| 章節 | 全民台語聖經全羅經文 | 註釋 |
| 40:1 | Tio̍h Khí Sèng-bō͘Siōng-chú hoan-hù Mô͘-se kóng, | 註釋 串珠 盧俊義 盧華 盧導讀台 |
| 40:2 | " Chiaⁿ-goe̍h chhe-it, lí tio̍h khí chū-chi̍p ēng ê hōe-bō͘. | 註釋 串珠 盧俊義 盧華 盧導讀台 |
| 40:3 | Lí tio̍h kā hoat-kūi hē tī hit lāi-bīn, ēng tiùⁿ-lî kā i jia-cha̍h. | 註釋 串珠 盧俊義 盧華 盧導讀台 |
| 40:4 | Kng toh ji̍p-.khì, pâi-siat téng-bīn ê mi̍h. Kng teng-tâi ji̍p-.khì, tiám i ê teng. | 註釋 串珠 盧俊義 盧華 盧導讀台 |
| 40:5 | Kng sio hiuⁿ ê kim-tôaⁿ, hē tī hoat-kūi chêng, kòa hōe-bō͘ mn̂g ê mn̂g-lî. | 註釋 串珠 盧俊義 盧華 盧導讀台 |
| 40:6 | Kā sio-chè ê tôaⁿ, hē tī chū-chi̍p ê hōe-bō͘ mn̂g chêng. | 註釋 串珠 盧俊義 盧華 盧導讀台 |
| 40:7 | Kā sé-tn̄g ê phûn, hē tī hōe-bō͘ kah tôaⁿ ê tiong-kan, té chúi tī phûn lāi. | 註釋 串珠 盧俊義 盧華 盧導讀台 |
| 40:8 | Koh tī sì-kho͘-ûi khiā tiâⁿ-ûi, kòa tiâⁿ-mn̂g ê mn̂g-lî. | 註釋 串珠 盧俊義 盧華 盧導讀台 |
| 40:9 | " Ēng iû boah hōe-bō͘ kah kî-tiong só͘-ū ê khì-kū lâi hun-pia̍t chò sèng, i chiū chiâⁿ-chò sèng. | 註釋 串珠 盧俊義 盧華 盧導讀台 |
| 40:10 | Koh boah sio-chè ê tôaⁿ kah i só͘-ū ê khì-kū, kā tôaⁿ hun-pia̍t chò sèng, tôaⁿ chiū chiâⁿ-chò chì-sèng. | 註釋 串珠 盧俊義 盧華 盧導讀台 |
| 40:11 | Mā tio̍h boah sé-tn̄g ê phûn, kā i hun-pia̍t chò sèng. | 註釋 串珠 盧俊義 盧華 盧導讀台 |
| 40:12 | " Koh tio̍h chhōa A-lông kah i hiahê kiáⁿ, lâi-kàu hōe-bō͘ mn̂g chêng, ēng chúi kā in sé. | 註釋 串珠 盧俊義 盧華 盧導讀台 |
| 40:13 | Mā kā A-lông chhēng sèng-saⁿ, koh ēng iû kā i boah, kā i hun-pia̍t chò sèng, hō͘ i chò chè-si lâi ho̍k-sāi Góa. | 註釋 串珠 盧俊義 盧華 盧導讀台 |
| 40:14 | Koh chhōa i hiahê kiáⁿ lâi, kā in chhēng lāi-phàu. | 註釋 串珠 盧俊義 盧華 盧導讀台 |
| 40:15 | Tio̍h kā in boah iû, chhin-chhiūⁿ boah in lāu-pē sio-siâng, hō͘ in chò chè-si lâi ho̍k-sāi Góa. In siū boah iû beh éng-oán chò chè-si, kàu ta̍k sè-tāi. " | 註釋 串珠 盧俊義 盧華 盧導讀台 |
| 40:16 | Mô͘-se ánne kiâⁿ, lóng sī chiàu Siōng-chú só͘ hoan-hù i ê lâi kiâⁿ. | 註釋 串珠 盧俊義 盧華 盧導讀台 |
| 40:17 | Tē-jī nî chiaⁿ-goe̍h chhe-it, hōe-bō͘ chiū khiā khí-.lâi. | 註釋 串珠 盧俊義 盧華 盧導讀台 |
| 40:18 | Mô͘-se khiā hōe-bō͘ hē hiahê khū, khiā hiahê pán, chhng hiahê hoâiⁿ-kông, khiā hiahê thiāu. | 註釋 串珠 盧俊義 盧華 盧導讀台 |
| 40:19 | Tī hōe-bō͘ téng tah pò͘-pêⁿ, kā pò͘-pêⁿ ê kòa khàm tī i ê téng-bīn, sī chiàu Siōng-chú só͘ hoan-hù Mô͘-se ê. | 註釋 串珠 盧俊義 盧華 盧導讀台 |
| 40:20 | Koh kā lu̍t-hoat hē tī kūi lāi, ēng kǹg chhng tī kūi-.ni̍h, kā si-un-só͘ hē tī kūi téng. | 註釋 串珠 盧俊義 盧華 盧導讀台 |
| 40:21 | Kng kūi ji̍p-lâi hōe-bō͘, kòa tiùⁿ-lî lâi jia-cha̍h hoat-kūi, sī chiàu Siōng-chú só͘ hoan-hù Mô͘-se ê. | 註釋 串珠 盧俊義 盧華 盧導讀台 |
| 40:22 | Koh kā toh-á hē tī hōe-bō͘ lāi, hē tī hōe-bō͘ ê pak pêng, hē tī tiùⁿ-lî ê gōa-bīn. | 註釋 串珠 盧俊義 盧華 盧導讀台 |
| 40:23 | Hit téng-bīn ēng piáⁿ pâi tī Siōng-chú ê bīn-chêng, sī chiàu Siōng-chú só͘ hoan-hù Mô͘-se ê. | 註釋 串珠 盧俊義 盧華 盧導讀台 |
| 40:24 | Koh hē teng-tâi tī hōe-bō͘ lāi kah toh-á sio-tùi, tī hōe-bō͘ ê lâm pêng. | 註釋 串珠 盧俊義 盧華 盧導讀台 |
| 40:25 | Tī Siōng-chú ê bīn-chêng tiám teng, sī chiàu Siōng-chú só͘ hoan-hù Mô͘-se ê. | 註釋 串珠 盧俊義 盧華 盧導讀台 |
| 40:26 | Koh hē kim-tôaⁿ tī hōe-bō͘ lāi ê tiùⁿ-lî chêng, | 註釋 串珠 盧俊義 盧華 盧導讀台 |
| 40:27 | tī hit téng-bīn sio phang-liāu ê hiuⁿ, sī chiàu Siōng-chú só͘ hoan-hù Mô͘-se ê. | 註釋 串珠 盧俊義 盧華 盧導讀台 |
| 40:28 | Koh kòa hōe-bō͘ mn̂g ê mn̂g-lî. | 註釋 串珠 盧俊義 盧華 盧導讀台 |
| 40:29 | Tī chū-chi̍p ê hōe-bō͘ mn̂g chêng, hē sio-chè ê tôaⁿ, kā sio-chè kah sò͘-chè hiàn tī hit téng-bīn, sī chiàu Siōng-chú só͘ hoan-hù Mô͘-se ê. | 註釋 串珠 盧俊義 盧華 盧導讀台 |
| 40:30 | Kā sé-tn̄g ê phûn hē tī hōe-bō͘ kah tôaⁿ ê tiong-kan, phûn lāi té chúi, thang sé-tn̄g. | 註釋 串珠 盧俊義 盧華 盧導讀台 |
| 40:31 | Mô͘-se kah A-lông kah i hiahê kiáⁿ, tī hia sé-chhiú, sé kha. | 註釋 串珠 盧俊義 盧華 盧導讀台 |
| 40:32 | In ji̍p-khì hōe-bō͘ ê sî, á-.sī lâi-kàu tôaⁿ ê sî chiū sé, sī chiàu Siōng-chú só͘ hoan-hù Mô͘-se ê. | 註釋 串珠 盧俊義 盧華 盧導讀台 |
| 40:33 | Tī hōe-bō͘ kah tôaⁿ ê sì-kho͘-ûi khiā tiùⁿ-ûi, mā kòa tiùⁿ-ûi mn̂g ê mn̂g-lî, ánne Mô͘-se chiū oân-kang. | 註釋 串珠 盧俊義 盧華 盧導讀台 |
| 40:34 | Hûn Jia-khàm Hōe-bō͘( BSK 9: 15-23)Hit sî, hûn jia-khàm hōe-bō͘, Siōng-chú ê êng-kng chhiong-móa hōe-bō͘. | 註釋 串珠 盧俊義 盧華 盧導讀台 |
| 40:35 | Mô͘-se bē tàng ji̍p-khì hōe-bō͘, in-ūi hûn thêng tī hit téng-bīn, koh ū Siōng-chú ê êng-kng chhiong-móa tī hōe-bō͘. | 註釋 串珠 盧俊義 盧華 盧導讀台 |
| 40:36 | Hûn tùi hōe-bō͘ siu tńg-.khì ê sî, I-su-la-el lâng chiū chhut-hoat kiâⁿ in ê lō͘-thêng. | 註釋 串珠 盧俊義 盧華 盧導讀台 |
| 40:37 | Hûn nā bô siu tńg-.khì, in chiū bô chhut-hoat kiâⁿ lō͘, it-ti̍t kàu hûn siu tńg-.khì. | 註釋 串珠 盧俊義 盧華 盧導讀台 |
| 40:38 | Ji̍t-sî, Siōng-chú ê hûn tī hōe-bō͘ téng; àm-sî hit tiong-kan ū hóe, tī I-su-la-el choân ke ê ba̍k-chiu chêng. Tī in só͘ kiâⁿ ê lō͘-thêng lóng sī ánne. | 註釋 串珠 盧俊義 盧華 盧導讀台 |