| 章節 | 全民台語聖經全羅經文 | 註釋 |
| 7:1 | I-é-su I-hó Kun-koaⁿ ê Lô͘-po̍k( Mt 8: 5-13; Ih 4: 43-54)I-é-su kóng hō͘ bîn-chiòng thiaⁿ ê ōe kóng soah liáu-āu, chiū ji̍p-khì Ka-peh-ná-um. | 註釋 串珠 盧華 盧導讀台 |
| 7:2 | Ū chi̍t-ê Lô-má ê liân-tiúⁿ só͘ tiōng-iōng ê lô͘-po̍k phòa-pēⁿ kah teh beh sí. | 註釋 串珠 盧華 盧導讀台 |
| 7:3 | Chit-ê kun-koaⁿ thiaⁿ tio̍h I-é-su ê tāichì, chiū chhe kúi-nā-ê Iô-tá-iah lâng ê tiúⁿ-ló khì kiû I-é-su lâi i-tī i ê lô͘-po̍k. | 註釋 串珠 盧華 盧導讀台 |
| 7:4 | In lâi kìⁿ I-é-su, chiū pek-chhiat kiû I kóng, " Chit-ê lâng ē kham-tit Lí kā i pang-chān, | 註釋 串珠 盧華 盧導讀台 |
| 7:5 | In-ūi i ài-hō͘ lán Iô-tá-iah lâng, koh pún-sin ūi lán khí hōe-tn̂g. " | 註釋 串珠 盧華 盧導讀台 |
| 7:6 | I-é-su chiū kah in khì. Lī liân-tiúⁿ ê chhù bô gōa hn̄g ê sî, liân-tiúⁿ ū chhe kúi-nā-ê pêng-iú lâi kā I-é-su kóng, " Chú ah, m̄ thang kā Lí lô-hoân, góa bē kham-tit Lí lâi góa ê chhù. | 註釋 串珠 盧華 盧導讀台 |
| 7:7 | Góa mā siūⁿ kóng kakī bē kham-tit lâi chhōe Lí. Lí nā kóng chi̍t kù ōe, góa ê lô͘-po̍k chiū ē hó khí-.lâi. | 註釋 串珠 盧華 盧導讀台 |
| 7:8 | In-ūi góa mā sī hō͘ lâng koán ê lâng, mā ū peng hō͘ góa koán. Góa kā chit-ê kóng, ' Khì! ', i chiū khì; kā hit-ê kóng, ' Lâi! ', i chiū lâi; kā góa ê lô͘-po̍k kóng, ' Án-ne chò', i chiū ánne khì chò. " | 註釋 串珠 盧華 盧導讀台 |
| 7:9 | I-é-su thiaⁿ tio̍h chiahê ōe chiū kám-kak kî-koài, oa̍t tńg-sin kā tòe I ê kûn-chiòng kóng, " Góa kā lín kóng, liân I-su-la-el lâng ê tiong-kan, góa to m̄ bat khòaⁿ tio̍h chhin-chhiūⁿ chit khoán ê sìn-sim. " | 註釋 串珠 盧華 盧導讀台 |
| 7:10 | Siū chhe ê lâng tńg-khì kàu chhù, khòaⁿ tio̍h lô͘-po̍k í-keng hó-.khì à. | 註釋 串珠 盧華 盧導讀台 |
| 7:11 | I-é-su hō͘ Kóaⁿ-hū ê Kiáⁿ Koh-oa̍hKoh bô gōa kú, I-é-su khì chi̍t-ê siâⁿ miâ kiò-chò Ná-in. I ê bûn-tô͘ kah kui tōa-tīn lâng kah I chò-hóe kiâⁿ. | 註釋 串珠 盧華 盧導讀台 |
| 7:12 | Beh kàu siâⁿ-mn̂g ê sî, tú-hó ū lâng kng chi̍t-ê sí-lâng chhut-.lâi. Sí-lâng ê lāu-bú ko͘-ko͘ seⁿ chit-ê kiáⁿ, koh sī kóaⁿ-hū. Siâⁿ-lāi ū chin chē lâng teh kā i sàng-chòng. | 註釋 串珠 盧華 盧導讀台 |
| 7:13 | Chú chi̍t-ē khòaⁿ-.tio̍h, chiū kā i liân-bín, kóng, " M̄-thang háu. " | 註釋 串珠 盧華 盧導讀台 |
| 7:14 | I kiâⁿ óa-.khì, bong hit-ê kng sin-si ê kè, kng ê lâng chiū thêng-kha. I-é-su kóng, " Siàu-liân lâng, góa kā lí kóng, ' Khí-.lâi! '" | 註釋 串珠 盧華 盧導讀台 |
| 7:15 | Sí-lâng chiū peh khí-lâi chē, sòa khui chhùi kóng-ōe. I-é-su chiū kā chit-ê siàu-liân lâng kau hō͘ i ê lāu-bú. | 註釋 串珠 盧華 盧導讀台 |
| 7:16 | Chèng lâng lóng kiaⁿ-hiâⁿ, kui êng-kng hō͘ Siōng-tè kóng, " Lán tiong-kan ū heng-khí chi̍t-ê tōa sian-ti. " Koh kóng, " Siōng-tè ū teh khòaⁿ-kò͘ I ê chú-bîn. " | 註釋 串珠 盧華 盧導讀台 |
| 7:17 | Chiū ánne, I-é-su chit-ê hong-siaⁿ thoân kàu Iô-tá-iah kah sì-kho͘-ûi ê ta̍k só͘-chāi. | 註釋 串珠 盧華 盧導讀台 |
| 7:18 | Kiâⁿ Sé-lé Iô-há-neh kah I-é-su( Mt 11: 2-19)Iô-há-neh ê bûn-tô͘ kā chiahê tāichì lóng pò hō͘ in ê lāu-su chai. | 註釋 串珠 盧華 盧導讀台 |
| 7:19 | Iô-há-neh chiū kiò nn̄g-ê bûn-tô͘ lâi, chhe in khì mn̄g I-é-su, " Lí kám sī teh beh lâi ê hit ūi? Á-sī goán tio̍h koh thèng-hāu pa̍t lâng? " | 註釋 串珠 盧華 盧導讀台 |
| 7:20 | Hit nn̄g lâng lâi kìⁿ I-é-su chiū kóng, " Kiâⁿ sé-lé Iô-há-neh chhe goán lâi chhiáⁿ-mn̄g Lí, ' Lí kám sī teh beh lâi ê hit ūi? Á-sī goán tio̍h koh thèng-hāu pa̍t lâng? '" | 註釋 串珠 盧華 盧導讀台 |
| 7:21 | Hit sî, I-é-su ū i hó chin chē sin-khó͘ pēⁿ-thiàⁿ ê lâng kah hō͘ siâ-sîn hū-sin ê lâng, koh hō͘ chin chē chheⁿmê-.ê koh-chài khòaⁿ-kìⁿ. | 註釋 串珠 盧華 盧導讀台 |
| 7:22 | I-é-su chiū ìn kóng, " Lín tio̍h khì, kā lín só͘ khòaⁿ-.tio̍h kah só͘ thiaⁿ-.tio̍h ê pò Iô-há-neh chai, to̍h-sī chheⁿmê-.ê khòaⁿ-.kìⁿ, pái-kha-.ê kiâⁿ-lō͘, thái-ko-.ê chheng-.khì, chhàu-hīⁿ-lâng-.ê thiaⁿ-.kìⁿ, sí-lâng koh-oa̍h, sànchhiah lâng ē-tàng thiaⁿ tio̍h hok-im. | 註釋 串珠 盧華 盧導讀台 |
| 7:23 | Tùi góa bô sit-khì sìn-sim ê lâng si̍t-chāi ū hok-khì. " | 註釋 串珠 盧華 盧導讀台 |
| 7:24 | Iô-há-neh só͘ chhe ê lâng tńg-.khì liáu-āu, I-é-su chiah thê-khí Iô-há-neh ê tāichì, tùi kûn-chiòng kóng, " Lín chêng chhut-khì khòng-iá, sī beh khòaⁿ siáⁿ-mi̍h? Kám sī lô͘-tek hō͘ hong teh chhoe tín-tāng? | 註釋 串珠 盧華 盧導讀台 |
| 7:25 | Án-ne, lín chhut-khì sī beh khòaⁿ siáⁿ-mi̍h? Kám sī beh khòaⁿ lâng chhēng chhia-hoa ê saⁿ? Lí khòaⁿ, chhēng súi saⁿ koh hióng-siū iàn-lo̍k ê lâng sī tī ông-kiong. | 註釋 串珠 盧華 盧導讀台 |
| 7:26 | Án-ne, lín chhut-khì beh khòaⁿ siáⁿ-mi̍h? Kám sī sian-ti? Sī, góa kā lín kóng kòe, i pí sian-ti koh khah úi-tāi. | 註釋 串珠 盧華 盧導讀台 |
| 7:27 | Keng-tián ū koan-hē Iô-há-neh ê kì-chài, Lí khòaⁿ, góa chhe sù-chiá chò Lí ê chiân-hong, i beh tī Lí ê thâu-chêng chún-pī Lí ê tō-lō͘. (chù, MLK3:1) | 註釋 串珠 盧華 盧導讀台 |
| 7:28 | Góa kā lín kóng, hū-jîn-lâng só͘ seⁿ ê kiáⁿ bô chi̍t-ê pí Iô-há-neh khah úi-tāi; chóng-.sī, tī Siōng-tè kok-tō͘ lāi siōng bî-sè ê iáu pí i khah úi-tāi. " | 註釋 串珠 盧華 盧導讀台 |
| 7:29 | Thiaⁿ tio̍h chiahê ōe ê bîn-chiòng, liân thiu-sòe ê lâng mā lóng sêng-jīn Siōng-tè sī kong-gī, in-ūi in lóng ū niá-siū Iô-há-neh ê sé-lé. | 註釋 串珠 盧華 盧導讀台 |
| 7:30 | M̄ koh, Hoa-lí-sái phài ê lâng kah lu̍t-hoat kàu-su kī-choa̍t Siōng-tè ūi in só͘ an-pâi ê chí-ì, in-ūi in lóng bô siū Iô-há-neh ê sé-lé. | 註釋 串珠 盧華 盧導讀台 |
| 7:31 | I-é-su koh kóng, " Chit sè-tāi ê lâng, góa beh ēng siáⁿ-mi̍h lâi pí-phēng? In chhin-chhiūⁿ siáⁿ-mi̍h khoán ê lâng? | 註釋 串珠 盧華 盧導讀台 |
| 7:32 | In ná chhin-chhiūⁿ gín'á chē tī ke-lō͘ kháu, hō͘-siong tōa-siaⁿ hoah, goán pûn phín-á, lín bô thiàu-bú! Goán tùi lín chhiùⁿ chòng-sek ê ai-ko, lín bô thî-khàu. | 註釋 串珠 盧華 盧導讀台 |
| 7:33 | In-ūi kiâⁿ sé-lé Iô-há-neh lâi, bô chia̍h piáⁿ bô lim chiú, lín chiū kóng, ' I hō͘ siâ-sîn hū-sin. ' | 註釋 串珠 盧華 盧導讀台 |
| 7:34 | Jîn-chú lâi mā chia̍h mā lim, lín chiū kóng, ' I sī tham-chia̍h hò͘ⁿ-chiú ê lâng, sī thiu-sòe-.ê kah chōe-jîn ê pêng-iú. ' | 註釋 串珠 盧華 盧導讀台 |
| 7:35 | M̄ koh, sī hiahê chun-siú Siōng-tè tì-hūi ê lâng teh chèng-bêng Siōng-tè ê tì-hūi sī chin-si̍t. " | 註釋 串珠 盧華 盧導讀台 |
| 7:36 | Sià-bián kah Kám-siāŪ chi̍t-ê Hoa-lí-sái phài ê lâng chhiáⁿ I-é-su chia̍h pn̄g. I chiū ji̍p-khì Hoa-lí-sái phài ê lâng ê chhù chē-toh. | 註釋 串珠 盧華 盧導讀台 |
| 7:37 | Hit sî, siâⁿ lāi ū chi̍t-ê pháiⁿ hū-jîn-lâng, chai I-é-su tī Hoa-lí-sái phài ê lâng ê chhù teh chia̍h pn̄g, chiū tòa chi̍t-koàn té phang-iû ê ge̍k-koàn lâi. | 註釋 串珠 盧華 盧導讀台 |
| 7:38 | Hitê hū-jîn-lâng khiā tī I-é-su ê āu-bīn teh thî-khàu, ū ba̍k-sái tih-tâm I-é-su ê kha. I chiū ēng kakī ê thâu-mn̂g lâi chhit, koh chia̍p-chia̍p chim I-é-su ê kha, ēng phang-iû lâi boah kha. | 註釋 串珠 盧華 盧導讀台 |
| 7:39 | Chhiáⁿ I-é-su chia̍h pn̄g ê Hoa-lí-sái phài ê lâng khòaⁿ tio̍h ánne, sim-lāi siūⁿ kóng chit-ê lâng nā-sī sian-ti, it-tēng ē chai sī siáⁿ lâng kā I bong, sī siáⁿ-mi̍h khoán ê chabó͘ lâng? In-ūi hit-ê chabó͘ lâng sī pháiⁿ chabó͘. | 註釋 串珠 盧華 盧導讀台 |
| 7:40 | I-é-su kā Sí-mòng kóng, " Góa ū ōe beh kā lí kóng. " Sí-mòng ìn kóng, " Lāu-su, chhiáⁿ kóng. " | 註釋 串珠 盧華 盧導讀台 |
| 7:41 | I-é-su kóng, " Ū nn̄g-ê lâng khiàm chè-chú ê chîⁿ. Chi̍t-ê khiàm i gō͘-pah ê gîn-á, chi̍t-ê khiàm i gō͘-cha̍p. | 註釋 串珠 盧華 盧導讀台 |
| 7:42 | In-ūi nn̄g-ê lóng bô hoat-tō͘ hêng-chè, chè-chú chiū bián-tû in nn̄g lâng ê chè. Án-ne, tó chi̍t-ê ē khah thiàⁿ chè-chú? " | 註釋 串珠 盧華 盧導讀台 |
| 7:43 | Sí-mòng ìn kóng, " Góa siūⁿ sī hit-ê hông bián-tû khah chē ê lâng. " I-é-su kā i kóng, " Lí ê phòaⁿ-toàn chèng-khak. " | 註釋 串珠 盧華 盧導讀台 |
| 7:44 | Jiân-āu I-é-su oa̍t thâu ǹg hū-jîn-lâng, kā Sí-mòng kóng, " Lí ū khòaⁿ tio̍h chit-ê hū-jîn-lâng bô? Góa ji̍p-khì lí ê chhù, lí bô ēng chúi hō͘ góa sé kha, m̄ koh, i ēng ba̍k-sái tih tâm góa ê kha, koh ēng thâu-mn̂g lâi kā góa chhit kha. | 註釋 串珠 盧華 盧導讀台 |
| 7:45 | Lí bô kā góa chim; to̍k-to̍k chit-ê hū-jîn-lâng tùi góa ji̍p-.lâi ê sî to̍h it-ti̍t bô thêng teh chim góa ê kha. | 註釋 串珠 盧華 盧導讀台 |
| 7:46 | Lí bô ēng iû boah góa ê thâu-khak, m̄ koh, i ēng phang-iû boah góa ê kha. | 註釋 串珠 盧華 盧導讀台 |
| 7:47 | Só͘-í, góa kā lí kóng, i ê thiàⁿ khah chē, piáu-sī i chin chē ê chōe í-keng tit tio̍h sià-bián; m̄ koh, tit tio̍h sià-bián chió ê lâng, i piáu-ta̍t chhut-.lâi ê thiàⁿ chiū chió. " | 註釋 串珠 盧華 盧導讀台 |
| 7:48 | I-é-su kā hit-ê hū-jîn-lâng kóng, " Lí ê chōe tit tio̍h sià-bián à. " | 註釋 串珠 盧華 盧導讀台 |
| 7:49 | Kâng toh ê lâng sim-lāi siūⁿ kóng chit-ê teh sià chōe ê sī siáⁿ lâng? | 註釋 串珠 盧華 盧導讀台 |
| 7:50 | I-é-su koh tùi hit-ê hū-jîn-lâng kóng, " Lí ê sìn-sim ū kiù tio̍h lí, chò lí an-sim tńg-.khì. " | 註釋 串珠 盧華 盧導讀台 |