章節 | 全民台語聖經全羅經文 | 註釋 |
7:1 | Siōng-chú Khián-chek Bô Sêng-khún ê Kìm-chia̍hTa-lió-suh ông sì nî káu-.goe̍h, to̍h-sī Ki-su-liû goe̍h ( Chù, Hi-bú-lâi le̍k-hoat ê tē-káu-ê goe̍h, siong-tong se-le̍k ê cha̍p-it chì cha̍p-jī goe̍h )Chhe sì, Siōng-chú ê ōe lîm-kàu Cha-kha-lī-a. | 註釋 串珠 盧導讀台 |
7:2 | Hit sî, Be-thel lâng í-keng chhe-phài Sia-lé-chel, Le-gian-me-le̍k kah tòe in ê lâng khì ǹg Siōng-chú kiû un, | 註釋 串珠 盧導讀台 |
7:3 | mā mn̄g bān-kun ê Siōng-chú tiān lāi ê chè-si í-ki̍p sian-ti, kóng, " Góa le̍k-nî í-lâi, tī gō͘-goe̍h kan thî-khàu beh hō͘ kakī hun-pia̍t sè-sio̍k, taⁿ kám iáu koh tio̍h ánne kiâⁿ? " | 註釋 串珠 盧導讀台 |
7:4 | Bān-kun ê Siōng-chú ê ōe lîm-kàu góa, kóng, | 註釋 串珠 盧導讀台 |
7:5 | " Lí tio̍h kā chit só͘-chāi ê chèng lâng kah chè-si kóng, ' Lín chhit-cha̍p nî lâi, tī gō͘-.goe̍h, chhit-.goe̍h kìm-chia̍h pi-ai, kám sī ūi tio̍h Góa, kám ūi tio̍h Góa teh kìm-chia̍h? | 註釋 串珠 盧導讀台 |
7:6 | Lín á-.sī chia̍h á-.sī lim, kám m̄-sī lín teh chia̍h, lín teh-lim? | 註釋 串珠 盧導讀台 |
7:7 | " Tng Ê-lú-sa-lèm kah sì-kho͘-ûi ê siâⁿ ū tòa ê jîn-bîn koh hong-sēng, lâm-hong kah pêng-goân ū lâng tòa ê sî, Siōng-chú kau-thok í-chêng ê sian-ti só͘ soan-pò͘ ê ōe, lín kám m̄-sī tio̍h thiaⁿ? '" | 註釋 串珠 盧導讀台 |
7:8 | Pōe-ge̍k Tì-sú Siū-lia̍hSiōng-chú ê ōe koh lîm-kàu Cha-kha-lī-a, kóng, | 註釋 串珠 盧導讀台 |
7:9 | " Bān-kun ê Siōng-chú bat ánne kóng, ' Tio̍h chiàu chin-si̍t ê kong-pêⁿ lâi sím-phòaⁿ, tāi-ke ēng chû-ài, liân-bín lâi sio khoán-thāi. | 註釋 串珠 盧導讀台 |
7:10 | M̄-thang khi-hū kóaⁿ-hū, ko͘-jî, chhut-gōa lâng kah sànchhiah lâng. M̄-thang sim-lāi kè-bô͘ pháiⁿ tāi lâi sio hām-hāi. ' | 註釋 串珠 盧導讀台 |
7:11 | " Chóng-.sī, in m̄-khéng chun-thàn, oa̍t-tńg keng-kah-thâu lâi pōe-ge̍k, that-ba̍t in ê hīⁿ-khang tì-sú bē thiaⁿ. | 註釋 串珠 盧導讀台 |
7:12 | Koh hō͘ in ê sim ngē kah chhin-chhiūⁿ soān-chio̍h, bô ài thiaⁿ lu̍t-hoat kah bān-kun ê Siōng-chú ēng I ê Sèng Sîn thok í-chêng ê sian-ti só͘ kóng ê ōe. Só͘-í, bān-kun ê Siōng-chú tōa-tōa siū-khì. | 註釋 串珠 盧導讀台 |
7:13 | In-ūi I bat kiò, in m̄-thiaⁿ, ánne in beh kiò, Góa mā m̄-thiaⁿ. Che sī bān-kun ê Siōng-chú kóng ê. | 註釋 串珠 盧導讀台 |
7:14 | M̄ koh, Góa beh ēng kńg-lê-á hong kā in chhoe sòaⁿ khì-kàu in só͘ m̄ bat ê lia̍t kok. Án-ne, chit-ê tē tī in khì liáu-āu to̍h piàn-chò pha-hng, tì-sú bô lâng chhut-ji̍p keng-kòe, in-ūi in hō͘ thang hoaⁿ-hí ê tē pha-hng à. " | 註釋 串珠 盧導讀台 |