| 章節 | 全民台語聖經全羅經文 | 註釋 |
| 9:1 | Sím-phòaⁿ Keh-piah KokSiōng-chú be̍k-sī ê ōe lîm-kàu tī Ha-tu-lak, mā ē thêng-hioh tī Ta-má-su-ko ( in-ūi sè-kan lâng kah I-su-la-el ta̍k chi-cho̍k ê ba̍k-chiu lóng ǹg Siōng-chú ), | 註釋 串珠 盧導讀台 |
| 9:2 | kah óa-kīn ê Ha-mat, í-ki̍p Tu-lô, Si-tòng, in-ūi in ū tōa tì-hūi. | 註釋 串珠 盧導讀台 |
| 9:3 | In-ūi Tu-lô ūi kakī khí siâⁿ-pó, chek-chū gîn chhin-chhiūⁿ thô͘-soa hiah chē, chek-chū sûn-kim chhin-chhiūⁿ ke-lō͘ ê thô͘-môe. | 註釋 串珠 盧導讀台 |
| 9:4 | Lí khòaⁿ, Chú beh kā i kóaⁿ chhut-.khì, mā beh pāi-hoāi i ê hái-koân; i ē hō͘ hóe sio bia̍t. | 註釋 串珠 盧導讀台 |
| 9:5 | A-si-ke-lông ē khòaⁿ tio̍h ánne lâi kiaⁿ; Ga-jah khòaⁿ tio̍h mā ē chin kan-khó͘; Ek-lóng mā ē khòaⁿ tio̍h in-ūi sit-bōng lâi kiàn-siàu. Ga-jah it-tēng bô koh ū kun-ông, A-si-ke-lông bô koh ū lâng tòa. | 註釋 串珠 盧導讀台 |
| 9:6 | Cha̍p-chéng lâng ē tòa tī A-si-to͘t; Góa beh tû-bia̍t Hui-lī-sū lâng ê kiau-ngō͘. | 註釋 串珠 盧導讀台 |
| 9:7 | Góa beh tû-khì i chhùi lāi kâⁿ hoeh ê bah kah i chhùi-khí tiong khó-ò͘ⁿ ê mi̍h. I só͘ chhun lo̍h-.lâi ê lâng ē kui lán ê Siōng-tè, i tī Iô-tah ē chhin-chhiūⁿ cho̍k-tiúⁿ; Ek-lóng ē chhin-chhiūⁿ I-é-bú-suh ê lâng. | 註釋 串珠 盧導讀台 |
| 9:8 | Góa beh chat iâⁿ ûi góa ê chhù, tí-tòng kun-peng, tì-sú bô lâng chhut-ji̍p, pō-gio̍k ê lâng mā bô tùi in hia keng-kòe, in-ūi góa taⁿ chhin-ba̍k khòaⁿ tio̍h i. | 註釋 串珠 盧導讀台 |
| 9:9 | Bī-lâi ê Kun-ôngSi-óng ê chabó͘ kiáⁿ, lín tio̍h tōa-tōa hoaⁿ-hí; Ê-lú-sa-lèm ê chabó͘ kiáⁿ, lín tio̍h chhut hoaⁿ-hí ê siaⁿ. Lí khòaⁿ, lí ê ông lâi kìⁿ lí! I sī kong-gī koh kiâⁿ chín-kiù, un-jiû koh khiâ lî-á kah lî-á só͘ seⁿ ê lî-á-kiáⁿ. | 註釋 串珠 盧導讀台 |
| 9:10 | Siōng-chú kóng: Góa beh tû-khì E-hu-laim ê chiàn-chhia kah Ê-lú-sa-lèm ê chiàn-bé, kau-chiàn ê kiong mā beh tû-.khì. I beh tùi lia̍t kok thoân hô-pêng; i ê koân-pèng ē tùi chit-ê hái kàu hit-ê hái, tùi tōa hô kàu tē-ke̍k. | 註釋 串珠 盧導讀台 |
| 9:11 | Siōng-tè Chú-bîn ê Ho̍k-hengSiōng-chú kóng: Nā-sī lí, Góa beh ēng lí ê iok ê hoeh, tháu-pàng lí hiahê siū lia̍h khì koaiⁿ ê lâng thoat-chhut bô chúi ê chéⁿ. | 註釋 串珠 盧導讀台 |
| 9:12 | Lín hiahê siū lia̍h khì koaiⁿ mā ū ǹg-bāng ê lâng, tio̍h tò tńg-lâi siâⁿ-pó. Góa kin-á-ji̍t thoân-pò͘, Góa beh ka-pōe hêng lí. | 註釋 串珠 盧導讀台 |
| 9:13 | Góa beh ēng Iô-tah chò Góa só͘ bán ê kiong, ēng E-hu-laim chò an-tì tī kiong ê chìⁿ. Si-óng, Góa beh kek-tōng lí ê jîn-bîn lâi kong-kek Iá-oán ê jîn-bîn, hō͘ lí chhin-chhiūⁿ ióng-sū ê to-kiàm. | 註釋 串珠 盧導讀台 |
| 9:14 | Siōng-chú beh chhut-hiān tī in ê téng-bīn; I ê chìⁿ beh siā-chhut chhin-chhiūⁿ sihnà. Chì-koân Siōng-chú beh pûn sàu-kak, chē lâm-hong ê kńg-lê-á hong lâi kiâⁿ. | 註釋 串珠 盧導讀台 |
| 9:15 | Bān-kun ê Siōng-chú ē pó-hō͘ in; in ē thun-bia̍t tùi-te̍k, thún-ta̍h só͘ hiat lâi ê chio̍h-thâu. In ē lim lâi hoah, chhin-chhiūⁿ teh lim chiú; in ē chhin-chhiūⁿ té-móa ê óaⁿ, chhin-chhiūⁿ tôaⁿ téng hiahê kak. | 註釋 串珠 盧導讀台 |
| 9:16 | Hit ji̍t, Siōng-chú — in ê Siōng-tè ē kā in chín-kiù, chhin-chhiūⁿ I ê chú-bîn ê iûⁿ-kûn; in-ūi in ē chhin-chhiūⁿ bián-liû ê pó-chio̍h, tī I ê tē-chiūⁿ koân-koân kí-khí. | 註釋 串珠 盧導讀台 |
| 9:17 | I ê jîn-chû tōa kàu án-chóaⁿ! I ê súi hó khòaⁿ kàu án-chóaⁿ! Ngó͘-kok ē hō͘ siàu-liân lâng ióng-kiāⁿ, sin chiú ē hō͘ chāi-sek-lí mā ánne. | 註釋 串珠 盧導讀台 |