| 章節 | 全民台語聖經全羅經文 | 註釋 |
| 18:1 | Páu-lô tī Ko-lîn-toChit-ê tāichì liáu-āu, Páu-lô lī-khui A-thé-nè khì Ko-lîn-to. | 註釋 串珠 盧導讀台 |
| 18:2 | Tī hia tú tio̍h chi̍t-ê miâ kiò-chò A-ku-lah ê Iô-tá-iah lâng. I tī Pong-to͘ chhut-sì kah i ê bó͘ Pu-lí-su-ki-lah tú-á tùi I-ta-lí-ah lâi, in-ūi Ku-láu-tio hông-tè bēng-lēng Iô-tá-iah lâng lóng tio̍h lī-khui Lô-má. Páu-lô khì chhōe in. | 註釋 串珠 盧導讀台 |
| 18:3 | In-ūi in lóng sī kāng-tô͘ chò pò͘-pêⁿ ê hâng-gia̍p, Páu-lô chiū kah in chò-hóe tòa, ha̍p teh chò-kang. | 註釋 串珠 盧導讀台 |
| 18:4 | Ta̍k-ê An-hioh-ji̍t, Páu-lô lóng tī hōe-tn̂g kah lâng piān-lūn, khó͘-khǹg Iô-tá-iah lâng kah Hi-la̍h lâng lâi sìn Chú. | 註釋 串珠 盧導讀台 |
| 18:5 | Se-la̍h kah Tî-mó͘-theh tùi Ma-ke-tó-niah lo̍h-lâi liáu-āu, Páu-lô chiū choân-sim thoân-tō, tùi Iô-tá-iah lâng kiàn-chèng I-é-su sī Ki-tok. | 註釋 串珠 盧導讀台 |
| 18:6 | In tùi-khòng Páu-lô koh kā i húi-pòng ê sî, i chiū pōaⁿ saⁿ ê thô͘-soa hún piáu-sī khòng-gī, tùi in kóng, " Lín ê sí-oa̍h chāi tī lín, bô góa ê koan-hē. Tùi taⁿ í-āu, góa beh khì gōa-pang lâng hia. " | 註釋 串珠 盧導讀台 |
| 18:7 | Páu-lô chiū lī-khui, khì chi̍t-ê miâ kiò-chò Thê-to Iû-sú-toh ê chhù. Hitê lâng sī kèng-pài Siōng-tè ê gōa-pang lâng, i ê chhù tī hōe-tn̂g ê keh-piah. | 註釋 串珠 盧導讀台 |
| 18:8 | Hōe-tn̂g ê chú-koán Ku-lí-su-pò͘ kah i ê choân ke lóng sìn Chú, koh ū chin chē Ko-lîn-to lâng thiaⁿ tio̍h tō-lí liáu-āu lâi sìn Chú, mā niá siū sé-lé. | 註釋 串珠 盧導讀台 |
| 18:9 | Ū chi̍t àm, Siōng-tè tī ī-siōng tiong tùi Páu-lô kóng, " M̄-bián kiaⁿ, tio̍h kè-sio̍k kóng, m̄ thang tiām-khì. | 註釋 串珠 盧導讀台 |
| 18:10 | In-ūi góa kah lí tông-chāi, bô lâng ē lâi kong-kek siong-hāi lí, jî-chhiáⁿ góa ū chin chē chú-bîn tī chit-ê siâⁿ. " | 註釋 串珠 盧導讀台 |
| 18:11 | Páu-lô tòa hia chi̍t nî koh la̍k kò-goe̍h, kā Siōng-tè ê tō-lí kà-sī hiahê lâng. | 註釋 串珠 盧導讀台 |
| 18:12 | Gâ-lióng chò A-kha-iah chóng-tok ê sî, Iô-tá-iah lâng liân-ha̍p kong-kek Páu-lô, kā i thoa-khì hoat-têng, | 註釋 串珠 盧導讀台 |
| 18:13 | Kò i kóng, " Chit-ê lâng siàn-tōng lâng, ēng ûi-pōe lu̍t-hoat ê hong-sek lâi kèng-pài Siōng-tè! " | 註釋 串珠 盧導讀台 |
| 18:14 | Páu-lô tú beh khui chhùi, Gâ-lióng tùi Iô-tá-iah lâng kóng, " Iô-tá-iah lâng, che nā-sī siáⁿ-mi̍h hoān-hoat á-.sī hoān chōe ê tāichì, góa tong-jiân tio̍h nāi-sim thiaⁿ lín ê khòng-sò͘. | 註釋 串珠 盧導讀台 |
| 18:15 | Chóng-.sī, che kì-jiân sī lín teh piān-lūn lín ê lu̍t-hoat ê jī-gán kah bêng-chheng, lín to̍h kakī khì kái-koat, góa bô ài pān chit khoán ê tāichì! " | 註釋 串珠 盧導讀台 |
| 18:16 | I chiū kā in kóaⁿ-chhut hoat-têng. | 註釋 串珠 盧導讀台 |
| 18:17 | Chèng lâng chiū lia̍h hōe-tn̂g ê chú-koán Só͘-su-thé-neh, tī hoat-têng chêng kā i phah. Chiahê tāichì Gâ-lióng lóng bô chhap. | 註釋 串珠 盧導讀台 |
| 18:18 | Páu-lô Tńg-khì Ai-ti-o-khèPáu-lô tī Ko-lîn-to koh kah hōe-iú tòa kúi-nā ji̍t liáu-āu, in chiū lī-khui hia kah Pu-lí-su-ki-lah hām A-ku-lah chò-hóe chē chûn khì Su-lī-a. Páu-lô ū hē goān, chiū tī Kian-khu-lia̍h chián thâu-mn̂g. | 註釋 串珠 盧導讀台 |
| 18:19 | In lâi-kàu Ê-hu-soh, Páu-lô kā in lâu tòa hōe-tn̂g gōa-kháu, kakī ji̍p-khì kah Iô-tá-iah lâng piān-lūn. | 註釋 串珠 盧導讀台 |
| 18:20 | Tāi-ke chhiáⁿ Páu-lô ke tòa kúi ji̍t, i bô tap-èng. | 註釋 串珠 盧導讀台 |
| 18:21 | Beh lī-pia̍t ê sî, Páu-lô kā in kóng, " Nā-sī Siōng-tè ín-chún, góa ē koh tńg-lâi lín chia. " Jiân-āu chē chûn lī-khui Ê-hu-soh. | 註釋 串珠 盧導讀台 |
| 18:22 | I tī Kai-sa-lī-a lo̍h chûn, tùi hia tńg-khì Ê-lú-sa-lèm, kā kàu-hē chhéng-an liáu-āu, chiah lo̍h-khì Ai-ti-o-khè. | 註釋 串珠 盧導讀台 |
| 18:23 | Páu-lô tī hia tòa kúi ji̍t liáu-āu koh chhut-hoat, keng-kòe Ga-la̍h-tia kah Hu-lú-gia̍h ê tē-khu, kian-kò͘ chèng bûn-tô͘ ê sìn-sim. | 註釋 串珠 盧導讀台 |
| 18:24 | A-po-lô tī Ê-hu-soh Káng-tōŪ chi̍t-ê miâ kiò-chò A-po-lô ê Iô-tá-iah lâng lâi-kàu Ê-hu-soh. I tī A-le̍k-san-toh chhut-sì, sī ū ha̍k-būn ê lâng, tùi keng-tián mā put-chí-á cheng-thong. | 註釋 串珠 盧導讀台 |
| 18:25 | I bat ha̍k-si̍p Chú ê lō͘, koh jia̍t-sim kā I-é-su ê tāichì siông-sè kóng-lâi kà-sī lâng; sûi-jiân i kantaⁿ chai Iô-há-neh ê sé-lé niā-niā. | 註釋 串珠 盧導讀台 |
| 18:26 | A-po-lô tī hōe-tn̂g hó-táⁿ khai-sí káng-tō, Pu-lí-su-ki-lah kah A-ku-lah thiaⁿ-.tio̍h, chiū chhōa i lâi in tau, koh khah chèng-khak kā i kái-soeh Siōng-tè ê tō-lō͘. | 註釋 串珠 盧導讀台 |
| 18:27 | Āu-lâi, A-po-lô koat-tēng beh khì A-kha-iah ê sî, Ê-hu-soh ê sìn-tô͘ kā i kó͘-lē, koh siá phoe chhiáⁿ A-kha-iah ê bûn-tô͘ kā i chiap-thāi. I khì-kàu hia liáu-āu, hiahê óa-khò Siōng-tè ê un-tián lâi sìn Chú ê lâng, siū tio̍h chin tōa ê pang-chān, | 註釋 串珠 盧導讀台 |
| 18:28 | In-ūi tī kong-khai ê piān-lūn tiong, i chhut-la̍t piān-tó Iô-tá-iah lâng, kin-kì keng-tián lâi chèng-bêng I-é-su sī Ki-tok. | 註釋 串珠 盧導讀台 |