| 章節 | 全民台語聖經全羅經文 | 註釋 |
| 34:1 | Tē-jī Tè Chio̍h-pi( SBK 10: 1-5)Siōng-chú tùi Mô͘-se kóng, " Lí phah nn̄g tè chio̍h-pi kah í-chêng ê kāng-khoán, lí chêng só͘ phah-phòa hiahê pi hit téng-bīn ê jī, Góa ē koh siá tī chiahê pi. | 註釋 串珠 盧俊義 盧華 盧導讀台 |
| 34:2 | Bîn-á-chá-khí, lí tio̍h chún-pī piān, thàu-chá lí tio̍h chiūⁿ Si-nái soaⁿ, tī hia, tī soaⁿ-bóe-liu, khiā tī Góa bīn-chêng. | 註釋 串珠 盧俊義 盧華 盧導讀台 |
| 34:3 | M̄-thang ū lâng kah lí chò-hóe lâi, piàn-soaⁿ lóng m̄ thang khòaⁿ tio̍h ū lâng, tī soaⁿ-kha mā m̄ thang hō͘ gû-kûn, iûⁿ-kûn chia̍h chháu. " | 註釋 串珠 盧俊義 盧華 盧導讀台 |
| 34:4 | Siōng-chú chiū phah nn̄g tè chio̍h-pi kah í-chêng ê kāng-khoán. Mô͘-se thàu-chá khí-.lâi, chiàu Siōng-chú só͘ hoan-hù i ê, chiūⁿ-khì Si-nái soaⁿ, chhiú-.ni̍h the̍h hit nn̄g tè chio̍h-pi. | 註釋 串珠 盧俊義 盧華 盧導讀台 |
| 34:5 | Siōng-chú chē hûn lîm-kàu kah i khiā tī hia, soan-pò͘ I ê miâ — I-é-ho-bah. | 註釋 串珠 盧俊義 盧華 盧導讀台 |
| 34:6 | Siōng-chú tùi i ê bīn-chêng keng-kòe, soan-pò͘ kóng, " Siōng-chú, Siōng-chú, sī ū liân-bín koh ū un-tián ê Siōng-tè, bô khoài siū-khì, koh ū hong-sēng ê chû-ài kah sêng-si̍t, | 註釋 串珠 盧俊義 盧華 盧導讀台 |
| 34:7 | Ūi chheng-bān lâng chûn chû-ài, sià-bián chōe-kò, kòe-sit kah chōe-ok, choa̍t-tùi bô lia̍h ū chōe ê chò bô chōe, ē kui-kiū i ê chōe, tùi pē kàu kiáⁿ, kàu sun, kàu saⁿ-sì tāi. " | 註釋 串珠 盧俊義 盧華 盧導讀台 |
| 34:8 | Mô͘-se kóaⁿ-kín àⁿ lo̍h tē kèng-pài, kóng, | 註釋 串珠 盧俊義 盧華 盧導讀台 |
| 34:9 | " Chú ah, góa nā tī Lí ê bīn-chêng tit tio̍h un-tián, kiû Chú tī goán tiong-kan kah goán chò-hóe kiâⁿ, in-ūi chiahê sī ām-kún ngē ê jîn-bîn. Koh kiû Lí sià-bián goán ê chōe-kò kah goán ê chōe-ok, lia̍h goán chò Lí ê sán-gia̍p. " | 註釋 串珠 盧俊義 盧華 盧導讀台 |
| 34:10 | Tiông-sin Li̍p-iok( CAG 23: 14-19; SBK 7: 1-5; 16, 1-17)Siōng-chú kóng, " Lí khòaⁿ, Góa beh tiông-sin li̍p-iok, beh tī lín chèng lâng ê bīn-chêng kiâⁿ kî-biāu ê tāichì, sī thian-hā bān-kok tiong só͘ m̄ bat kiâⁿ ê. Τī lí sì-kho͘-ûi ê chèng lâng chiū ē khòaⁿ tio̍h Siōng-chú ê só͘ chò, in-ūi Góa tùi lí só͘ kiâⁿ ê sī thang kiaⁿ ê tāichì. | 註釋 串珠 盧俊義 盧華 盧導讀台 |
| 34:11 | " Góa kin-á-ji̍t só͘ hoan-hù lí ê, lí tio̍h chip-siú. Lí khòaⁿ, Góa beh tùi lí ê bīn-chêng kóaⁿ-chhut A-mô͘-lī, Ka-nân, Hiat, Pe-lí-ji, Hi-bī kah I-é-bú-suh hiahê cho̍k. | 註釋 串珠 盧俊義 盧華 盧導讀台 |
| 34:12 | Lí kakī tio̍h kín-sīn, m̄ thang kah tòa tī lí só͘ khì hit só͘-chāi ê jîn-bîn li̍p-iok, khióng-kiaⁿ he ē chiâⁿ-chò lín tiong-kan ê lô-bāng. | 註釋 串珠 盧俊義 盧華 盧導讀台 |
| 34:13 | Lín tio̍h thiah in ê chè-tôaⁿ, phah-chhùi in tiau-khek ê thiāu, chhò in ê A-si-lah. | 註釋 串珠 盧俊義 盧華 盧導讀台 |
| 34:14 | " M̄-thang kèng-pài pa̍t-ê sîn-bêng, in-ūi Siōng-chú ê miâ kiò-chò to̍k-chun, I sī to̍k-chun ê Siōng-tè. | 註釋 串珠 盧俊義 盧華 盧導讀台 |
| 34:15 | Khióng-kiaⁿ lí kah tòa tī hit só͘-chāi ê jîn-bîn li̍p-iok, in tòe in ê sîn-bêng kiâⁿ siâ-îm, chè-sū in ê sîn-bêng, ū lâng kiò lí, lí chiū chia̍h i ê chè-mi̍h, | 註釋 串珠 盧俊義 盧華 盧導讀台 |
| 34:16 | koh khióng-kiaⁿ lí kā lí ê kiáⁿ chhōa in ê chabó͘ kiáⁿ chò bó͘, in ê chabó͘ kiáⁿ tòe in ê sîn-bêng kiâⁿ siâ-îm, hō͘ lí ê kiáⁿ mā tòe in ê sîn-bêng kiâⁿ siâ-îm. | 註釋 串珠 盧俊義 盧華 盧導讀台 |
| 34:17 | " Lí m̄ thang ūi kakī chù-chō chiahê sîn-bêng. | 註釋 串珠 盧俊義 盧華 盧導讀台 |
| 34:18 | " Lí tio̍h siú Tû-kàⁿ-cheh, chiàu Góa só͘ hoan-hù lí ê, tī A-pit-goe̍h lāi só͘ tiāⁿ tio̍h ê ji̍t-kî, chia̍h bô-kàⁿ piáⁿ chhit ji̍t, in-ūi lí tī A-pit-goe̍h lāi chhut Ai-gi̍p. | 註釋 串珠 盧俊義 盧華 盧導讀台 |
| 34:19 | " Kiàn-nā thâu-the ê lóng sī Góa ê, só͘-ū ê chengseⁿ thâu-chúi ê, bô-lūn sī gû á-.sī iûⁿ, kang ê lóng sī Góa ê. | 註釋 串珠 盧俊義 盧華 盧導讀台 |
| 34:20 | Thâu-chúi ê lî tio̍h ēng iûⁿ-á thè-sio̍k, nā bô thè-sio̍k, chiū tio̍h kòng-tn̄g i ê ām-kún. Kiàn-nā lí thâu-chiūⁿ ê kiáⁿ lóng tio̍h sio̍k-hôe. " Lâng lâi kìⁿ Góa m̄ thang khang-chhiú. | 註釋 串珠 盧俊義 盧華 盧導讀台 |
| 34:21 | " Lí la̍k ji̍t tio̍h chò-kang, tē-chhit ji̍t tio̍h an-hioh, tī chai-chèng siu-koah ê sî mā tio̍h an-hioh. | 註釋 串珠 盧俊義 盧華 盧導讀台 |
| 34:22 | " Be̍h khí-thâu se̍k siu-koah ê sî, tio̍h siú chhit-chhit-ji̍t cheh. Koh tī nî bóe, tio̍h siú siu-chông ê cheh. | 註釋 串珠 盧俊義 盧華 盧導讀台 |
| 34:23 | " Lín só͘-ū ê chapo͘ teng tio̍h chi̍t nî saⁿ pái lâi kìⁿ chì-koân Siōng-chú — I-su-la-el ê Siōng-tè. | 註釋 串珠 盧俊義 盧華 盧導讀台 |
| 34:24 | Góa beh tùi lí ê bīn-chêng kóaⁿ-chhut gōa-pang lâng, khok-tián lí ê tē-kài. Lí chi̍t nî saⁿ pái chiūⁿ-khì kìⁿ lí ê Siōng-chú ê sî, it-tēng bô lâng tham lí ê thó͘-tē. | 註釋 串珠 盧俊義 盧華 盧導讀台 |
| 34:25 | " Lí m̄ thang kā Góa ê seng-lé ê hoeh chham ū kàⁿ ê mi̍h lâi hiàn, Pôaⁿ-kòe-cheh ê chè-mi̍h mā m̄ thang lâu kàu keh kang chá-khí. | 註釋 串珠 盧俊義 盧華 盧導讀台 |
| 34:26 | " Tē-.ni̍h siōng khí-thâu se̍k ê mi̍h tio̍h sàng kàu Siōng-chú — lí ê Siōng-tè ê chhù, chú soaⁿ-iûⁿ-á m̄ thang ēng i ê lāu bú ê leng. | 註釋 串珠 盧俊義 盧華 盧導讀台 |
| 34:27 | Siōng-chú tùi Mô͘-se kóng, " Lí tio̍h siá chiahê ōe, in-ūi Góa sī chiàu chiahê ōe kah lí í-ki̍p I-su-la-el li̍p-iok. | 註釋 串珠 盧俊義 盧華 盧導讀台 |
| 34:28 | Mô͘-se kah Siōng-chú tī hia sì-cha̍p kang sì-cha̍p mê, bô chia̍h piáⁿ bô lim chúi. I kā chit-ê iok ê ōe, to̍h-sī cha̍p-tiâu-kài, siá tī nn̄g tè pi. | 註釋 串珠 盧俊義 盧華 盧導讀台 |
| 34:29 | Mô͘-se Lo̍h SoaⁿMô͘-se lo̍h Si-nái soaⁿ ê sî; i ê chhiú the̍h nn̄g tè iok-pi, i lo̍h soaⁿ ê sî, i ê bīn in-ūi Siōng-chú kah i kóng-ōe, chiū siā-chhut kng, Mô͘-se kakī m̄-chai. | 註釋 串珠 盧俊義 盧華 盧導讀台 |
| 34:30 | A-lông kah I-su-la-el jîn-bîn khòaⁿ tio̍h Mô͘-se ê sî, lí khòaⁿ, i ê bīn siā-chhut kng, in chiū kiaⁿ, m̄-káⁿ óa-kīn i. | 註釋 串珠 盧俊義 盧華 盧導讀台 |
| 34:31 | Mô͘-se kiò in lâi, A-lông kah hōe-chiòng tiong chiahê thâu-lâng chiū lóng tò-tńg kàu i hia, Mô͘-se chiū kah in kóng-ōe. | 註釋 串珠 盧俊義 盧華 盧導讀台 |
| 34:32 | Jiân-āu I-su-la-el jîn-bîn lóng chìn-chêng lâi, Mô͘-se chiū kā Siōng-chú tī Si-nái soaⁿ kah i só͘ kóng it-chhè ê ōe, lóng kā in hoan-hù. | 註釋 串珠 盧俊義 盧華 盧導讀台 |
| 34:33 | Mô͘-se kah in kóng-ōe liáu-āu, chiū ēng phè tà bīn. | 註釋 串珠 盧俊義 盧華 盧導讀台 |
| 34:34 | Chóng-.sī, Mô͘-se ji̍p-khì Siōng-chú ê bīn-chêng kah I kóng-ōe, phè chiū hian khí-.lâi, it-ti̍t kàu i chhut-.lâi. I chhut-.lâi ê sî, chiū kā Siōng-chú só͘ hoan-hù ê ōe tùi I-su-la-el lâng kóng. | 註釋 串珠 盧俊義 盧華 盧導讀台 |
| 34:35 | I-su-la-el lâng khòaⁿ tio̍h Mô͘-se ê bīn, Mô͘-se ê bīn siā-chhut kng, Mô͘-se koh ēng phè tà bīn, thèng-hāu kàu i ji̍p-khì kah Siōng-chú kóng-ōe, phè chiū hian khí-.lâi. | 註釋 串珠 盧俊義 盧華 盧導讀台 |