| 章節 | 全民台語聖經全羅經文 | 註釋 |
| 6:1 | Bé-chhia ê Ī-siōngGóa koh gia̍h thâu khòaⁿ; lí khòaⁿ, ū sì tâi chhia tùi nn̄g-ê soaⁿ phāng chhut-.lâi, hiahê soaⁿ sī tâng ê soaⁿ. | 註釋 串珠 盧導讀台 |
| 6:2 | Thâu chi̍t tâi chhia kòa chhiah bé, tē-jī tâi chhia kòa o͘ bé, | 註釋 串珠 盧導讀台 |
| 6:3 | Tē-saⁿ tâi chhia kòa pe̍h bé, tē-sì tâi chhia kòa hoe-pan ê ióng bé. | 註釋 串珠 盧導讀台 |
| 6:4 | Góa chiū ìn kah góa kóng-ōe ê sù-chiá kóng, " Góa ê chú ah, chiahê sī siáⁿ-mi̍h? " | 註釋 串珠 盧導讀台 |
| 6:5 | Sù-chiá ìn góa kóng, " Chiahê to̍h-sī thiⁿ-téng sì-bīn ê hong, khiā tī choân tē ê Chú ê bīn-chêng, taⁿ tùi hia chhut-.lâi. " | 註釋 串珠 盧導讀台 |
| 6:6 | Kòa o͘ bé ê chhia chhut-khì pak-hong, pe̍h bé tòe i ê āu-bīn; hoe-pan ê bé chhut-khì lâm-hong. | 註釋 串珠 盧導讀台 |
| 6:7 | Ióng-ê bé chhut-.lâi, ài beh tī choân tē kiâⁿ lâi kiâⁿ khì. I kóng, " Chò lín khì, tī choân tē kiâⁿ lâi kiâⁿ khì. " In chiū tī choân tē kiâⁿ lâi kiâⁿ khì. | 註釋 串珠 盧導讀台 |
| 6:8 | I kiò góa, kā góa kóng, " Lí khòaⁿ, khì pak-hong ê í-keng tī pak-hong an góa ê sim. " | 註釋 串珠 盧導讀台 |
| 6:9 | Kā Io-siú-ah Tì Bián-liûSiōng-chú ê ōe lîm-kàu góa, kóng, | 註釋 串珠 盧導讀台 |
| 6:10 | " Lí tio̍h tùi hiahê siū lia̍h ê lâng ê tiong-kan, to̍h-sī tùi Hel-tāi, tùi To-bi-iah, tùi Ia-ta-iah niá-siū kim-gîn. Koh tī hit ji̍t lí tio̍h ji̍p-khì Che-hoán-iah ê kiáⁿ Io-si-iah ê chhù, to̍h-sī in tùi Ba-bú-lông tò tńg-lâi só͘ kàu ê chhù, | 註釋 串珠 盧導讀台 |
| 6:11 | niá-siū kim-gîn chò bián-liû, tì tī Io-cha-tak ê kiáⁿ — tōa-chè-si Io-siú-ah ê thâu-khak, | 註釋 串珠 盧導讀台 |
| 6:12 | tùi i kóng, bān-kun ê Siōng-chú ánne kóng, : Lí khòaⁿ, hit-ê kiò-chò chhiū-ki ê lâng, i ē tùi i ê kin-thâu hoat khí-.lâi, mā beh khí Siōng-chú ê tiān. | 註釋 串珠 盧導讀台 |
| 6:13 | I ē khí Siōng-chú ê tiān, i mā ē tit tio̍h êng-kng, chē i ê pó-chō lâi tī-lí, mā beh tī i ê pó-chō chò chè-si, tī in nn̄g-ê ê tiong-kan ū hô-pêng ê kè-ōe. | 註釋 串珠 盧導讀台 |
| 6:14 | Bián-liû beh kui tī He-lêm（ Chù, Mā kiò-chò Hel-tāi）, To-bi-iah, Ia-ta-iah kah Che-hoán-iah ê kiáⁿ — Hiân （ Chiū-sī Io-si-iah ）, hē tī Siōng-chú ê tiān chò kì-liām. " | 註釋 串珠 盧導讀台 |
| 6:15 | Hn̄g ê lâng mā ē lâi, ū hūn tī khí Siōng-chú ê tiān, lín chiū ē chai sī bān-kun ê Siōng-chú chhe-phài góa lâi-kàu lín chia. Lín nā chù-ì chun-thàn Siōng-chú — lín ê Siōng-tè ê ōe, chiū ē ū chit-ê tāichì. | 註釋 串珠 盧導讀台 |