章節 | 全民台語聖經全羅經文 | 註釋 |
5:1 | Teh Poe ê Chhat-á ê Ī-siōngGóa koh gia̍h thâu khòaⁿ tio̍h ū chi̍t pak chhat-á teh poe. | 註釋 串珠 盧導讀台 |
5:2 | I kā góa kóng, " Lí khòaⁿ tio̍h siáⁿ-mi̍h? " Góa ìn kóng, " Góa khòaⁿ tio̍h chi̍t pak chhat-á teh poe; i ê tn̂g jī-cha̍p tiú, khoah cha̍p tiú. " | 註釋 串珠 盧導讀台 |
5:3 | I chiū tùi góa kóng, " Chit-ê sī chhut-khì kàu choân tē-chiūⁿ ê chiù-chó͘. Kiàn-nā thau-the̍h ê, ē chiàu chit pak ê chit pêng kā i tû bia̍t-tiāu; kiàn-nā chiùchōa ê, ē chiàu chit pak ê hit pêng kā i tû bia̍t-tiāu. | 註釋 串珠 盧導讀台 |
5:4 | Bān-kun ê Siōng-chú kóng: Góa beh hō͘ i chhut-.khì, i ē ji̍p-khì thau-the̍h ê lâng ê chhù, mā ē ji̍p-khì kí Góa ê miâ lāmsám chiùchōa ê lâng ê chhù, beh tòa tī i ê chhù lāi kā i húi bia̍t-tiāu, í-ki̍p i ê chhâ, i ê chio̍h. " | 註釋 串珠 盧導讀台 |
5:5 | Cha-bó͘ Lâng ê Ī-siōngKah góa kóng-ōe ê sù-chiá chhut-lâi tùi góa kóng, " Lí tio̍h gia̍h thâu khòaⁿ chit-ê chhut-.lâi ê sī siáⁿ-mi̍h. " | 註釋 串珠 盧導讀台 |
5:6 | Góa mn̄g kóng, " Che sī siáⁿ-mi̍h? " I kóng, " Che chhut-lâi ê sī niû-khì. " I koh kóng, " Tī choân tē ê lāi-bīn, in ê hêng-chōng sī ánne. " | 註釋 串珠 盧導讀台 |
5:7 | ( Lí khòaⁿ, ū chi̍t phìⁿ îⁿ ê iân siū kí-khí. ) Koh ū chabó͘ lâng chē tī niû-khì ê lāi-bīn. | 註釋 串珠 盧導讀台 |
5:8 | Thiⁿ-sài kóng, " Chit-ê sī chōe-ok. " Chiū kā i hiat tī niû-khì ê lāi-bīn, mā kā hit phìⁿ iân khàm tī niû-khì ê chhùi. | 註釋 串珠 盧導讀台 |
5:9 | Góa koh gia̍h thâu khòaⁿ, lí khòaⁿ, ū nn̄g-ê chabó͘ lâng chhut-.lâi, tī in ê si̍t ū hong, in ê si̍t chhin-chhiūⁿ ho̍h ê si̍t. In kā niû-khì tī thiⁿ kah tē ê tiong-kan kng khí-.lâi. | 註釋 串珠 盧導讀台 |
5:10 | Góa tùi kah góa kóng-ōe ê sù-chiá kóng, " In beh kā niû-khì kng khì tó-ūi? " | 註釋 串珠 盧導讀台 |
5:11 | I kā góa kóng, " Beh kā i kng khì Sī-nal tē khí chhù; chhù nā khí hó-sè, chiū ē kā i an-tì tī kakī ê só͘-chāi. " | 註釋 串珠 盧導讀台 |