| 章節 | 全民台語聖經全羅經文 | 註釋 |
| 12:1 | Ê-lú-sa-lèm ē Tit Chín-kiùSiōng-chú koan-hē I-su-la-el be̍k-sī ê ōe: Siōng-chú thí-khui chiahê thiⁿ, kiàn-li̍p tē ê kin-ki, chhòng-chō lâng ê sim-sîn ê, | 註釋 串珠 盧導讀台 |
| 12:2 | I ê ōe kóng, " Lí khòaⁿ, Góa beh hō͘ Ê-lú-sa-lèm chò sì-kho͘-ûi chiahê jîn-bîn tì kàu chùi ê poe, Ê-lú-sa-lèm siū ûi-khùn ê sî, Iô-tah mā ē ánne. | 註釋 串珠 盧導讀台 |
| 12:3 | Hit ji̍t, Góa beh hō͘ Ê-lú-sa-lèm tùi bān-bîn chiâⁿ-chò tāng ê chio̍h-thâu, kiàn-nā giâ i ê ē siū tāng siong, tē-chiūⁿ lia̍t pang ē chū-chi̍p lâi kong-kek i. | 註釋 串珠 盧導讀台 |
| 12:4 | Siōng-chú kóng: Kàu hit ji̍t, Góa beh hō͘ só͘-ū ê bé kiaⁿ-hiâⁿ, hō͘ khiâ bé ê lâng tian-kông. Góa beh khòaⁿ-kò͘ Iô-tah ke, phah lia̍t kok só͘-ū ê bé, hō͘ i chheⁿmê. | 註釋 串珠 盧導讀台 |
| 12:5 | Iô-tah ê cho̍k-tiúⁿ sim-lāi ē siūⁿ kóng, ' Tòa tī Ê-lú-sa-lèm ê jîn-bîn chò góa ê la̍t, in-ūi in ū óa-khò in ê Siōng-tè — bān-kun ê Siōng-chú. ' | 註釋 串珠 盧導讀台 |
| 12:6 | " Hit ji̍t, Góa beh hō͘ Iô-tah ê cho̍k-tiúⁿ chhin-chhiūⁿ hóe-tiáⁿ tī chhâ ê tiong-kan, koh chhin-chhiūⁿ hóe-pé tī tiū-khún ê tiong-kan; in ē tī tò pêng chiàⁿ pêng sio-bia̍t sì-kho͘-ûi ê lia̍t kok. Ê-lú-sa-lèm jîn-bîn ē iû-goân tòa tī pún só͘-chāi, to̍h-sī Ê-lú-sa-lèm. | 註釋 串珠 盧導讀台 |
| 12:7 | " Siōng-chú ē tāi-seng chín-kiù Iô-tah ê pò͘-pêⁿ, hō͘ Ta-bi̍t ê ke ê êng-kng kah tòa tī Ê-lú-sa-lèm ê jîn-bîn ê êng-kng bē tàng iâⁿ-kòe Iô-tah. | 註釋 串珠 盧導讀台 |
| 12:8 | Hit ji̍t, Siōng-chú ē pó-hō͘ tòa tī Ê-lú-sa-lèm ê jîn-bîn. In tiong-kan nńg-chiáⁿ ê, tī hit ji̍t ē chhin-chhiūⁿ Ta-bi̍t; Ta-bi̍t ê ke ē chhin-chhiūⁿ Siōng-tè, chhin-chhiūⁿ tī in thâu-chêng ê Siōng-chú ê sù-chiá. | 註釋 串珠 盧導讀台 |
| 12:9 | Hit ji̍t, lâi kong-kek Ê-lú-sa-lèm ê lia̍t kok, Góa tiāⁿ tio̍h ì-sù beh kā in bia̍t-tiāu. | 註釋 串珠 盧導讀台 |
| 12:10 | Siong-sim Ai-khàu" Góa beh ēng un-hūi kah kî-tó ê sîn-lêng, piàⁿ-lo̍h tī Ta-bi̍t ê ke kah tòa tī Ê-lú-sa-lèm ê jîn-bîn. In ē gióng-bōng Góa, to̍h-sī in só͘ chha̍k-sí ê hit ūi, koh ē ūi tio̍h i lâi pi-ai, chhin-chhiūⁿ lâng ūi tio̍h ko͘-kiáⁿ lâi pi-ai, koh ūi tio̍h i iu-khó͘, chhin-chhiūⁿ lâng ūi tio̍h tōa-kiáⁿ teh iu-khó͘. | 註釋 串珠 盧導讀台 |
| 12:11 | Tng hit ji̍t, tī Ê-lú-sa-lèm ē ū tōa-tōa pi-ai, chhin-chhiūⁿ tī Me-gi-tóng pêng-goân ê Ha-ta̍t-lim-móng ê pi-ai. | 註釋 串珠 盧導讀台 |
| 12:12 | Kéng lāi pi-ai, tāi-ke lēng-gōa tòa. Ta-bi̍t cho̍k ê ke lēng-gōa tòa, in ê chabó͘ lâng lēng-gōa tòa; Ná-than cho̍k ê ke lēng-gōa tòa, in ê chabó͘ lâng lēng-gōa tòa. | 註釋 串珠 盧導讀台 |
| 12:13 | Lē-bī cho̍k ê ke lēng-gōa tòa, in ê chabó͘ lâng mā lēng-gōa tòa. Si-mí cho̍k ê ke lēng-gōa tòa, in ê chabó͘ lâng mā lēng-gōa tòa. | 註釋 串珠 盧導讀台 |
| 12:14 | Kî-tha hiahê ke tāi-ke lēng-gōa tòa, in ê chabó͘ lâng mā lēng-gōa tòa. " | 註釋 串珠 盧導讀台 |