| 章節 | 全民台語聖經全羅經文 | 註釋 |
| 6:1 | Siat-li̍p Chhit-ê Chip-sūHit sî, bûn-tô͘ ke-thiⁿ chin chē, ū kóng Hi-la̍h ōe ê Iô-tá-iah lâng tùi Hi-bú-lâi lâng chhut oàn-giân, in-ūi tī ji̍t-siông seng-oa̍h ê phòe-kip, bô kò͘ tio̍h in ê kóaⁿ-hū. | 註釋 串珠 盧導讀台 |
| 6:2 | Cha̍p-jī sù-tô͘ tiàu-chi̍p chèng bûn-tô͘ lâi, tùi in kóng, " Goán kā Siōng-tè ê tō-lí pàng hē-.leh., lâi pān-lí ji̍t-siông seng-oa̍h ê phòe-kip, pēng bô sek-ha̍p. | 註釋 串珠 盧導讀台 |
| 6:3 | Só͘-í, hiaⁿ-tī chí-mōe, tio̍h tùi lín tiong-kan kéng-soán chhit-ê ū hó miâ-siaⁿ, siū Sèng Sîn chhiong-móa koh ū tì-hūi ê lâng, goán thang siat-li̍p in lâi koán-lí chit-ê tāichì. | 註釋 串珠 盧導讀台 |
| 6:4 | Goán beh choan-sim tī kî-tó kah thoân hok-im ê kang-chok. " | 註釋 串珠 盧導讀台 |
| 6:5 | Chèng lâng hoaⁿ-hí sù-tô͘ ê thê-gī, chiū kéng-soán Su-tê-hoa-no͘h, i sī chhiong-móa sìn-sim kah Sèng Sîn ê lâng, koh kéng-soán Hui-li̍p-pò͘, Pu-lô-kho-lô, nî-ka-no͘l, Tî-móng, Pa-mé-ná kah bat ji̍p Iô-tá-iah-kàu ê An-ti-o-khè lâng Nî-ko-láu. | 註釋 串珠 盧導讀台 |
| 6:6 | In hō͘ chit chhit-ê lâng khiā tī sù-tô͘ ê bīn-chêng, sù-tô͘ chiū ūi tio̍h in kî-tó, kā in hōaⁿ-chhiú, lâi siat-li̍p in chò chip-sū. | 註釋 串珠 盧導讀台 |
| 6:7 | Siōng-tè ê tō-lí ná lâi ná heng-ōng. Tī Ê-lú-sa-lèm, bûn-tô͘ ê jîn-sò͘ ke-thiⁿ chin chē, koh ū chin chē chè-si lâi sìn hok-im ê tō-lí. | 註釋 串珠 盧導讀台 |
| 6:8 | Su-tê-hoa-no͘h siū Lia̍hSu-tê-hoa-no͘h chhiong-móa un-tián kah châi-lêng, tī bîn-chiòng ê tiong-kan kiâⁿ tōa ê kî-sū kah sîn-jiah. | 註釋 串珠 盧導讀台 |
| 6:9 | Hit sî, ū chi̍t-kóa lâng khí-lâi kah Su-tê-hoa-no͘h piān-lūn, in sī tùi Kó͘-lī-nāi kah A-le̍k-san-toh lâi ê Iô-tá-iah lâng, in sī sio̍k " Chū-iû lâng " Hōe-tn̂g ê hōe-oân; í-ki̍p tùi Ki-lí-kiah kah A-si-a séng lâi ê lâng. | 註釋 串珠 盧導讀台 |
| 6:10 | Sèng Sîn sù Su-tê-hoa-no͘h tì-hūi lâi kóng-ōe, hō͘ in bô hoat-tō͘ piān-pok. | 註釋 串珠 盧導讀台 |
| 6:11 | In chiū sái-lōng lâng chhut-lâi kóng, " Goán bat thiaⁿ tio̍h i kóng húi-pòng Mô͘-se kah siat-to̍k Siōng-tè ê ōe. " | 註釋 串珠 盧導讀台 |
| 6:12 | In koh siàn-tōng bîn-chiòng, tiúⁿ-ló kah keng-ha̍k kàu-su, chhiong-khì lia̍h Su-tê-hoa-no͘h, kā i kau hō͘ gī-hōe. | 註釋 串珠 盧導讀台 |
| 6:13 | In kiò chi̍t-kóa ké chèng-jîn lâi, kóng, " Chit-ê lâng kóng-ōe put-sî teh kong-kek chit-ê sèng-tiān kah Mô͘-se ê lu̍t-hoat. | 註釋 串珠 盧導讀台 |
| 6:14 | In-ūi goán bat thiaⁿ tio̍h i kóng, ' Chit-ê Na-cha-lia̍t lâng I-é-su beh húi-hoāi chit-ê sèng-tiān, koh beh kái-piàn Mô͘-se thoân hō͘ lán ê kui-lē. '" | 註釋 串珠 盧導讀台 |
| 6:15 | Hit sî, chē tī gī-hōe tiong ê lâng lóng lia̍h Su-tê-hoa-no͘h kim-kim khòaⁿ, khòaⁿ tio̍h i ê bīn ná chhin-chhiūⁿ thiⁿ-sài ê bīn. | 註釋 串珠 盧導讀台 |