| 章節 | 全民台語聖經全羅經文 | 註釋 |
| 4:1 | Kim Teng-tâi ê Ī-siōngHitê kah góa kóng-ōe ê sù-chiá koh lâi kā góa kiò-chhéⁿ, chhin-chhiūⁿ lâng teh khùn hông kiò-chhéⁿ. | 註釋 串珠 盧導讀台 |
| 4:2 | I kā góa kóng, " Lí khòaⁿ tio̍h siáⁿ-mi̍h? " Góa kóng, " Góa khòaⁿ-.tio̍h, lí khòaⁿ, ū chi̍t-ê teng-tâi, sī kui ki ēng kim chò ê, téng-bīn ū chi̍t-ê iû kūi, teng-tâi téng ū chhit chóaⁿ teng, téng-bīn ê teng-chóaⁿ ū chhit ki kóng. | 註釋 串珠 盧導讀台 |
| 4:3 | Koh ū nn̄g châng ê kaⁿ-ná chhiū, chi̍t châng tī iû kūi ê chiàⁿ pêng, chi̍t châng tī iû kūi ê tò pêng. | 註釋 串珠 盧導讀台 |
| 4:4 | Góa mn̄g kah góa kóng-ōe ê sù-chiá kóng, " Góa ê chú ah, chiahê sī siáⁿ-mi̍h? " | 註釋 串珠 盧導讀台 |
| 4:5 | Kah góa kóng-ōe ê sù-chiá ìn góa kóng, " Lí kám m̄-chai chiahê sī siáⁿ-mi̍h? " Góa kóng, " Góa ê chú ah, góa m̄-chai. " | 註釋 串珠 盧導讀台 |
| 4:6 | Siōng-tè tùi Cho-lô-ba-bel ê Èng-ínI ìn góa kóng, " Che sī Siōng-chú hoan-hù Cho-lô-ba-bel ê ōe. Kóng, ' M̄-sī ēng koân-sè, m̄-sī ēng lêng-le̍k, to̍h-sī ēng Góa ê Sèng Sîn. Che sī bān-kun ê Siōng-chú kóng ê. ' | 註釋 串珠 盧導讀台 |
| 4:7 | Tōa soaⁿ, lí sī siáⁿ-mi̍h? Tī Cho-lô-ba-bel ê bīn-chêng, lí ē chiâⁿ-chò pêⁿ-tē. I ē hō͘ chhù-kak-thâu ê chio̍h-thâu chhut-.lâi, koh ū tōa hoaⁿ-hí ê siaⁿ tōa-siaⁿ hoah, ' Un-hūi, un-hūi kui I! '" | 註釋 串珠 盧導讀台 |
| 4:8 | Siōng-chú ê ōe koh lîm-kàu góa, kóng, | 註釋 串珠 盧導讀台 |
| 4:9 | " Cho-lô-ba-bel ê chhiú ū hē chit keng tiān ê tē-ki, i ê chhiú mā beh oân-sêng chit-ê kang, lí chiū ē chai sī bān-kun ê Siōng-chú chhe-phài góa lâi-kàu lín chia. | 註釋 串珠 盧導讀台 |
| 4:10 | Siáⁿ lâng khòaⁿ-khin chit-ê sió-khóa tāichì ê ji̍t? Chit chhit-ê sī Siōng-chú ê ba̍k-chiu, tī choân tē chhut-ji̍p, khòaⁿ tio̍h Cho-lô-ba-bel ê chhiú the̍h chîn-sòaⁿ chiū hoaⁿ-hí. | 註釋 串珠 盧導讀台 |
| 4:11 | Góa koh mn̄g i kóng, " Chit-ê teng-tâi chó-iū hit nn̄g châng kaⁿ-ná chhiū sī siáⁿ-mi̍h ì-sù? " | 註釋 串珠 盧導讀台 |
| 4:12 | Góa koh mn̄g i kóng, " Kaⁿ-ná chhiū ê nn̄g ki, tùi nn̄g ki kim ê kóng lâu chhut kim iû, sī siáⁿ-mi̍h ì-sù? " | 註釋 串珠 盧導讀台 |
| 4:13 | I ìn góa kóng, " Lí kám m̄-chai chiahê sī siáⁿ-mi̍h ì-sù? " Góa kóng, " Góa ê chú ah, góa m̄-chai. " | 註釋 串珠 盧導讀台 |
| 4:14 | I kóng, " Che sī nn̄g-ê siū boah-iû ê, khiā tī phó͘-thiⁿ-ē ê Chú ê piⁿ-á. " | 註釋 串珠 盧導讀台 |