| 章節 | 全民台語聖經全羅經文 | 註釋 |
| 37:1 | Chō Iok-kūi( CAG 25: 10-22)Be-cha-lel ēng chô-kia̍p chhâ chò kūi, tn̂g nn̄g tiú pòaⁿ, khoah tiú pòaⁿ, koân tiú pòaⁿ. | 註釋 串珠 盧俊義 盧華 盧導讀台 |
| 37:2 | Lāi-gōa ēng sûn-kim pau khí-.lâi, sì-kho͘-ûi chò kim sòaⁿ-khí, | 註釋 串珠 盧俊義 盧華 盧導讀台 |
| 37:3 | tī i ê sì-kha kā i chù sì-ê kim-khoân, chit pêng nn̄g khoân, hit pêng nn̄g khoân. | 註釋 串珠 盧俊義 盧華 盧導讀台 |
| 37:4 | Ēng chô-kia̍p chhâ chò nn̄g ki kǹg, ēng kim pau khí-.lâi. | 註釋 串珠 盧俊義 盧華 盧導讀台 |
| 37:5 | kā kǹg chhng tī kūi piⁿ ê khoân lāi, thang kng kūi. | 註釋 串珠 盧俊義 盧華 盧導讀台 |
| 37:6 | Ēng sûn-kim chò si-un-só͘, tn̂g nn̄g tiú pòaⁿ, khoah tiú pòaⁿ. | 註釋 串珠 盧俊義 盧華 盧導讀台 |
| 37:7 | Ēng kim chò nn̄g-ê ki-lō͘-peng, ēng chhia ê hong-hoat lâi chò, tī si-un-só͘ ê siang thâu, | 註釋 串珠 盧俊義 盧華 盧導讀台 |
| 37:8 | chit thâu chi̍t-ê ki-lō͘-peng, hit thâu chi̍t-ê ki-lō͘-peng, nn̄g-ê ki-lō͘-peng tī si-un-só͘ ê siang thâu kah i liân chò chi̍t tè. | 註釋 串珠 盧俊義 盧華 盧導讀台 |
| 37:9 | Nn̄g-ê ki-lō͘-peng koân-koân thí-khui si̍t, ēng in ê si̍t cha̍h si-un-só͘, in ê bīn sio-tùi; ki-lō͘-peng ê bīn àⁿ si-un-só͘. | 註釋 串珠 盧俊義 盧華 盧導讀台 |
| 37:10 | Chō Kèng-toh( CIG 25:23-30)I ēng chô-kia̍p chhâ chò toh-á, tn̂g nn̄g tiú, khoah chi̍t tiú, koân tiú pòaⁿ, | 註釋 串珠 盧俊義 盧華 盧導讀台 |
| 37:11 | ēng sûn-kim pau khí-.lâi, sì-kho͘-ûi kā i chò kim sòaⁿ-khí. | 註釋 串珠 盧俊義 盧華 盧導讀台 |
| 37:12 | Toh-á ê sì-kho͘-ûi kok chò chi̍t pa-chiúⁿ khoah ê hoâiⁿ-niû, hoâiⁿ-niû téng ê sì-kho͘-ûi chò kim sòaⁿ-khí. | 註釋 串珠 盧俊義 盧華 盧導讀台 |
| 37:13 | Kā i chù sì-ê kim-khoân, an-tì tī i ê sì-kha ê sì-ê kak. | 註釋 串珠 盧俊義 盧華 盧導讀台 |
| 37:14 | An khoân ê só͘-chāi óa-kīn hoâiⁿ-niû, thang chhng kǹg lâi kng toh. | 註釋 串珠 盧俊義 盧華 盧導讀台 |
| 37:15 | Ēng chô-kia̍p chhâ chò nn̄g ki kǹg, ēng kim pau khí-.lâi, thang kng toh. | 註釋 串珠 盧俊義 盧華 盧導讀台 |
| 37:16 | Mā chò toh téng ê khì-kū, i ê pôaⁿ, óaⁿ, pân, poe thang lâi koàn-tiān, lóng ēng sûn-kim lâi chò. | 註釋 串珠 盧俊義 盧華 盧導讀台 |
| 37:17 | Chō Teng-tâi( CAG 25: 31-40)I ēng sûn-kim chò teng-tâi, teng-tâi ê chō kah tiong thiāu, i ê poe, i ê ki, i ê hoe, lóng ēng phah ê hong-hoat, chò kui chō. | 註釋 串珠 盧俊義 盧華 盧導讀台 |
| 37:18 | I ê piⁿ-á pun chhut la̍k ki, teng-tâi ê chit pêng ū saⁿ ki, teng-tâi ê hit pêng ū saⁿ ki; | 註釋 串珠 盧俊義 盧華 盧導讀台 |
| 37:19 | chit pêng múi ki ū saⁿ-ê poe, khoán-sit chhin-chhiūⁿ hēng-hoe, ū ki koh ū hoe; hit pêng múi ki mā ū saⁿ-ê poe, khoán-sit chhin-chhiūⁿ hēng-hoe, ū ki koh ū hoe. Tùi teng-tâi pun chhut ê la̍k ki lóng sī ánne. | 註釋 串珠 盧俊義 盧華 盧導讀台 |
| 37:20 | Teng-tâi thiāu ū sì-ê poe, khoán-sit chhin-chhiūⁿ hēng-hoe, ū i ê ki kah i ê hoe. | 註釋 串珠 盧俊義 盧華 盧導讀台 |
| 37:21 | Nn̄g ki ê ē-bīn ū chi̍t ki kah i sio-liân, koh lēng-gōa nn̄g ki ê ē-bīn ū chi̍t ki kah i sio-liân, koh lēng-gōa nn̄g ki ê ē-bīn ū chi̍t ki kah i sio-liân; teng-tâi só͘ chhut ê la̍k ki lóng sī ánne. | 註釋 串珠 盧俊義 盧華 盧導讀台 |
| 37:22 | Hiahê ki kah hiahê hoe lóng kah i liân chò chi̍t-ê, lóng ēng sûn-kim, chiàu phah ê hong-hoat lâi chò. | 註釋 串珠 盧俊義 盧華 盧導讀台 |
| 37:23 | Mā kā i chò chhit-ê teng-chóaⁿ, í-ki̍p i ê chián kah i ê pôaⁿ, lóng ēng sûn-kim chò ê. | 註釋 串珠 盧俊義 盧華 盧導讀台 |
| 37:24 | Chò teng-tâi kah só͘-ū ê khì-kū, ēng sûn-kim chi̍t tha-lan-t. | 註釋 串珠 盧俊義 盧華 盧導讀台 |
| 37:25 | Chō Hiuⁿ-tôaⁿ( CAG 30: 1-5)I ēng chô-kia̍p chhâ chò hiuⁿ-tôaⁿ, tn̂g chi̍t tiú, khoah chi̍t tiú, khoán-sit sì-kak-hêng, koân nn̄g tiú, i hiahê kak kah tôaⁿ lóng liân chò chi̍t tè. | 註釋 串珠 盧俊義 盧華 盧導讀台 |
| 37:26 | Tôaⁿ kah i ê téng-bīn kah i ê sì-kho͘-ûi kah i hiahê kak, lóng ēng sûn-kim pau khí-.lâi, mā tī i ê sì-kho͘-ûi chò kim sòaⁿ-khí. | 註釋 串珠 盧俊義 盧華 盧導讀台 |
| 37:27 | Koh kā i chò nn̄g-ê kim-khoân, an-tì tī khí-sòaⁿ ê ē-bīn, chò tī tôaⁿ ê siang pêng nn̄g ki hoâiⁿ-koaiⁿ ê téng-bīn, chiahê khoân sī chò chhng kǹg ê lō͘-ēng, thang kng tôaⁿ. | 註釋 串珠 盧俊義 盧華 盧導讀台 |
| 37:28 | Ēng chô-kia̍p chhâ chò kǹg, ēng kim pau khí-.lâi. | 註釋 串珠 盧俊義 盧華 盧導讀台 |
| 37:29 | Chè-chō Iû kah Hiuⁿ( CAG 30: 21-38)Koh chiàu chò phang-bī ê hong-hoat, chò thang boah ê sèng-iû kah siōng-téng phang-liāu ê hiuⁿ. | 註釋 串珠 盧俊義 盧華 盧導讀台 |