| 章節 | 全民台語聖經全羅經文 | 註釋 |
| 14:1 | I-é-su I-hó Kó͘-tiòng-pēⁿ ê LângŪ chi̍t-ê An-hioh-ji̍t, I-é-su ji̍p-khì chi̍t-ê Hoa-lí-sái phài ê thâu-lâng ê chhù chia̍h pn̄g, tāi-ke teh koan-chhat I-é-su ê só͘ chò. | 註釋 串珠 盧華 盧導讀台 |
| 14:2 | Tú-hó tī I-é-su ê bīn-chêng ū chi̍t-ê kó͘-tiòng-pēⁿ ê lâng. | 註釋 串珠 盧華 盧導讀台 |
| 14:3 | I-é-su tùi lu̍t-hoat kàu-su kah Hoa-lí-sái phài ê lâng kóng, " An-hioh-ji̍t i-pēⁿ thang á m̄ thang? " | 註釋 串珠 盧華 盧導讀台 |
| 14:4 | Hiahê lâng tiām-tiām, I-é-su chiū kā hit-ê lâng khan-.lâi, kā i i hó, hō͘ i tńg-.khì. | 註釋 串珠 盧華 盧導讀台 |
| 14:5 | Jiân-āu I-é-su tùi in kóng, " Lín tiong-kan siáⁿ lâng nā ū lî á-.sī gû tī An-hioh-ji̍t poa̍h-lo̍h kau-khut, lín kám bô sûi-sî kā i giú khí-.lâi? " | 註釋 串珠 盧華 盧導讀台 |
| 14:6 | Hiahê lâng lóng bô ōe thang ìn. | 註釋 串珠 盧華 盧導讀台 |
| 14:7 | Chú-Kheh Koan-hē ê Kà-sīI-é-su khòaⁿ hiahê lâng-kheh teh kéng tōa-ūi, chiū ēng phì-jū tùi in kóng, | 註釋 串珠 盧華 盧導讀台 |
| 14:8 | " Lín hō͘ lâng chhiáⁿ khì hù hun-iàn ê sî, m̄ thang chē tōa-ūi, khióng-kiaⁿ ū pí lí khah chun-kùi ê lâng mā lâi hō͘ i chhiáⁿ. | 註釋 串珠 盧華 盧導讀台 |
| 14:9 | Hit sî, chú-lâng ē lâi kā lí kóng, ' Chhiáⁿ niū ūi hō͘ chit-ê lâng', lí ē kám-kak kiàn-siàu, soah tio̍h khì chē tī siōng bóe ê ūi. | 註釋 串珠 盧華 盧導讀台 |
| 14:10 | Hō͘ lâng chhiáⁿ ê sî tio̍h khì chē bóe-ūi, chhiáⁿ lí ê lâng lâi kā lí kóng, ' Pêng-iú, chhiáⁿ lí khí-lâi chē tōa-ūi. ' Hit sî, lí tī kâng toh ê lâng bīn-chêng chiū ū thé-biān. | 註釋 串珠 盧華 盧導讀台 |
| 14:11 | In-ūi kiau-ngō͘ ê lâng ē siū kàng kē; khiam-pi ê lâng ē hō͘ lâng kā i thê-ko. " | 註釋 串珠 盧華 盧導讀台 |
| 14:12 | Jiân-āu I-é-su mā kā chhiáⁿ I ê lâng kóng, " Lí pān tiong-tàu-tǹg, á-.sī àm-tǹg ê sî, m̄ thang chhiáⁿ lí ê pêng-iú, á-.sī hiaⁿ-tī, á-.sī chhin-chiâⁿ, á-.sī hó-gia̍h ê chhù-piⁿ, chiah bián-tit in kā lí chhiáⁿ tò tńg-.lâi, ánne, lí soah siū lâng pò-tap. | 註釋 串珠 盧華 盧導讀台 |
| 14:13 | Lí pān toh chhiáⁿ lâng-kheh ê sî, tio̍h chhiáⁿ sànchhiah-.ê, phòa-siùⁿ-.ê, pái-kha-.ê, chheⁿmê-.ê, | 註釋 串珠 盧華 盧導讀台 |
| 14:14 | Án-ne, lí it-tēng ē siū chiok-hok, in-ūi in bô lêng-le̍k kā lí pò-tap. Tī gī lâng koh-oa̍h ê sî, Siōng-tè ē kā lí pò-tap. " | 註釋 串珠 盧華 盧導讀台 |
| 14:15 | Tōa Iàn-se̍k ê Phì-jū( Mt 22: 1-10)Kâng toh ê chi̍t lâng thiaⁿ tio̍h chiahê ōe, chiū tùi I-é-su kóng, "Ē-tàng tī Siōng-tè kok-tō͘ lim-chia̍h ê lâng chin ū hok-khì!. " | 註釋 串珠 盧華 盧導讀台 |
| 14:16 | M̄ koh, I-é-su kā i kóng, " Ū chi̍t-ê lâng pān tōa iàn-se̍k, chhiáⁿ chin chē lâng. | 註釋 串珠 盧華 盧導讀台 |
| 14:17 | Kàu beh khui-toh ê sî, chhe i ê lô͘-po̍k kā só͘ chhiáⁿ ê lâng kóng, ' Chhiáⁿ lín tio̍h lâi, ta̍k hāng lóng chún-pī hó-sè à. ' | 註釋 串珠 盧華 盧導讀台 |
| 14:18 | In chi̍t-ê chi̍t-ê the-sî. Thâu chi̍t-ê kā i kóng, ' Góa ū bé chi̍t khu hn̂g, it-tēng tio̍h khì khòaⁿ lè. Chhiáⁿ lí liōng-kái. ' | 註釋 串珠 盧華 盧導讀台 |
| 14:19 | Koh chi̍t-ê lâng kóng, ' Góa ū bé gō͘-tùi gû, tio̍h khì giām-siu. Chhiáⁿ lí liōng-kái. ' | 註釋 串珠 盧華 盧導讀台 |
| 14:20 | Koh chi̍t-ê lâng kóng, ' Góa tú chhōa bó͘, só͘-í bē tàng khì. ' | 註釋 串珠 盧華 盧導讀台 |
| 14:21 | Lô͘-po̍k tńg-khì kā chiahê tāichì kā chú-lâng kóng. Hitê chú-lâng siū-khì, kā i ê lô͘-po̍k kóng, ' Kín chhut-khì siâⁿ lāi ê ke-thâu hāng-bóe, chhōa hiahê sànchhiah-.ê, phòa-siùⁿ-.ê, chheⁿmê-.ê kah pái-kha-.ê lâi chia. ' | 註釋 串珠 盧華 盧導讀台 |
| 14:22 | Lô͘-po̍k kóng, ' Chú-lâng, lí só͘ hoan-hù ê góa lóng í-keng chò à, m̄ koh, iáu koh ū khang-ūi. ' | 註釋 串珠 盧華 盧導讀台 |
| 14:23 | Chú-lâng tùi lô͘-po̍k kóng, ' Chhut-khì lō͘-.ni̍h kah lî-pa piⁿ bián-kióng lâng ji̍p-.lâi, thang hō͘ góa ê chhù chē móa. | 註釋 串珠 盧華 盧導讀台 |
| 14:24 | In-ūi góa kā lín kóng, chêng só͘ chhiáⁿ hiahê lâng bô chi̍t-ê ē-tàng chia̍h tio̍h góa ê iàn-se̍k. '" | 註釋 串珠 盧華 盧導讀台 |
| 14:25 | Chò Bûn-tô͘ ê Tāi-kè( Mt 10: 37-38)Ū chin chē lâng kah I-é-su chò-tīn kiâⁿ. I-é-su oa̍t kòe-lâi tùi in kóng, | 註釋 串珠 盧華 盧導讀台 |
| 14:26 | " Siūⁿ beh lâi tòe góa ê lâng, nā m̄-khéng pàng-sak i ê pē-bú, bó͘-kiáⁿ, hiaⁿ-tī, chí-mōe, sīm-chì kakī ê sèⁿ-miā, chiū bē tàng chò góa ê bûn-tô͘. | 註釋 串珠 盧華 盧導讀台 |
| 14:27 | Bô giâ kakī ê si̍p-jī-kè lâi tòe góa ê lâng, mā bē tàng chò góa ê bûn-tô͘. | 註釋 串珠 盧華 盧導讀台 |
| 14:28 | Lín tiong-kan siáⁿ lâng nā siūⁿ beh khí thah, kám bô tāi-seng chē lo̍h-lâi sǹg khòaⁿ ū kàu chîⁿ thang oân-sêng hit-ê kang-têng á-bô? | 註釋 串珠 盧華 盧導讀台 |
| 14:29 | Nā bô ánne chò, kiámchhái hē tē-ki liáu-āu soah bē tàng oân-sêng kang-têng. Khòaⁿ tio̍h ê lâng lóng ē kā i thí-chhiò, kóng, | 註釋 串珠 盧華 盧導讀台 |
| 14:30 | ' Chit-ê lâng ū khai-sí tāng-kang, soah bē tàng oân-sêng. ' | 註釋 串珠 盧華 盧導讀台 |
| 14:31 | Á-sī ū chi̍t-ê ông nā siūⁿ beh kah pa̍t-ê ông kau-chiàn, kám bô tāi-seng chē lo̍h-.lâi, siūⁿ khòaⁿ ē-tàng ēng chi̍t-bān-ê peng tí-khòng hit-ê chhōa nn̄g- bān-ê peng lâi kong-kek ê ông á-bē? | 註釋 串珠 盧華 盧導讀台 |
| 14:32 | Nā chai-iáⁿ bē, i ē thàn hit-ê ông iáu tī hn̄g-hn̄g ê sî, chhe sù-chiá khì kah i kóng-hô. | 註釋 串珠 盧華 盧導讀台 |
| 14:33 | Kah ánne kāng-khoán, lín tiong-kan bô-lūn siáⁿ lâng, nā bô pàng-sak kakī ê it-chhè, chiū bē tàng chò góa ê bûn-tô͘. " | 註釋 串珠 盧華 盧導讀台 |
| 14:34 | Sit Bī ê Iâm( Mt 5: 13; Mk 9: 50)" Iâm chin ū lō͘-ēng; iâm nā sit-bī, beh án-chóaⁿ hôe-ho̍k i ê kiâm-bī? | 註釋 串珠 盧華 盧導讀台 |
| 14:35 | Sit bī ê iâm bē tàng lo̍h-hn̂g, mā bē tàng kauh-pûi, chí ū hiat-tiāu. Ū hīⁿ-khang thang thiaⁿ ê lâng, tio̍h thiaⁿ! " | 註釋 串珠 盧華 盧導讀台 |