| 章節 | 全民台語聖經全羅經文 | 註釋 |
| 35:1 | An-hioh-ji̍t ê Kui-tēngMô͘-se chio-chi̍p I-su-la-el choân hōe-chiòng, tùi in kóng, " Siōng-chú só͘ hoan-hù ê ōe kah lín tio̍h kiâⁿ ê, to̍h-sī chiahê: | 註釋 串珠 盧俊義 盧華 盧導讀台 |
| 35:2 | La̍k ji̍t tio̍h chò-kang, tē-chhit ji̍t sī lín ê sèng-ji̍t, sī tōa ê An-hioh-ji̍t, lâi ho̍k-sāi Siōng-chú. Só͘-ū tī chit ji̍t chò-kang ê, tio̍h hō͘ i sí. | 註釋 串珠 盧俊義 盧華 盧導讀台 |
| 35:3 | An-hioh-ji̍t hit kang, tī lín ta̍k keng chhù lāi lóng m̄ thang khí hóe. " | 註釋 串珠 盧俊義 盧華 盧導讀台 |
| 35:4 | Ūi Sèng-bō͘ Hōng-hiàn( CAG 25: 1-9)Mô͘-se tùi I-su-la-el choân hōe-chiòng kóng, " Siōng-chú só͘ hoan-hù ê ōe, sī ánne kóng: | 註釋 串珠 盧俊義 盧華 盧導讀台 |
| 35:5 | Lín tiong-kan tio̍h the̍h lé-mi̍h lâi hiàn hō͘ Siōng-chú, kiàn-nā sim-goān ê lóng thang the̍h-.lâi, chò hiàn hō͘ Siōng-chú ê lé-mi̍h, to̍h-sī kim, gîn, tâng, | 註釋 串珠 盧俊義 盧華 盧導讀台 |
| 35:6 | nâ-sek, chí-sek, chu-âng sek ê liāu, iù-tē, soaⁿ-iûⁿ-mn̂g, | 註釋 串珠 盧俊義 盧華 盧導讀台 |
| 35:7 | ní âng ê iûⁿ-káng phôe, hái-káu phôe, chô-kia̍p chhâ, | 註釋 串珠 盧俊義 盧華 盧導讀台 |
| 35:8 | Tiám teng ê iû, thang chò boah iû ê kah hiuⁿ ê phang-liāu, | 註釋 串珠 盧俊義 盧華 盧導讀台 |
| 35:9 | Âng bé-ló kah pa̍t chióng ê pó-chio̍h, thang siuⁿ tī chè-si ho̍k kah pó͘-kòa. " | 註釋 串珠 盧俊義 盧華 盧導讀台 |
| 35:10 | Sèng-bō͘ ê Khì-bu̍t( CAG 39: 32-43)" Lín tiong-kan kiàn-nā sim ū tì-hūi ê, lóng tio̍h lâi chò Siōng-chú it-chhè só͘ hoan-hù ê, | 註釋 串珠 盧俊義 盧華 盧導讀台 |
| 35:11 | to̍h-sī hōe-bō͘, i ê pò͘-pêⁿ kah i ê kòa, i ê kau, i ê pán, i ê hoâiⁿ-kông, i ê thiāu, i ê khū, | 註釋 串珠 盧俊義 盧華 盧導讀台 |
| 35:12 | kūi kah i ê kǹg, si-un-só͘ kah jia-cha̍h ê tiùⁿ-lî, | 註釋 串珠 盧俊義 盧華 盧導讀台 |
| 35:13 | toh-á kah i ê kǹg kah i ê khì-kū kah pâi-lia̍t ê piáⁿ, | 註釋 串珠 盧俊義 盧華 盧導讀台 |
| 35:14 | tiám kng ê teng-tâi kah i ê khì-kū, teng-chóaⁿ kah tiám kng ê iû, | 註釋 串珠 盧俊義 盧華 盧導讀台 |
| 35:15 | hiuⁿ-tôaⁿ kah i ê kǹg, boah iû ê kah hiuⁿ ê phang-hiuⁿ, í-ki̍p hōe-bō͘ mn̂g ê mn̂g-lî, | 註釋 串珠 盧俊義 盧華 盧導讀台 |
| 35:16 | sio-chè ê tôaⁿ kah i tâng ê bāng kah i ê kǹg, í-ki̍p i só͘-ū ê khì-kū, sé-tn̄g ê phûn kah i ê chō, | 註釋 串珠 盧俊義 盧華 盧導讀台 |
| 35:17 | tiâⁿ ê tiùⁿ-ûi kah i ê thiāu, in ê khū kah tiûⁿ mn̂g ê mn̂g-lî, | 註釋 串珠 盧俊義 盧華 盧導讀台 |
| 35:18 | hōe-bō͘ só͘ tèng ê teng kah tiâⁿ só͘ tèng ê teng kah in ê soh, | 註釋 串珠 盧俊義 盧華 盧導讀台 |
| 35:19 | chhiú-kang iù ê saⁿ-khò͘, tī sèng-só͘ chhēng lâi ho̍k-sāi ê, to̍h-sī chè-si A-lông ê sèng-saⁿ kah i ê kiáⁿ ê saⁿ, chhēng lâi tam-tng chè-si ê chit. " | 註釋 串珠 盧俊義 盧華 盧導讀台 |
| 35:20 | Jîn-bîn ê Hōng-hiànI-su-la-el choân hōe-chiòng tùi Mô͘-se ê bīn-chêng chhut-.khì. | 註釋 串珠 盧俊義 盧華 盧導讀台 |
| 35:21 | Kiàn-nā siū kám-tōng, tùi sim-lāi hoaⁿ-hí ê lóng lâi the̍h lé-mi̍h hiàn hō͘ Siōng-chú, ēng lâi chò hōe-bō͘ ê kang kah it-chhè ê lō͘-ēng, mā ēng lâi chò sèng-saⁿ. | 註釋 串珠 盧俊義 盧華 盧導讀台 |
| 35:22 | Kiàn-nā chhut tī sim só͘ hoaⁿ-hí ê, chapo͘ kah chabó͘ lóng lâi, ta̍k-ê kā kim-khì, to̍h-sī heng chêng ê pín-chiam, hīⁿ-kau, phah ìn ê chhiú-chí kah chhiú-khoân. Che sī ta̍k lâng kā i ê lé-mi̍h hiàn hō͘ Siōng-chú. | 註釋 串珠 盧俊義 盧華 盧導讀台 |
| 35:23 | Kiàn-nā lâng ū nâ-sek, chí-sek, chu-âng sek ê liāu, iù-tē, soaⁿ-iûⁿ mn̂g, ní âng ê iûⁿ-káng phôe, hái-káu phôe lóng the̍h-.lâi. | 註釋 串珠 盧俊義 盧華 盧導讀台 |
| 35:24 | Kiàn-nā hiàn gîn kah tâng chò lé-mi̍h ê, lóng the̍h-lâi hiàn hō͘ Siōng-chú; kiàn-nā ū chô-kia̍p chhâ thang chò siáⁿ-mi̍h lō͘-ēng ê mā the̍h-lâi hiàn. | 註釋 串珠 盧俊義 盧華 盧導讀台 |
| 35:25 | Kiàn-nā sim-lāi ū tì-hūi ê chabó͘ lâng chhin-chhiú pháng-se, kā só͘ pháng ê nâ-sek, chí-sek, chu-âng sek ê pò͘-liāu kah iù-tē lóng the̍h-lâi hiàn. | 註釋 串珠 盧俊義 盧華 盧導讀台 |
| 35:26 | Kiàn-nā ū tì-hūi ê sim siū kám-tōng ê chabó͘ lâng, chiū pháng soaⁿ-iûⁿ mn̂g. | 註釋 串珠 盧俊義 盧華 盧導讀台 |
| 35:27 | Chiahê thâu-lâng kā âng bé-ló kah pa̍t chióng ê pó-chio̍h, thang siuⁿ tī chè-si ho̍k kah pó͘-kòa ê, lóng the̍h-lâi hiàn. | 註釋 串珠 盧俊義 盧華 盧導讀台 |
| 35:28 | Koh the̍h hiuⁿ-liāu kah thang ēng i lâi tiám teng ê iû, chò boah iû ê, chò hiuⁿ ê phang-liāu. | 註釋 串珠 盧俊義 盧華 盧導讀台 |
| 35:29 | I-su-la-el lâng bô-lūn lâm-lí, kiàn-nā sim hoaⁿ-hí hiàn lé-mi̍h hō͘ Siōng-chú ê, lóng hoaⁿ-hí the̍h lé-mi̍h lâi hiàn, chò Siōng-chú kau-thok Mô͘-se só͘ kā in hoan-hù khì chò it-chhè ê kang. | 註釋 串珠 盧俊義 盧華 盧導讀台 |
| 35:30 | Chō Sèng-bō͘ ê Sai-hū( CAG 31: 1-11)Mô͘-se tùi I-su-la-el lâng kóng, " Lín khòaⁿ, Iô-tah ê chi-cho̍k Hu-ul ê sun, U-lī ê kiáⁿ Be-cha-lel, Siōng-chú í-keng chí miâ kéng-tiàu i, | 註釋 串珠 盧俊義 盧華 盧導讀台 |
| 35:31 | koh ēng Siōng-tè ê lêng chhiong-móa i, hō͘ i ū tì-hūi, ū chhong-bêng, ū tì-sek, ē chò ta̍k chióng ê kang, | 註釋 串珠 盧俊義 盧華 盧導讀台 |
| 35:32 | ē siūⁿ-chhut kî-khiáu ê kang-hu lâi chò kim, gîn, tâng hiahê mi̍h, | 註釋 串珠 盧俊義 盧華 盧導讀台 |
| 35:33 | mā ē tiau-khek pó-chio̍h lâi siuⁿ, mā ē tiau-khek chhâ, ē chò ta̍k chióng kî-khiáu ê kang. | 註釋 串珠 盧俊義 盧華 盧導讀台 |
| 35:34 | Koh hō͘ i kah Tàn ê chi-cho̍k, A-hi-sat-boat ê kiáⁿ A-ho-li-ia̍p, sim ū lêng-khiàu, ē kà-sī lâng. | 註釋 串珠 盧俊義 盧華 盧導讀台 |
| 35:35 | Siōng-tè ēng tì-hūi chhiong-móa chiahê lâng ê sim, hō͘ in ē chò ta̍k chióng ê kang, bô-lūn tiau-khek ê kang, kî-khiáu ê kang, ēng nâ-sek, chí-sek, chu-âng sek ê liāu kah iù-tē, siù-hoe ê, chit pò͘ ê kah ta̍k chióng ê kang lóng ē chò, mā ē siūⁿ-chhut kî-khiáu ê kang-hu. " | 註釋 串珠 盧俊義 盧華 盧導讀台 |