| 章節 | 全民台語聖經全羅經文 | 註釋 |
| 15:1 | I-é-su tī Pí-la̍h-to bīn-chêng siū Sím-mn̄g( Mt 27: 1-2, 11-14; Lk 23: 1-5; Ih 18: 28-38)Kàu thiⁿ-kng, hiahê chè-si-tiúⁿ, tiúⁿ-ló, keng-ha̍k kàu-su kah choân gī-hōe chò-hóe thó-lūn hó-sè, kā I-é-su pa̍k khí-.lâi, ah-khì kau hō͘ Pí-la̍h-to. | 註釋 串珠 盧華 盧導讀台 |
| 15:2 | Pí-la̍h-to mn̄g I-é-su kóng, " Lí sī Iô-tá-iah lâng ê ông, sī-.bô? " I-é-su ìn kóng, " Chiàu lí kóng ánne. " | 註釋 串珠 盧華 盧導讀台 |
| 15:3 | Tōa-chè-si kò I-é-su chin chē hāng. | 註釋 串珠 盧華 盧導讀台 |
| 15:4 | Pí-la̍h-to koh mn̄g I-é-su kóng, " Lí ná ē lóng bô ìn? Lí khòaⁿ, in kò Lí hiah chē hāng. " | 註釋 串珠 盧華 盧導讀台 |
| 15:5 | I-é-su iû-goân bô ìn pòaⁿ-kù. Pí-la̍h-to soah kám-kak chin kî-koài. | 註釋 串珠 盧華 盧導讀台 |
| 15:6 | I-é-su Hông phòaⁿ Sí-hêng( Mt 27: 15-26; Lk 23: 13-25; Ih 18: 39-19:16)Tī ta̍k nî ê Pôaⁿ-kòe-cheh, chóng-tok lóng ū chiàu jîn-bîn só͘ kiû ê lâi pàng chi̍t-ê hoān-lâng hō͘ in. | 註釋 串珠 盧華 盧導讀台 |
| 15:7 | Hit sî, ū chi̍t-ê kah hiahê chok-loān ê lâng chò-hóe koaiⁿ-kaⁿ, miâ kiò-chò Ba-la̍h-ba ê hoān-lâng. | 註釋 串珠 盧華 盧導讀台 |
| 15:8 | Kûn-chiòng chū-chi̍p óa-.khì, iau-kiû Pí-la̍h-to chiàu koàn-lē lâi pàng chi̍t-ê hoān-lâng. | 註釋 串珠 盧華 盧導讀台 |
| 15:9 | Pí-la̍h-to mn̄g in kóng, " Lín ài góa pàng Iô-tá-iah lâng ê ông hō͘ lín, sī-.bô? " | 註釋 串珠 盧華 盧導讀台 |
| 15:10 | In-ūi i chai hiahê chè-si-tiúⁿ sī ūi tio̍h oàn-tò͘ chiah kā I-é-su kau hō͘ i. | 註釋 串珠 盧華 盧導讀台 |
| 15:11 | M̄ koh, hiahê chè-si-tiúⁿ siàn-tōng kûn-chiòng, tian-tò iau-kiû Pí-la̍h-to pàng Ba-la̍h-ba hō͘ in. | 註釋 串珠 盧華 盧導讀台 |
| 15:12 | Pí-la̍h-to koh ìn kóng, " Án-ne, lín kiò-chò Iô-tá-iah lâng ê ông hit ūi, góa tio̍h án-chóaⁿ kā I pān? " | 註釋 串珠 盧華 盧導讀台 |
| 15:13 | In koh tōa-siaⁿ hoah, " Kā I tèng si̍p-jī-kè! " | 註釋 串珠 盧華 盧導讀台 |
| 15:14 | Pí-la̍h-to kā in kóng, " Sī án-chóaⁿ lè, I kám ū hoān siáⁿ-mi̍h chōe? " Chóng-.sī, kûn-chiòng ná tōa-siaⁿ hoah, " Kā I tèng si̍p-jī-kè! " | 註釋 串珠 盧華 盧導讀台 |
| 15:15 | Pí-la̍h-to ūi tio̍h beh hō͘ kûn-chiòng hoaⁿ-hí, chiū pàng Ba-la̍h-ba hō͘ in. I koh bēng-lēng lâng piⁿ-phah I-é-su. Jiân-āu kā I-é-su kau hō͘ in khì tèng si̍p-jī-kè. | 註釋 串珠 盧華 盧導讀台 |
| 15:16 | Peng-á hì-lāng I-é-su( Mt 27: 27-31; Ih 19:2-3)Peng-á thoa I-é-su ji̍p-khì chóng-tok-hú ê īⁿ lāi, koh tiàu choân-tūi ê peng-á lâi. | 註釋 串珠 盧華 盧導讀台 |
| 15:17 | In kā I-é-su chhēng chi̍t-niá chí-sek ê tn̂g-phàu, koh kā I tì chhì-á piⁿ ê bián-liû, | 註釋 串珠 盧華 盧導讀台 |
| 15:18 | Jiân-āu kā I-é-su chhéng-an kóng, " Iô-tá-iah lâng ê ông, pêng-an! " | 註釋 串珠 盧華 盧導讀台 |
| 15:19 | In koh ēng lô͘-tek sut I-é-su ê thâu-khak, kā I phùi chhùi-nōa, kūi lo̍h-khì kā I pài. | 註釋 串珠 盧華 盧導讀台 |
| 15:20 | In hì-lāng soah, kā hit niá chí-sek ê tn̂g-phàu thǹg khí-.lâi, koh kā I-é-su kakī ê saⁿ-chhēng tò tńg-.khì, jiân-āu kā I ah-khì tèng si̍p-jī-kè. | 註釋 串珠 盧華 盧導讀台 |
| 15:21 | I-é-su Hông tèng Si̍p-jī-kè( Mt 27: 32-44; Lk 23: 26-43; Ih 19: 17-27)Ū chi̍t-ê Ku-lé-nái lâng Sí-mòng, to̍h-sī A-le̍k-san-toh kah Ló͘-ho͘h ê lāu-pē, tùi chng-kha lâi, àn hia keng-kòe. Peng-á chiū kiông-pek i lâi giâ I-é-su ê si̍p-jī-kè. | 註釋 串珠 盧華 盧導讀台 |
| 15:22 | In kā I-é-su ah kàu Gol-gó-thah ê só͘-chāi, hit-ê tē-miâ hoan-e̍k to̍h-sī " Thâu-khak-óaⁿ ê só͘-chāi. " | 註釋 串珠 盧華 盧導讀台 |
| 15:23 | In ēng kiáu bu̍t-io̍h ê chiú hō͘ I-é-su lim. I m̄-lim. | 註釋 串珠 盧華 盧導讀台 |
| 15:24 | In kā I-é-su tèng si̍p-jī-kè liáu-āu, pun I ê saⁿ-khò͘, liam-khau lâi khòaⁿ siáⁿ lâng tit tio̍h siáⁿ-mi̍h. | 註釋 串珠 盧華 盧導讀台 |
| 15:25 | In kā I-é-su tèng tī si̍p-jī-kè ê sî sī chá-khí sî káu tiám. | 註釋 串珠 盧華 盧導讀台 |
| 15:26 | I ê chōe-chōng ê pâi-á siá kóng, " Iô-tá-iah lâng ê ông ". | 註釋 串珠 盧華 盧導讀台 |
| 15:27 | Ū nn̄g-ê chha̍t kah I-é-su tâng-chê tèng si̍p-jī-kè, chi̍t-ê tī chiàⁿ pêng, chi̍t-ê tī tò pêng. | 註釋 串珠 盧華 盧導讀台 |
| 15:28 | Án-ne sī lâi èng-giām keng-tián só͘ kì-chài, I mā hō͘ lâng kā I sǹg-chò chōe-hoān. ( ū ê chhau-pún bô chit chat ) | 註釋 串珠 盧華 盧導讀台 |
| 15:29 | Tùi hia keng-kòe ê lâng kā I bú-jio̍k, iô thâu kóng, " Ai-ah, Lí chit-ê kóng beh húi-hoāi sèng-tiān, saⁿ ji̍t lāi beh koh khí khí-.lâi ê lâng, | 註釋 串珠 盧華 盧導讀台 |
| 15:30 | Taⁿ tio̍h kiù Lí kakī, tùi si̍p-jī-kè téng lo̍h-.lâi! " | 註釋 串珠 盧華 盧導讀台 |
| 15:31 | Hiahê chè-si-tiúⁿ kah keng-ha̍k kàu-su mā sī ánne kā I thí-chhiò, hō͘-siong kóng-lâi kóng-khì, kóng, " I bat kiù pa̍t lâng, taⁿ bē tàng kiù kakī. | 註釋 串珠 盧華 盧導讀台 |
| 15:32 | I-su-la-el ê ông Ki-tok, taⁿ tio̍h tùi si̍p-jī-kè lo̍h-lâi hō͘ goán khòaⁿ, goán chiah beh sìn. " tâng-chê tèng tī si̍p-jī-kè ê nn̄g-ê chha̍t-thâu mā kā I bú-jio̍k. | 註釋 串珠 盧華 盧導讀台 |
| 15:33 | I-é-su ê Sí-bông( Mt 27:45-56; Lk 23:44-49; Ih 19:28-30)Tiong-tàu ê sî, choân tē o͘-àm, sòa-kàu ē-po͘ saⁿ tiám. | 註釋 串珠 盧華 盧導讀台 |
| 15:34 | Saⁿ tiám ê sî, I-é-su tōa-siaⁿ hoah, " Í-lô-i, Í-lô-i, la̍h-má sat-pak-tāi-nî? " Chit-kù A-lâm ōe ê ì-sù sī, " Góa ê Siōng-tè, góa ê Siōng-tè, Lí ná ē pàng-sak góa? " | 註釋 串珠 盧華 盧導讀台 |
| 15:35 | Tī piⁿ-á teh khiā ê chi̍t-ê lâng thiaⁿ-.tio̍h, chiū kóng, " Lí khòaⁿ, I teh kiò E-li-iah. " | 註釋 串珠 盧華 盧導讀台 |
| 15:36 | Ū chi̍t-ê lâng cháu-óa-.khì, ēng hái-mî chìm chhò͘, pa̍k tī lô͘-tek-á bóe, tu-khì hō͘ I-é-su suh, kóng, " Bān-chhiáⁿ lè, lán lâi khòaⁿ E-li-iah ē lâi kā I kiù lo̍h-lâi á bē. " | 註釋 串珠 盧華 盧導讀台 |
| 15:37 | I-é-su tōa-siaⁿ âu-kiò chi̍t-siaⁿ, chiū tn̄g-khùi. | 註釋 串珠 盧華 盧導讀台 |
| 15:38 | Sèng-tiān lāi ê tiùⁿ-lî tùi téng kàu ē li̍h chò nn̄g pêng. | 註釋 串珠 盧華 盧導讀台 |
| 15:39 | Khiā tī I-é-su ê tùi-bīn ê liân-tiúⁿ khòaⁿ tio̍h I ánne tn̄g-khùi, chiū kóng, " Chit-ê lâng chin-chiàⁿ sī Siōng-tè ê Kiáⁿ. " | 註釋 串珠 盧華 盧導讀台 |
| 15:40 | Koh ū kúi-nā-ê hū-jîn-lâng tùi hn̄g-hn̄g teh khòaⁿ, kî-tiong ū Ma̍k-ta-lé ê Mâ-lí-ah, sió Iâ-kop kah Iô-sé-huh ê lāu-bú Mâ-lí-ah, í-ki̍p Sa-ló-meh. | 註釋 串珠 盧華 盧導讀台 |
| 15:41 | In to̍h-sī I-é-su tī Ga-lí-la-iah séng ê sî, kin-tòe lâi ho̍k-sāi I-é-su ê hū-jîn-lâng. Mā ū chin chē kah I-é-su tâng-chê chiūⁿ Ê-lú-sa-lèm ê hū-jîn-lâng, in lóng tùi hn̄g-hn̄g teh khòaⁿ. | 註釋 串珠 盧華 盧導讀台 |
| 15:42 | I-é-su ê Bâi-chòng( Mt 27:57-61; Lk 23:50-56; Ih 19:38-42)Sî í-keng àm, hit ji̍t koh sī chún-pī Pôaⁿ-kòe-cheh ê ji̍t, to̍h-sī An-hioh-ji̍t ê chêng chi̍t ji̍t. | 註釋 串珠 盧華 盧導讀台 |
| 15:43 | Ū A-li-má-tha-iah ê Iô-sé-huh lâi, hó-táⁿ ji̍p-khì kìⁿ Pí-la̍h-to, chhéng-kiû hō͘ i siu I-é-su ê sin-si. Iô-sé-huh sī chun-kùi ê gī-oân, pún-sin mā sī him-bō͘ Siōng-tè kok-tō͘ ê lâng. | 註釋 串珠 盧華 盧導讀台 |
| 15:44 | Pí-la̍h-to thiaⁿ tio̍h I-é-su í-keng sí, kám-kak kî-koài. I kiò liân-tiúⁿ lâi, mn̄g khòaⁿ I-é-su sí-khì á-bōe. | 註釋 串珠 盧華 盧導讀台 |
| 15:45 | I tùi hit-ê liân-tiúⁿ chai-iáⁿ I-é-su í-keng sí-.khì, chiū ín-chún kā sin-si kau hō͘ Iô-sé-huh. | 註釋 串珠 盧華 盧導讀台 |
| 15:46 | Iô-sé-huh bé chi̍t tè iù-tē pò͘ lâi, kā I-é-su tùi si̍p-jī-kè téng siu lo̍h-.lâi, ēng iù-tē pò͘ pau sin-si, kā I an chòng tī chio̍h-pôaⁿ só͘ phah ê bōng. I mā kō chi̍t tè chio̍h-thâu lâi that tī bōng-kháu. | 註釋 串珠 盧華 盧導讀台 |
| 15:47 | Ma̍k-ta-lé ê Mâ-lí-ah kah Iô-sé-huh ê lāu-bú Mâ-lí-ah, ū khòaⁿ tio̍h bâi-chòng I-é-su ê só͘-chāi. | 註釋 串珠 盧華 盧導讀台 |