó-ūi? " I kā góa kóng, " Beh khì niû Ê-lú-sa-lèm, khòaⁿ i ū gōa khoah, ū gōa tn̂g. " | 註釋 串珠 盧導讀台 |
| 2:3 | Lí khòaⁿ, kah góa kóng-ōe ê sù-chiá chhut-.khì, koh ū chi̍t ūi sù-chiá chhut-lâi kā i gêng-chiap, | 註釋 串珠 盧導讀台 |
| 2:4 | tùi i kóng, " Lí kín khì kā hit-ê siàu-liân lâng kóng, ' Ê-lú-sa-lèm ē ū lâng tòa, chhin-chhiūⁿ bô siâⁿ chhiûⁿ ê hiuⁿ-lí, in-ūi hit tiong-kan ê lâng kah chengseⁿ chin chē. '" | 註釋 串珠 盧導讀台 |
| 2:5 | Siōng-chú kóng, " Góa beh chò i sì-kho͘-ûi ê hóe siâⁿ, Góa mā beh chò in tiong-kan ê êng-kng. " | 註釋 串珠 盧導讀台 |
| 2:6 | Ho͘-kiò Siū-lia̍h ê Lâng Tńg-lâi Kò͘-hiongSiōng-chú kóng, "Eh! Eh! Lín tio̍h tùi pak-hong ê tē tô-cháu, in-ūi Góa í-keng kā lín sì-sòaⁿ, chhin-chhiūⁿ tī thiⁿ-.ni̍h sì-bīn ê hong. Che sī Siōng-chú kóng ê. | 註釋 串珠 盧導讀台 |
| 2:7 | Eh! Tòa tī Ba-bú-lông ê Si-óng chú-bîn, lí tio̍h tô-thoat. | 註釋 串珠 盧導讀台 |
| 2:8 | Bān-kun ê Siōng-chú kóng, tī êng-kng ê liáu-āu, chhe góa kàu hiahê chhiúⁿ-lia̍h lín ê lia̍t kok, hoān tio̍h lín ê to̍h-sī hoān tio̍h I ba̍k-chiu tiong ê tông-chú. " | 註釋 串珠 盧導讀台 |
| 2:9 | Lí khòaⁿ, góa beh tī in ê téng-bīn lāng góa ê chhiú, in chiū ē hō͘ in ê lô͘-po̍k chhiúⁿ-kiap, lín chiū ē chai bān-kun ê Siōng-chú í-keng chhe-phài góa à. | 註釋 串珠 盧導讀台 |
| 2:10 | Siōng-chú kóng, " Si-óng ê chú-bîn, lín tio̍h chhiùⁿ koa hoaⁿ-hí, lí khòaⁿ, in-ūi Góa beh lâi, beh tiàm tī lín ê tiong-kan. Che sī Siōng-chú kóng ê. " | 註釋 串珠 盧導讀台 |
| 2:11 | Hit ji̍t ē ū chin chē kok kui-óa Siōng-chú, chò I ê chú-bîn. Jî-chhiáⁿ I beh tiàm tī lí ê tiong-kan, lí chiū ē chai sī bān-kun ê Siōng-chú chhe-phài góa lâi-kàu lí hia. | 註釋 串珠 盧導讀台 |
| 2:12 | Siōng-chú beh tit tio̍h Iô-tah chò I ê sán-gia̍p tī sèng-tē, mā ē koh kéng-soán Ê-lú-sa-lèm. | 註釋 串珠 盧導讀台 |
| 2:13 | Kiàn-nā ū hiat-khì ê, tī Siōng-chú ê bīn-chêng lóng tio̍h tiām-tiām; in-ūi I tùi sèng ê só͘-chāi khí-.lâi. | 註釋 串珠 盧導讀台 |