| 章節 | 全民台語聖經全羅經文 | 註釋 |
| 14:1 | Páu-lô kah Ba-ná-ba tī Í-ko-ni-óngPáu-lô kah Ba-ná-ba tī Í-ko-ni-óng, chò-hóe ji̍p-khì Iô-tá-iah lâng ê hōe-tn̂g káng-tō, kiat-kó ū chin chē Iô-tá-iah lâng kah Hi-la̍h lâng lâi sìn. | 註釋 串珠 盧導讀台 |
| 14:2 | M̄ koh, hiahê m̄-sìn ê Iô-tá-iah lâng siàn-tōng gōa-pang lâng, hō͘ in oàn-hūn sìn-tô͘. | 註釋 串珠 盧導讀台 |
| 14:3 | Chit nn̄g-ūi sù-tô͘ chiū tiàm hia chin kú, óa-khò Chú hó-táⁿ soan-káng hok-im. Chú siúⁿ-sù hō͘ in ū lêng-le̍k kiâⁿ sîn-jiah kî-sū, lâi kiàn-chèng in só͘ thoân un-tián ê tō-lí. | 註釋 串珠 盧導讀台 |
| 14:4 | Siâⁿ lāi ê kûn-chiòng chiū ánne pun-chò nn̄g pêng; ū ê tòe Iô-tá-iah lâng, ū ê tòe sù-tô͘. | 註釋 串珠 盧導讀台 |
| 14:5 | Hit sî, gōa-pang lâng, Iô-tá-iah lâng kah in ê koaⁿ-tiúⁿ kè-bô͘ lêng-jio̍k sù-tô͘, beh ēng chio̍h-thâu kā in tìm. | 註釋 串珠 盧導讀台 |
| 14:6 | Sù-tô͘ chai chit-ê tāichì, chiū tô-cháu khì Lū-káu-nî-a ê Lú-su-toh kah Tel-bé nn̄g-ê siâⁿ, í-ki̍p sì-kho͘-ûi ê só͘-chāi, | 註釋 串珠 盧導讀台 |
| 14:7 | Tī hia kè-sio̍k thoân hok-im. | 註釋 串珠 盧導讀台 |
| 14:8 | Páu-lô kah Ba-ná-ba tī Lú-su-tohTī Lú-su-toh ū chi̍t-ê pái-kha-.ê, put-sî chē-.leh, sī tùi chhut-sì chiū nńg-kha, lóng bē kiâⁿ. | 註釋 串珠 盧導讀台 |
| 14:9 | I lâi thiaⁿ Páu-lô káng tō-lí, Páu-lô lia̍h i kim-kim khòaⁿ, khòaⁿ tio̍h i ū sìn-sim thang tit tio̍h hó, | 註釋 串珠 盧導讀台 |
| 14:10 | Chiū tōa-siaⁿ kóng, " Khiā khí-.lâi! Siang-kha khiā hō͘ ti̍t-ti̍t. " Hitê lâng chiū thiàu khí-lâi kiâⁿ. | 註釋 串珠 盧導讀台 |
| 14:11 | Chèng lâng khòaⁿ tio̍h Páu-lô só͘ chò ê, chiū ēng Lū-káu-nî-a ōe tōa-siaⁿ kóng, " Ū sîn-bêng hòa-sin chò lâng, lîm-kàu lán tiong-kan ā. " | 註釋 串珠 盧導讀台 |
| 14:12 | In chheng-ho͘ Ba-ná-ba chò " Che-ú-su " (chù, Hi-la̍h sîn-ōe tiong ê chiòng-sîn chi ông, Zeus), chheng-ho͘ Páu-lô chò " Hel-mé-su " (chù, Hi-la̍h sîn-ōe tiong kháu-châi chi sîn, Hermes), in-ūi lóng sī i teh chhōa-thâu kóng-ōe. | 註釋 串珠 盧導讀台 |
| 14:13 | Siâⁿ gōa ū chi̍t-ê Che-ú-su biō ê chè-si, i khan gû-á, the̍h hoe-khoân, lâi-kàu siâⁿ mn̂g-kháu, beh kah chèng lâng chò-hóe tùi in hiàn chè. | 註釋 串珠 盧導讀台 |
| 14:14 | Ba-ná-ba kah Páu-lô thiaⁿ-.tio̍h, chiū thiah-li̍h saⁿ, chông ji̍p-khì kûn-chiòng lāi-bīn, tōa-siaⁿ hoah, | 註釋 串珠 盧導讀台 |
| 14:15 | " Lín tāi-ke ná ē ánne chò? Goán mā sī lâng kah lín lóng kāng-khoán. Goán lâi chia thoân hok-im, sī beh hō͘ lín lī-khui chiahê hi-ké ê ngó͘-siōng, lâi kui-ǹg hit ūi éng-oán oa̍h ê Siōng-tè, I sī thiⁿ, tē, hái kah kî-tiong bān-mi̍h ê chhòng-chō chiá. (chù, SPh 146:6) | 註釋 串珠 盧導讀台 |
| 14:16 | Siōng-tè chá-chêng iông-ín bān-pang kiâⁿ in kakī ê lō͘. | 註釋 串珠 盧導讀台 |
| 14:17 | M̄ koh, Siōng-tè it-ti̍t thong-kòe só͘ chò ê hó sū lâi hián-bêng pún-sin; to̍h-sī tùi thiⁿ lo̍h hō͘, chiàu-sî siu-sêng, hō͘ lín chia̍h-mi̍h chhiong-chiok koh sim-lāi chhiong-móa hí-lo̍k. | 註釋 串珠 盧導讀台 |
| 14:18 | Sù-tô͘ sûi-jiân ū kóng chiahê ōe, iáu koh bô hoat-tō͘ chó͘-chí kûn-chiòng tùi in hiàn chè. | 註釋 串珠 盧導讀台 |
| 14:19 | Chóng-.sī, ū chi̍t-kóa tùi An-ti-o-khè kah Í-ko-ni-óng-lâi ê Iô-tá-iah lâng, siàn-tōng kûn-chiòng, ēng chio̍h-thâu tìm Páu-lô, siūⁿ kóng i í-keng sí, chiū kā i thoa chhut-khì siâⁿ gōa. | 註釋 串珠 盧導讀台 |
| 14:20 | Bûn-tô͘ ûi óa-.lâi, i chiū khí-.lâi, ji̍p-khì siâⁿ lāi. Keh tńg kang, i kah Ba-ná-ba lī-khui hia khì Tel-bé. | 註釋 串珠 盧導讀台 |
| 14:21 | Tńg Khì Ai-ti-o-khèPáu-lô kah Ba-ná-ba tī Tel-bé thoân hok-im, hō͘ chin chē lâng chiâⁿ-chò sìn-tô͘. Āu-lâi, in tńg-khì Lú-su-toh, Í-ko-ni-óng kah Ai-ti-o-khè, | 註釋 串珠 盧導讀台 |
| 14:22 | Iân-lō͘ kian-kò͘ sìn-tô͘ ê sìn-sim, kó͘-lē in kian-chhî sìn-sim, koh kóng, " Lán tio̍h tùi chin chē kan-khó͘ lâi chìn-ji̍p Siōng-tè kok-tō͘. " | 註釋 串珠 盧導讀台 |
| 14:23 | In nn̄g lâng tī ta̍k-ê kàu-hē kā in siat-li̍p tiúⁿ-ló, kìm-chia̍h kî-tó, kā in kau-thok tī in só͘ sìn ê Chú. | 註釋 串珠 盧導讀台 |
| 14:24 | In keng-kòe Pí-si-tia lâi-kàu Pam-hu-lí-ah. | 註釋 串珠 盧導讀台 |
| 14:25 | In tī Pek-gē káng tō-lí liáu-āu, chiū lo̍h-khì A-ta-liah. | 註釋 串珠 盧導讀台 |
| 14:26 | In tùi hia chē chûn lâi-kàu Ai-ti-o-khè, to̍h-sī in bat tī hia siū kau-thok tī Siōng-tè ê un-tián tiong, lâi oân-sêng bí-hó ê kang. | 註釋 串珠 盧導讀台 |
| 14:27 | In chi̍t-ē kàu-ūi, chiū chū-chi̍p kàu-hōe ê sìn-tô͘, kā in kah Siōng-tè tâng-kang it-chhè só͘ chò ê, í-ki̍p Siōng-tè kā gōa-pang lâng khui sìn-gióng ê mn̂g ê tāichì, lóng kā in pò-kò. | 註釋 串珠 盧導讀台 |
| 14:28 | Āu-lâi, in kah bûn-tô͘ chò-hóe tòa siong-tong kú. | 註釋 串珠 盧導讀台 |