| 章節 | 全民台語聖經全羅經文 | 註釋 |
| 33:1 | Siōng-chú Bēng-lēng I-su-la-el Lâng Lī-khui Si-nái SoaⁿSiōng-chú tùi Mô͘-se kóng, " Góa bat chiùchōa èng-ín A-bu-la-hàm, Í-sak, Iâ-kop, kóng, ' Beh kā thó͘-tē siúⁿ-sù hō͘ lí ê kiáⁿ-sun. ' Τaⁿ lí khì, lí kah lí tùi Ai-gi̍p tē só͘ chhōa chhut-.lâi ê jîn-bîn, tio̍h tùi chia chiūⁿ-khì hit-ê tē. | 註釋 串珠 盧俊義 盧華 盧導讀台 |
| 33:2 | Góa beh chhe sù-chiá tī lí ê thâu-chêng, Góa ē kóaⁿ-chhut Ka-nân, A-mô͘-lī, Hiat, Pe-lí-ji, Hi-bī kah I-é-bú-suh hiahê cho̍k, | 註釋 串珠 盧俊義 盧華 盧導讀台 |
| 33:3 | chhōa lí kàu lâu leng kah bi̍t ê tē. In-ūi Góa m̄ kah lí chiūⁿ-.khì, ūi tio̍h lí sī ām-kún ngē ê jîn-bîn, khióng-kiaⁿ Góa tī lō͘-.ni̍h kā lí bia̍t-bông. " | 註釋 串珠 盧俊義 盧華 盧導讀台 |
| 33:4 | Jîn-bîn thiaⁿ tio̍h chit-ê pháiⁿ siau-sit chiū iu-būn, bô lâng táⁿ-pān. | 註釋 串珠 盧俊義 盧華 盧導讀台 |
| 33:5 | Siōng-chú tùi Mô͘-se kóng, " Lí tio̍h kā I-su-la-el lâng kóng, ' Lín sī ām-kún ngē ê jîn-bîn, Góa nā chi̍t-ba̍k-nih kú kàu lín tiong-kan, Góa it-tēng kā lín châu-bia̍t. Τaⁿ tio̍h kā lín seng-khu ê táⁿ-pān pak khí-.lâi, Góa chiū chai Góa beh án-chóaⁿ kā lín khoán-thāi. '" | 註釋 串珠 盧俊義 盧華 盧導讀台 |
| 33:6 | I-su-la-el lâng tùi tī Hô-lep soaⁿ í-āu, chiū kā seng-khu ê táⁿ-pān lóng pak lo̍h-.lâi. | 註釋 串珠 盧俊義 盧華 盧導讀台 |
| 33:7 | Siōng-chú ê Sèng-bō͘Mô͘-se kā pò͘-pêⁿ tah tī iâⁿ gōa, lī-khui iâⁿ ū hiah-.hn̄g, i chheng chit-ê pò͘-pêⁿ kiò-chò hōe-bō͘, só͘-ū cháu-chhōe Siōng-chú ê lâng, chiū lâi-kàu iâⁿ gōa ê hōe-bō͘ hia. | 註釋 串珠 盧俊義 盧華 盧導讀台 |
| 33:8 | Tng Mô͘-se chhut-khì kàu pò͘-pêⁿ ê sî, chèng lâng chiū lóng khí-.lâi, ta̍k lâng khiā tī in ê pò͘-pêⁿ kháu teh khòaⁿ Mô͘-se, it-ti̍t kàu i ji̍p-khì pò͘-pêⁿ. | 註釋 串珠 盧俊義 盧華 盧導讀台 |
| 33:9 | Mô͘-se ji̍p-khì pò͘-pêⁿ ê sî, hûn-thiāu chiū lo̍h-.lâi, khiā tī pò͘-pêⁿ ê mn̂g chêng, Siōng-chú chiū kah Mô͘-se kóng-ōe. | 註釋 串珠 盧俊義 盧華 盧導讀台 |
| 33:10 | Chèng lâng khòaⁿ tio̍h hûn-thiāu khiā tī pò͘-pêⁿ ê mn̂g chêng, jîn-bîn chiū lóng khí-.lâi, ta̍k lâng tī in ê pò͘-pêⁿ mn̂g-kháu kūi-pài. | 註釋 串珠 盧俊義 盧華 盧導讀台 |
| 33:11 | Siōng-chú kah Mô͘-se bīn tùi bīn kóng-ōe, chhin-chhiūⁿ lâng kah pêng-iú kóng-ōe kāng-khoán. Mô͘-se tò tńg-lâi iâⁿ lāi, to̍k-to̍k kin-tòe i ê siàu-liân lâng Nùn ê kiáⁿ Io-siú-ah bô lī-khui pò͘-pêⁿ. | 註釋 串珠 盧俊義 盧華 盧導讀台 |
| 33:12 | Siōng-tè Èng-ín kah Chú-bîn Tông-chāiMô͘-se tùi Siōng-chú kóng, " Lí khòaⁿ, Lí tùi góa kóng, ' Kā chiahê jîn-bîn chhōa-.khì', chóng-.sī, bô hō͘ góa chai Lí ē chhe siáⁿ lâng kah góa chò-hóe khì. Chí-ū kóng, ' Góa ēng miâ kéng-tiàu lí, lí tī Góa ê bīn-chêng mā tit tio̍h un-tián. ' | 註釋 串珠 盧俊義 盧華 盧導讀台 |
| 33:13 | Góa taⁿ nā tī Lí ê bīn-chêng tit tio̍h un-tián, kiû Lí kā Lí ê lō͘ chí-sī góa, hō͘ góa bat Lí, thang tī Lí ê bīn-chêng tit tio̍h un-tián. Lí tio̍h siàu-liām chit cho̍k sī Lí ê chú-bîn. " | 註釋 串珠 盧俊義 盧華 盧導讀台 |
| 33:14 | Siōng-chú kóng, " Góa beh chhin-sin kah lí khì, hō͘ lí pêng-an. " | 註釋 串珠 盧俊義 盧華 盧導讀台 |
| 33:15 | Mô͘-se tùi I kóng, " Lí nā bô chhin-sin kah góa-.khì, chiū m̄ thang chhōa goán tùi chia chiūⁿ-.khì. | 註釋 串珠 盧俊義 盧華 盧導讀台 |
| 33:16 | Tùi án-chóaⁿ ē chai, góa kah Lí ê chú-bîn tī Lí ê bīn-chêng tit tio̍h un-tián? Kám m̄-sī tùi Lí kah goán chò-hóe khì, hō͘ góa kah Lí ê chú-bîn kah tē-chiūⁿ ê bān-bîn ū hun-pia̍t? " | 註釋 串珠 盧俊義 盧華 盧導讀台 |
| 33:17 | Siōng-chú tùi Mô͘-se kóng, " Lí só͘ kóng chit-ê tāichì, Góa mā beh chò; in-ūi lí tī Góa ê bīn-chêng tit tio̍h un-tián, koh Góa ēng Góa ê miâ kéng-tiàu lí. " | 註釋 串珠 盧俊義 盧華 盧導讀台 |
| 33:18 | Mô͘-se kóng, " Kiû Lí hō͘ góa khòaⁿ tio̍h Lí ê êng-kng. " | 註釋 串珠 盧俊義 盧華 盧導讀台 |
| 33:19 | Siōng-chú kóng, " Góa beh hō͘ Góa it-chhè ê un-hūi keng-kòe lí ê bīn-chêng, mā soan-pò͘ Góa ê sèng-miâ — I-é-ho-bah tī lí ê bīn-chêng. Góa beh si un tī Góa só͘ si un ê, Góa beh liân-bín tī Góa só͘ liân-bín ê. " | 註釋 串珠 盧俊義 盧華 盧導讀台 |
| 33:20 | Koh kóng, " Lí bē tàng khòaⁿ Góa ê bīn, in-ūi bô lâng ē khòaⁿ tio̍h Góa koh iáu ē oa̍h. " | 註釋 串珠 盧俊義 盧華 盧導讀台 |
| 33:21 | Siōng-chú kóng, " Lí khòaⁿ, tī Góa chia ū só͘-chāi, lí tio̍h khiā tī chio̍h-pôaⁿ téng. | 註釋 串珠 盧俊義 盧華 盧導讀台 |
| 33:22 | Tng Góa ê êng-kng keng-kòe lí ê sî, Góa beh kā lí hē tī chio̍h-pôaⁿ phāng lāi, ēng Góa ê chhiú kā lí cha̍h teh, thèng-hāu Góa kòe-.khì. | 註釋 串珠 盧俊義 盧華 盧導讀台 |
| 33:23 | Jiân-āu Góa ē kā Góa ê chhiú kiu tò tńg-.lâi, lí chiū ē khòaⁿ tio̍h Góa ê kha-chiah-phiaⁿ āu; chóng-.sī bē tàng khòaⁿ tio̍h Góa ê bīn. " | 註釋 串珠 盧俊義 盧華 盧導讀台 |