| 章節 | 全民台語聖經全羅經文 | 註釋 |
| 14:1 | I-é-su Sī Tō-lō͘, Chin-lí, Oa̍h-miāI-é-su koh kóng, " Lín ê sim m̄ thang chhau-hoân put-an, lín tio̍h sìn Siōng-tè, mā tio̍h sìn góa. | 註釋 串珠 盧俊義 盧華 盧導讀台 |
| 14:2 | Góa ê Thiⁿ-pē ê chhù ū chin chē pâng-keng. Góa khì hia sī beh kā lín chún-pī só͘-chāi. Nā bô, góa bē kā lín kóng chiahê tāichì. | 註釋 串珠 盧俊義 盧華 盧導讀台 |
| 14:3 | Góa khì kā lín chún-pī só͘-chāi liáu-āu, ē koh tńg-lâi chhōa lín khì góa hia. Góa tī tó-ūi, lín mā ē tī hia. | 註釋 串珠 盧俊義 盧華 盧導讀台 |
| 14:4 | Góa beh khì tó-ūi, lín chai hit tiâu lō͘. " | 註釋 串珠 盧俊義 盧華 盧導讀台 |
| 14:5 | Tho-má-suh kā I-é-su kóng, " Chú ah, goán to m̄-chai Lí beh khì ê só͘-chāi, ná ē chai hit tiâu lō͘? " | 註釋 串珠 盧俊義 盧華 盧導讀台 |
| 14:6 | I-é-su kā i kóng, " Góa sī tō-lō͘, chin-lí, oa̍h-miā. Nā m̄-sī thong-kòe góa, bô lâng ē-tàng khì-kàu Thiⁿ-pē hia. | 註釋 串珠 盧俊義 盧華 盧導讀台 |
| 14:7 | Lín nā bat góa, mā ē bat Thiⁿ-pē. Tùi taⁿ í-āu, lín ē bat I, in-ūi lín í-keng ū khòaⁿ tio̍h I. " | 註釋 串珠 盧俊義 盧華 盧導讀台 |
| 14:8 | Hui-li̍p-pò͘ kā I-é-su kóng, " Chú ah, kā Thiⁿ-pē hián-sī hō͘ goán khòaⁿ, goán chiū ē boán-chiok. " | 註釋 串珠 盧俊義 盧華 盧導讀台 |
| 14:9 | I-é-su kóng, " Hui-li̍p-pò͘, góa kah lín chò-hóe hiahni̍h kú, lí iáu m̄ bat góa, sī-.bô? Khòaⁿ tio̍h góa to̍h-sī khòaⁿ tio̍h Thiⁿ-pē, lí ná ē kóng, ' Kā Thiⁿ-pē hián-sī hō͘ goán khòaⁿ '? | 註釋 串珠 盧俊義 盧華 盧導讀台 |
| 14:10 | Góa tī Thiⁿ-pē ê lāi-bīn, Thiⁿ-pē mā tī góa ê lāi-bīn, lí m̄-sìn, sī-.bô? Góa kā lín kóng ê ōe, m̄-sī chhut tī góa kakī, sī Thiⁿ-pē tiàm tī góa lāi-bīn teh chò I kakī ê kang. | 註釋 串珠 盧俊義 盧華 盧導讀台 |
| 14:11 | Lín tio̍h sìn góa tī Thiⁿ-pē lāi-bīn, Thiⁿ-pē tī góa lāi-bīn. Nā bô, mā tio̍h in-ūi góa só͘ chò ê tāichì lâi sìn. | 註釋 串珠 盧俊義 盧華 盧導讀台 |
| 14:12 | Góa si̍t-chāi kā lín kóng, sìn góa ê lâng ē chò góa só͘ chò ê tāichì, sīm-chí ē chò koh khah tōa ê tāichì, in-ūi góa beh tńg-khì Thiⁿ-pē hia. | 註釋 串珠 盧俊義 盧華 盧導讀台 |
| 14:13 | Lín hōng góa ê miâ bô-lūn kiû siáⁿ-mi̍h, góa lóng ē siúⁿ-sù hō͘ lín, thang hō͘ Thiⁿ-pē tùi Kiáⁿ tit tio̍h êng-kng. | 註釋 串珠 盧俊義 盧華 盧導讀台 |
| 14:14 | Lín hōng góa ê miâ bô-lūn kiû siáⁿ-mi̍h, góa lóng ē siúⁿ-sù hō͘ lín. " | 註釋 串珠 盧俊義 盧華 盧導讀台 |
| 14:15 | Èng-ín Sù Sèng Sîn" Lín nā thiàⁿ góa, tio̍h siú góa ê kài-bēng. | 註釋 串珠 盧俊義 盧華 盧導讀台 |
| 14:16 | Góa mā ē tùi Thiⁿ-pē kiû, I ē siúⁿ-sù chi̍t ūi Pó-hūi-su hō͘ lín, thang kah lín éng-oán tông-chāi. | 註釋 串珠 盧俊義 盧華 盧導讀台 |
| 14:17 | Chit-ê Pó-hūi-su to̍h-sī chin-lí ê Sèng Sîn. Sè-kan bē tàng chiap-la̍p I, in-ūi in bô khòaⁿ tio̍h I, mā m̄ bat I. To̍k-to̍k lín bat I, in-ūi I kah lín tông-chāi, koh ē kè-sio̍k tiàm tī lín lāi-bīn. | 註釋 串珠 盧俊義 盧華 盧導讀台 |
| 14:18 | " Góa bē pàng lín chò ko͘-toaⁿ ê lâng, góa ē koh tńg-lâi lín chia. | 註釋 串珠 盧俊義 盧華 盧導讀台 |
| 14:19 | Koh bô gōa kú, sè-kan bē koh khòaⁿ tio̍h góa, to̍k-to̍k lín ē khòaⁿ tio̍h góa, in-ūi góa oa̍h-.leh, lín mā ē oa̍h-.leh. | 註釋 串珠 盧俊義 盧華 盧導讀台 |
| 14:20 | Kàu hit ji̍t, lín ē chai góa tī góa ê Thiⁿ-pē lāi-bīn, lín tī góa ê lāi-bīn, góa mā tī lín ê lāi-bīn. | 註釋 串珠 盧俊義 盧華 盧導讀台 |
| 14:21 | " Chiap-siū góa ê kài-bēng koh chun-siú ê lâng, to̍h-sī thiàⁿ góa; thiàⁿ góa ê lâng ē tit tio̍h góa ê Thiⁿ-pē ê thiàⁿ, góa mā ē thiàⁿ i, koh kā góa pún-sin hián-hiān hō͘ i khòaⁿ. " | 註釋 串珠 盧俊義 盧華 盧導讀台 |
| 14:22 | Iô-tah, m̄-sī hit-ê Ka-lio̍k lâng, mn̄g I-é-su kóng, " Chú ah, ūi siáⁿ-mi̍h Lí beh kā pún-sin tùi goán hián-hiān, bô beh tùi sè-kan hián-hiān? " | 註釋 串珠 盧俊義 盧華 盧導讀台 |
| 14:23 | I-é-su ìn kóng, " Thiàⁿ góa ê lâng ē chun-siú góa ê tō-lí, góa ê Thiⁿ-pē ē thiàⁿ i, Thiⁿ-pē kah góa ē lâi i hia kah i chò-hóe tòa. | 註釋 串珠 盧俊義 盧華 盧導讀台 |
| 14:24 | Bô thiàⁿ góa ê lâng bē chun-siú góa ê tō-lí. Lín só͘ thiaⁿ ê tō-lí m̄-sī góa kakī ê ōe, sī chhe-phài góa lâi ê Thiⁿ-pē ê ōe. | 註釋 串珠 盧俊義 盧華 盧導讀台 |
| 14:25 | " Góa iáu kah lín chò-hóe ê sî, ū kā chiahê ōe kā lín kóng. | 註釋 串珠 盧俊義 盧華 盧導讀台 |
| 14:26 | M̄ koh, Pó-hūi-su, to̍h-sī Thiⁿ-pē ēng góa ê miâ beh chhe-phài lâi ê Sèng Sîn, ē kā it-chhè ê tāichì kà-sī lín, koh hō͘ lín ē kì-tit góa kā lín kóng ê it-chhè ê ōe. | 註釋 串珠 盧俊義 盧華 盧導讀台 |
| 14:27 | " Góa kā pêng-an lâu hō͘ lín, góa kā góa ê pêng-an sù hō͘ lín. Góa hō͘ lín ê kah sè-kan teh hō͘ lâng ê bô kāng-khoán. Lín ê sim m̄ thang chhau-hoân put-an, mā m̄-bián kiaⁿ-hiâⁿ. | 註釋 串珠 盧俊義 盧華 盧導讀台 |
| 14:28 | Lín í-keng thiaⁿ tio̍h góa ū kā lín kóng, ' Góa-.khì, ē koh tńg-lâi lín chia. 'Lín nā thiàⁿ góa, chiū ē in-ūi góa beh khì Thiⁿ-pē hia lâi hoaⁿ-hí, in-ūi Thiⁿ-pē pí góa khah tōa. | 註釋 串珠 盧俊義 盧華 盧導讀台 |
| 14:29 | Taⁿ tāichì iáu-bōe hoat-seng, góa seng kā lín kóng, hō͘ lín tī tāichì hoat-seng ê sî thang sìn. | 註釋 串珠 盧俊義 盧華 盧導讀台 |
| 14:30 | Góa bē koh kah lín kóng chin chē ōe, in-ūi sè-kan ê thóng-tī-chiá teh beh lâi à. I bē tàng tùi góa chò siáⁿ-mi̍h, | 註釋 串珠 盧俊義 盧華 盧導讀台 |
| 14:31 | To̍k-to̍k beh hō͘ sè-kan chai-iáⁿ góa ū thiàⁿ Thiⁿ-pē, mā ū chiàu Thiⁿ-pē ê bēng-lēng khì chò. " Khí-.lâi, lán lâi-.khì! " | 註釋 串珠 盧俊義 盧華 盧導讀台 |