| 章節 | 全民台語聖經全羅經文 | 註釋 |
| 2:1 | Lín chiahê chè-si, chit-ê bēng-lēng sī hō͘ lín ê. | 註釋 串珠 盧導讀台 |
| 2:2 | Bān-kun ê Siōng-chú kóng, " Lín nā m̄-thiaⁿ, m̄ hē tī sim-.ni̍h, lâi kui êng-kng hō͘ Góa ê miâ, Góa chiū beh hō͘ chiù-chó͘ lîm-kàu tī lín, hō͘ lín ê hok-khì piàn-chò chiù-chó͘; Góa í-keng chiù-chó͘, in-ūi lín bô kā chit-ê bēng-lēng hē tī sim-.ni̍h. | 註釋 串珠 盧導讀台 |
| 2:3 | Lí khòaⁿ, Góa beh ūi tio̍h lín lâi phah-pháiⁿ chéng-chí, koh ēng pùn kô͘ lín ê bīn, to̍h-sī lín ê seng-lé ê pùn, lín ē kah i chò-hóe siū tû-.khì. | 註釋 串珠 盧導讀台 |
| 2:4 | Lín chiū ē chai Góa ēng chit-ê bēng-lēng hō͘ lín, thang chò Góa kah Lē-bī só͘ li̍p ê iok. Che sī bān-kun ê Siōng-chú kóng ê. | 註釋 串珠 盧導讀台 |
| 2:5 | " Góa kah i só͘ li̍p ê sī oa̍h-miā kah pêng-an ê iok. Góa kā che hō͘ i, hō͘ i kiaⁿ-ùi, i chiū kiaⁿ-ùi Góa, kèng-ùi Góa ê miâ. | 註釋 串珠 盧導讀台 |
| 2:6 | Chin-lí ê lu̍t-hoat tī I ê chhùi lāi, tī I ê chhùi-tûn chhōe bô put-gī, I ēng pêng-an, chèng-ti̍t kah Góa tâng kiâⁿ, hō͘ chin chē lâng oa̍t tńg-lâi lī-khui pháiⁿ. | 註釋 串珠 盧導讀台 |
| 2:7 | In-ūi chè-si ê chhùi-tûn tio̍h chûn tì-sek, lâng tio̍h tùi i ê chhùi chhéng-kàu lu̍t-hoat, in-ūi i sī bān-kun ê Siōng-chú ê sù-chiá. | 註釋 串珠 盧導讀台 |
| 2:8 | " Chóng-.sī, lín ū lī-khui hit tiâu lō͘, hō͘ chin chē lâng tī lu̍t-hoat poa̍h-tó; lín pāi-hoāi Lē-bī ê iok. Che sī bān-kun ê Siōng-chú kóng ê. | 註釋 串珠 盧導讀台 |
| 2:9 | Só͘-í, Góa hō͘ lín hō͘ kûn-chiòng khòaⁿ-khin, khòaⁿ-chò hā-chiān; in-ūi lín bô chun-siú Góa ê tō-lō͘, tī lu̍t-hoat ēng phian-su khoán-thāi lâng. " | 註釋 串珠 盧導讀台 |
| 2:10 | Jîn-bîn Tùi Siōng-tè Bô Tiong-si̍tLán kám m̄-sī kâng chi̍t-ê pē? Kám m̄-sī kāng chi̍t-ūi Siōng-tè chhòng-chō lán? Lán ta̍k lâng ná ē ēng kúi-chà khoán-thāi hiaⁿ-tī, lâi pāi-hoāi chó͘-sian ê iok? | 註釋 串珠 盧導讀台 |
| 2:11 | Iô-tah kiâⁿ kúi-chà, koh tī I-su-la-el kah Ê-lú-sa-lèm ê tiong-kan kiâⁿ khó-ò͘ⁿ ê tāichì; in-ūi Iô-tah siat-to̍k Siōng-chú só͘ thiàⁿ ê sèng-só͘, chhōa ho̍k-sāi gōa-pang sîn-bêng ê chabó͘ kiáⁿ chò bó͘. | 註釋 串珠 盧導讀台 |
| 2:12 | Kiâⁿ chit khoán tāichì ê lâng, goān Siōng-chú tùi Iâ-kop ê pò͘-pêⁿ tiong, tû-khì i só͘-ū ê lâng, á-.sī kiò-chhéⁿ lâng ê（ Chù, chí chè-si ）, á-.sī ìn-tap lâng ê（ Chù, chí keng-ha̍k kàu-su ）, í-ki̍p hiàn lé-mi̍h hō͘ bān-kun ê Siōng-chú ê. | 註釋 串珠 盧導讀台 |
| 2:13 | Lín koh ánne chò, hō͘ ba̍k-sái thî-khàu kah thó͘-khùi phiàn-móa Siōng-chú ê tôaⁿ, tì-sú I bô koh khòaⁿ-kò͘ lé-mi̍h, mā bô hoaⁿ-hí tùi lín ê chhiú chiap-la̍p. | 註釋 串珠 盧導讀台 |
| 2:14 | Lín iáu koh kóng, " Che sī teh chhòng siáⁿ? " In-ūi Siōng-chú tī lí kah lí siàu-liân só͘ chhōa ê bó͘ tiong-kan chò kiàn-chèng, i sûi-jiân sī lí ê phit-phòe, koh sī lí bêng-iok ê bó͘, lí iáu koh ēng kúi-chà kā i khoán-thāi. | 註釋 串珠 盧導讀台 |
| 2:15 | I ê Sèng Sîn sûi-jiân ū lêng-le̍k ke chō jîn-sò͘, kám m̄-sī kantaⁿ chō chi̍t-ê? Ná ē chí ū chō chi̍t-ê? Chiū-sī beh kiû sèng ê kiáⁿ-sun. Só͘-í, tio̍h kín-siú lín ê sim-sîn, ta̍k lâng m̄ thang ēng kúi-chà khoán-thāi siàu-liân só͘ chhōa ê bó͘. | 註釋 串珠 盧導讀台 |
| 2:16 | Siōng-chú — I-su-la-el ê Siōng-tè kóng, " Lî bó͘ ê tāichì kah ēng kiông-pō khoán-thāi bó͘ ê lâng, Góa oàn-hūn i! Só͘-í, tio̍h kín-sīn siú lín ê sim-sîn, m̄ thang kiâⁿ kúi-chà. Che sī bān-kun ê Siōng-chú kóng ê." | 註釋 串珠 盧導讀台 |
| 2:17 | Sím-phòaⁿ ê Ji̍t-chí teh beh KàuLín ēng ōe thiau-lân Siōng-chú, lín iáu koh kóng, " Goán ēng siáⁿ-mi̍h kā I thiau-lân? " In-ūi lín kóng, " Hoān-nā chò pháiⁿ ê, Siōng-chú khòaⁿ i chò hó, koh hoaⁿ-hí i. " Á-sī in-ūi lín kóng, " Kong-gī ê Siōng-tè tī tó-ūi? " | 註釋 串珠 盧導讀台 |