| 章節 | 全民台語聖經全羅經文 | 註釋 |
| 1:1 | Hok-im ê Khai-SíSiōng-tè ê Kiáⁿ I-é-su Ki-tok ê hok-im sī ánne khai-sí. | 註釋 串珠 盧華 盧導讀台 |
| 1:2 | I-sá-iah sian-ti ê chheh ū kì-chài, góa chhe góa ê sù-chiá tòa lí ê thâu-chêng, chò lí ê khai-lō͘ sian-hong. | 註釋 串珠 盧華 盧導讀台 |
| 1:3 | Ū siaⁿ tī khòng-iá teh hoah, Tio̍h ūi Chú chún-pī tō-lō͘, siu-ti̍t I beh kiâⁿ ê sió-lō͘. (chù, ISI 40:3; MLK 3:1; CAG 23:20) | 註釋 串珠 盧華 盧導讀台 |
| 1:4 | Kiâⁿ Sé-lé Iô-há-neh ê Thoân-tō( Mt 3: 1-12; Lk 3: 1-9, 15-17; Ih 1: 19-28)Iô-há-neh kó-jiân tī khòng-iá chhut-hiān, kā lâng sé-lé, soan-iông kóng, " Tio̍h hóe-kái lâi niá siū sé-lé, Siōng-tè chiū ē sià-bián lâng ê chōe. " | C註釋 註釋 串珠 盧華 盧導讀台 |
| 1:5 | Iô-tá-iah tē-khu kah Ê-lú-sa-lèm ê bîn-chiòng lóng khì Iô-há-neh hia, kò-pe̍k kakī ê chōe. Iô-há-neh chiū tī Iol-tàn hô kā in sé-lé. | 註釋 串珠 盧華 盧導讀台 |
| 1:6 | Chit-ê Iô-há-neh sin chhēng lo̍k-tô-mn̂g ê saⁿ, io hâ phôe-tòa, chia̍h chháu-meh kah iá-bi̍t. | 註釋 串珠 盧華 盧導讀台 |
| 1:7 | I soan-káng kóng, " Ū chi̍t-ê pí góa khah ū koân-lêng ê tòe góa ê āu-bīn lâi. Góa liân khut lo̍h-lâi tháu I ê ê-tòa to bē kham-tit. | 註釋 串珠 盧華 盧導讀台 |
| 1:8 | Góa ēng chúi kā lín sé-lé, I beh ēng Sèng Sîn kā lín sé-lé. " | 註釋 串珠 盧華 盧導讀台 |
| 1:9 | I-é-su Siū Sé-lé( Mt 3: 13-17; Lk 3: 21-22)Kòe bô kúi ji̍t, I-é-su tùi Ga-lí-la-iah séng ê Na-cha-lia̍t lâi, tī Iol-tàn hô tùi Iô-há-neh niá siū sé-lé. | 註釋 串珠 盧華 盧導讀台 |
| 1:10 | I-é-su chi̍t ē tùi chúi-.ni̍h khí-.lâi, chiū khòaⁿ tio̍h thiⁿ li̍h-.khui, Sèng Sîn chhin-chhiūⁿ hún-chiáu kàng-lîm tī I ê seng-khu téng-bīn. | 註釋 串珠 盧華 盧導讀台 |
| 1:11 | Koh tùi thiⁿ ū siaⁿ kóng, " Lí sī góa só͘ thiàⁿ ê Kiáⁿ, góa chin kah-ì Lí. " | 註釋 串珠 盧華 盧導讀台 |
| 1:12 | I-é-su Siū Chhì-thàm( Mt 4: 1-11; Lk 4: 1-13)Sèng Sîn sûi-sî chhui-pek I-é-su khì khòng-iá. | 註釋 串珠 盧華 盧導讀台 |
| 1:13 | I tī khòng-iá sì-cha̍p kang, siū Sa-tán ê chhì-thàm, mā kah iá-siù tòa chò-hóe, ū thiⁿ-sài teh kā I sū-hāu. | 註釋 串珠 盧華 盧導讀台 |
| 1:14 | I-é-su Tī Ga-lí-la-iah Séng Khai-sí Kang-chok( Mt 4: 12-17; Lk 4: 14-15)Iô-há-neh hông lia̍h-khì koaiⁿ-kaⁿ liáu-āu, I-é-su khì Ga-lí-la-iah séng soan-iông Siōng-tè ê hok-im, | 註釋 串珠 盧華 盧導讀台 |
| 1:15 | Kóng, " Sî-kî í-keng kàu à, Siōng-tè kok-tō͘ teh beh lâi-lîm ā. Lín tio̍h hóe-kái lâi sìn hok-im. " | 註釋 串珠 盧華 盧導讀台 |
| 1:16 | I-é-su Ho͘-tiàu Sì-ê Lia̍h-hî-Lâng( Mt 4: 18-22; Lk 5: 1-11)I-é-su keng-kòe Ga-lí-la-iah ô͘-piⁿ ê sî, khòaⁿ tio̍h Sí-mòng kah i ê hiaⁿ-tī An-to-le̍h tī ô͘-.ni̍h teh pha bāng, in sī lia̍h-hî lâng. | 註釋 串珠 盧華 盧導讀台 |
| 1:17 | I-é-su kā in kóng, " Lâi tòe góa, góa beh hō͘ lín tit tio̍h lâng chhin-chhiūⁿ lia̍h-hî lâng tit tio̍h hî. " | C註釋 註釋 串珠 盧華 盧導讀台 |
| 1:18 | In sûi-sî pàng-lo̍h hî-bāng khì tòe I-é-su. | 註釋 串珠 盧華 盧導讀台 |
| 1:19 | Koh lio̍h-á kiâⁿ chìn-chêng, I-é-su khòaⁿ tio̍h Che-beh-tái ê kiáⁿ Iâ-kop kah i ê hiaⁿ-tī Iô-há-neh tī chûn téng teh pó͘ hî-bāng. | 註釋 串珠 盧華 盧導讀台 |
| 1:20 | I-é-su sûi-sî ho͘-tiàu in. In chiū kah in lāu-pē Che-beh-tái kah chhiàⁿ-kang sio-sî lâi tòe I-é-su khì. | 註釋 串珠 盧華 盧導讀台 |
| 1:21 | I-é-su I-hó Siâ-sîn Hū-sin ê Lâng( Lk 4: 31-37)I-é-su kah bûn-tô͘ lâi-kàu Ka-peh-ná-um. An-hioh-ji̍t chi̍t-ē kàu, I chiū ji̍p-khì hōe-tn̂g kà-sī lâng. | 註釋 串珠 盧華 盧導讀台 |
| 1:22 | Thiaⁿ tio̍h I-é-su kà-sī ê lâng lóng kám-kak chin kî-biāu, in-ūi I ê kà-sī chin ū koân-ui, bô chhin-chhiūⁿ hiahê keng-ha̍k kàu-su. | 註釋 串珠 盧華 盧導讀台 |
| 1:23 | Hit sî, hōe-tn̂g lāi ū chi̍t-ê hō͘ siâ-sîn hū-sin ê lâng tōa-siaⁿ hoah, | 註釋 串珠 盧華 盧導讀台 |
| 1:24 | " Na-cha-lia̍t lâng I-é-su, Lí hô-pit tio̍h lâi kan-sia̍p goán? Lí beh lâi húi-bia̍t goán, sī-.bô? Góa chai Lí sī siáⁿ lâng, Lí sī Siōng-tè ê sèng ê. " | C註釋 註釋 串珠 盧華 盧導讀台 |
| 1:25 | I-é-su chek-pī siâ-sîn kóng, " Tiām-khì! Tùi chit-ê lâng chhut-.khì! " | 註釋 串珠 盧華 盧導讀台 |
| 1:26 | Siâ-sîn hō͘ hit-ê lâng thiu-chhoah liáu-āu, tōa-siaⁿ hoah chi̍t-siaⁿ, chiū tùi hit-ê lâng chhut-.khì. | 註釋 串珠 盧華 盧導讀台 |
| 1:27 | Chèng lâng lóng tio̍h-kiaⁿ kah gāng-.khì, chiū gī-lūn hun-hun, kóng, " Che sī án-chóaⁿ? Kám sī sin ê kà-sī? I ēng koân-lêng bēng-lēng siâ-sîn, liân siâ-sîn to khut-ho̍k. " | C註釋 註釋 串珠 盧華 盧導讀台 |
| 1:28 | I-é-su ê miâ-siaⁿ sûi-sî thoân kàu Ga-lí-la-iah séng ê ta̍k só͘-chāi. | 註釋 串珠 盧華 盧導讀台 |
| 1:29 | I-é-su I-hó Chin Chē Lâng( Mt 8: 14-17; Lk 4: 38-41)I-é-su chi̍t-ē kiâⁿ-chhut hōe-tn̂g, sûi-sî chhōa Iâ-kop kah Iô-há-neh ji̍p-khì Sí-mòng kah An-to-le̍h ê chhù. | 註釋 串珠 盧華 盧導讀台 |
| 1:30 | Sí-mòng ê tiūⁿ-ḿ tú-teh hoat-sio, tó tī bîn-chhn̂g. In sûi-sî kā i ê chêng-hóng kā I-é-su kóng. | 註釋 串珠 盧華 盧導讀台 |
| 1:31 | I-é-su óa khì khan i ê chhiú, kā i hû khí-.lâi, i ê jia̍t chiū thè. Chit-ê hū-jîn-lâng chiū chiap-thāi in. | 註釋 串珠 盧華 盧導讀台 |
| 1:32 | Kàu hông-hun ji̍t-thâu lo̍h soaⁿ liáu-āu, chèng lâng chiū chhōa phòa-pēⁿ ê kah hō͘ siâ-sîn hū-sin ê lâng lâi I-é-su hia. | 註釋 串珠 盧華 盧導讀台 |
| 1:33 | Choân-siâⁿ ê lâng lóng chū-chi̍p tī mn̂g-kháu. | 註釋 串珠 盧華 盧導讀台 |
| 1:34 | I-é-su i hó ta̍k chióng ê pēⁿ-lâng, koh kóaⁿ chin-chē kúi. I-é-su m̄-chún siâ-sîn kóng-ōe, in-ūi in chai I sī siáⁿ lâng. | 註釋 串珠 盧華 盧導讀台 |
| 1:35 | I-é-su tī Ga-lí-la-iah Séng Thoân-tō( Lk 4: 42-44)Keh-tńg chá-khí thiⁿ iáu-bōe kng, I-é-su chiū khí-.lâi, chhut-khì khòng-iá ê só͘-chāi, tī hia kî-tó. | 註釋 串珠 盧華 盧導讀台 |
| 1:36 | Sí-mòng kah tâng-phōaⁿ chhut-khì chhōe I. | 註釋 串珠 盧華 盧導讀台 |
| 1:37 | Chhōe tio̍h liáu-āu chiū kā I kóng, " Chèng lâng lóng teh chhōe Lí. " | 註釋 串珠 盧華 盧導讀台 |
| 1:38 | I-é-su ìn kóng, " Lán kè-sio̍k lâi-khì hù-kīn ê chng-thâu, hō͘ góa thang tī hia thoân hok-im; in-ūi che sī góa chhut-.lâi ê sù-bēng. " | 註釋 串珠 盧華 盧導讀台 |
| 1:39 | I-é-su chiū khì hóng-būn Ga-lí-la-iah séng ê ta̍k só͘-chāi, ji̍p-khì in ê hōe-tn̂g thoân-tō koh kóaⁿ kúi. | 註釋 串珠 盧華 盧導讀台 |
| 1:40 | I-é-su I-hó Thái-ko Pēⁿ-Lâng( Mt 8: 1-4; Lk 5: 12-16)Ū chi̍t-ê thái-ko ê pēⁿ-lâng lâi-kàu I-é-su ê bīn-chêng, kūi lo̍h-khì kā I kiû, kóng, " Lí nā khéng, chiū ē-tàng hō͘ góa chheng-khì. " | 註釋 串珠 盧華 盧導讀台 |
| 1:41 | I-é-su móa-sim liân-bín, chhun chhiú kā i bong, kóng, " Góa khéng, lí thang chheng-khì. " | C註釋 註釋 串珠 盧華 盧導讀台 |
| 1:42 | Hitê lâng ê thái-ko sûi-sî tû-.khì, i chiū chheng-khì. | 註釋 串珠 盧華 盧導讀台 |
| 1:43 | I-é-su sûi-sî kiò i lī-khui, giâm-giâm kā i kéng-kài kóng, | 註釋 串珠 盧華 盧導讀台 |
| 1:44 | " Lí tio̍h kín-sīn, choa̍t-tùi m̄ thang kā lâng kóng siáⁿ-mi̍h; to̍k-to̍k lí tio̍h khì hō͘ chè-si giām lí ê seng-khu, mā ài ūi tio̍h lí tit tio̍h chheng-khì khì hiàn Mô͘-se só͘ hoan-hù ê chè, lâi tùi chèng lâng chèng-bêng lí í-keng chheng-khì à. " | 註釋 串珠 盧華 盧導讀台 |
| 1:45 | Chóng-.sī, hit-ê lâng chi̍t-ē chhut-.khì, chiū sì-kè soan-iông chit-ê siau-sit, tì-sú I-é-su bô hoat-tō͘ koh kong-jiân ji̍p siâⁿ, soah tio̍h tòa tī gōa-bīn khòng-iá ê só͘-chāi. Chèng lâng iû-goân tùi ta̍k só͘-chāi lâi chhōe I-é-su. | 註釋 串珠 盧華 盧導讀台 |