| 章節 | 全民台語聖經全羅經文 | 註釋 |
| 27:1 | Chè-tôaⁿ( CAG 38: 1-7)" Lí tio̍h ēng chô-kia̍p chhâ chò tôaⁿ, tn̂g gō͘ tiú, khoah gō͘ tiú, chit-ê tôaⁿ sī sì-kak-hêng ê, koân saⁿ tiú. | 註釋 串珠 盧俊義 盧華 盧導讀台 |
| 27:2 | Tio̍h tī tôaⁿ ê sì-kak-thâu chò sì ki kak kah tôaⁿ sio-liân chò chi̍t-ê, ēng tâng pau. | 註釋 串珠 盧俊義 盧華 盧導讀台 |
| 27:3 | Tio̍h chò phûn, lâi siu i ê hóe-hu, koh chò i ê thuh-á, i ê pôaⁿ, i ê chhe, i ê hóe-tiáⁿ, i só͘-ū ê khì-kū lóng tio̍h ēng tâng chò. | 註釋 串珠 盧俊義 盧華 盧導讀台 |
| 27:4 | Tio̍h ēng tâng kā i chò chi̍t-ê bāng, tī bāng ê sì-kak chò sì-ê tâng khoân, | 註釋 串珠 盧俊義 盧華 盧導讀台 |
| 27:5 | Kā bāng hē tī tôaⁿ sì-bīn ûi ê io-pán ē-bīn, hō͘ bāng thàu kàu tôaⁿ ê pòaⁿ-io. | 註釋 串珠 盧俊義 盧華 盧導讀台 |
| 27:6 | Τio̍h ēng chô-kia̍p chhâ kā tôaⁿ chò kǹg, ēng tâng pau. | 註釋 串珠 盧俊義 盧華 盧導讀台 |
| 27:7 | Hiahê kǹg tio̍h chhng tī khoân lāi, kǹg tio̍h tī tôaⁿ ê siang pêng, thang hó lâi kng. | 註釋 串珠 盧俊義 盧華 盧導讀台 |
| 27:8 | Tio̍h ēng pán chò tôaⁿ, tiong-ng khang-khak, lóng tio̍h chiàu Góa tī soaⁿ téng chí-sī lí ê khoán-sit lâi chò. " | 註釋 串珠 盧俊義 盧華 盧導讀台 |
| 27:9 | Sèng-bō͘ ê Tiâⁿ( CAG 38: 9-20)" Lí tio̍h chò hōe-bō͘ ê tiâⁿ. Tiâⁿ ê lâm pêng, tio̍h ēng kòe-pháng ê iù-tē tī chi̍t-pêng chò ûi, tn̂g chi̍t pah tiú. | 註釋 串珠 盧俊義 盧華 盧導讀台 |
| 27:10 | I ê thiāu ū jī-cha̍p ki, tâng-khū jī-cha̍p-ê. Thiāu ê kau kah hoâiⁿ-koaiⁿ lóng tio̍h ēng gîn chò. | 註釋 串珠 盧俊義 盧華 盧導讀台 |
| 27:11 | Pak-bīn mā tio̍h ū ûi, tn̂g chi̍t pah tiú, i ê thiāu ū jī-cha̍p ki, tâng-khū jī-cha̍p-ê. Thiāu ê kau kah hoâiⁿ-koaiⁿ lóng tio̍h ēng gîn chò. | 註釋 串珠 盧俊義 盧華 盧導讀台 |
| 27:12 | Tiâⁿ ê sai-bīn tio̍h ū ûi, khoah gō͘-cha̍p tiú, ûi ê thiāu cha̍p ki, khū cha̍p-ê. | 註釋 串珠 盧俊義 盧華 盧導讀台 |
| 27:13 | Tiâⁿ ê tang pêng khoah gō͘-cha̍p tiú. | 註釋 串珠 盧俊義 盧華 盧導讀台 |
| 27:14 | Mn̂g chit pêng ê ûi tio̍h ū cha̍p-gō͘ tiú, ûi ê thiāu saⁿ ki, khū saⁿ-ê. | 註釋 串珠 盧俊義 盧華 盧導讀台 |
| 27:15 | Mn̂g hit pêng ê ûi mā tio̍h ū cha̍p-gō͘ tiú, ûi ê thiāu saⁿ ki, khū saⁿ-ê. | 註釋 串珠 盧俊義 盧華 盧導讀台 |
| 27:16 | Tiâⁿ ê mn̂g tio̍h ū mn̂g-lî, khoah jī-cha̍p tiú, tio̍h ēng nâ-sek, chí-sek, chu-âng sek ê liāu kah kòe-pháng ê iù-tē, ēng siù-hoe ê kang-hu chò; thiāu sì ki, khū sì-ê. | 註釋 串珠 盧俊義 盧華 盧導讀台 |
| 27:17 | Tiâⁿ sì-kho͘-ûi só͘-ū ê thiāu lóng tio̍h ū gîn ê hoâiⁿ-koaiⁿ, gîn ê kau, tâng ê khū. | 註釋 串珠 盧俊義 盧華 盧導讀台 |
| 27:18 | Tiâⁿ ê tn̂g chi̍t pah tiú, khoah ta̍k bīn gō͘-cha̍p tiú, koân gō͘ tiú, ûi tio̍h ēng kòe-pháng ê iù-tē chò, i ê khū lóng ēng tâng chò. | 註釋 串珠 盧俊義 盧華 盧導讀台 |
| 27:19 | Hōe-bō͘ só͘ ēng ta̍k hāng ê khì-kū kah só͘ tèng ê teng, í-ki̍p tiâⁿ lāi só͘ tèng ê teng lóng tio̍h ēng tâng chò. " | 註釋 串珠 盧俊義 盧華 盧導讀台 |
| 27:20 | Tiám Teng ê Kui-tēng( LBK 24:1-4)" Lí tio̍h hoan-hù I-su-la-el lâng, kā hit-ê ūi tio̍h beh chiò-kng só͘ kheh chheng ê kaⁿ-ná iû, the̍h-lâi hō͘ lí, hō͘ teng tiāⁿtiāⁿ tiám-to̍h. | 註釋 串珠 盧俊義 盧華 盧導讀台 |
| 27:21 | Tī hōe-bō͘ tiong, hoat-kūi chêng ê tiùⁿ-lî gōa, A-lông kah i ê kiáⁿ, tùi ê-hng kàu thiⁿ-kng, tio̍h tī Siōng-chú ê bīn-chêng liāu-lí. Che sī chò I-su-la-el lâng tāi-tāi éng-oán ê lē. " | 註釋 串珠 盧俊義 盧華 盧導讀台 |