| 章節 | 全民台語聖經全羅經文 | 註釋 |
| 23:1 | Páu-lô chù-ba̍k khòaⁿ gī-hōe ê lâng, kóng, " Kok-ūi hiaⁿ-tī, góa pêng-sî tī Siōng-tè ê bīn-chêng oân-choân chiàu chheng-pe̍h ê liông-sim teh kiâⁿ ta̍h, it-ti̍t kàu kin-á-ji̍t. " | 註釋 串珠 盧導讀台 |
| 23:2 | Tōa-chè-si A-ná-ni-a bēng-lēng sin piⁿ teh khiā ê lâng siàn i ê chhùi-phóe. | 註釋 串珠 盧導讀台 |
| 23:3 | Páu-lô chiū tùi i kóng, " Lí chit-ê chhat kah pe̍h-siaksiak ê chhiûⁿ, Siōng-tè ē kā lí phah. Lí khui-têng tio̍h chiàu lu̍t-hoat lâi kā góa sím-phòaⁿ, lí kèng-jiân ûi-pōe lu̍t-hoat, bēng-lēng lâng kā góa phah! " | 註釋 串珠 盧導讀台 |
| 23:4 | Khiā tī Páu-lô sin piⁿ ê lâng kóng, " Lí káⁿ mē Siōng-tè ê tōa-chè-si? " | 註釋 串珠 盧導讀台 |
| 23:5 | Páu-lô kóng, " Kok-ūi hiaⁿ-tī, góa m̄ bat i sī tōa-chè-si, in-ūi keng-tián ū kì-chài, M̄-thang mē tī-lí jîn-bîn ê tiúⁿ-koaⁿ. " (chù, CAG 22:28) | 註釋 串珠 盧導讀台 |
| 23:6 | M̄ koh, Páu-lô chai-iáⁿ in chi̍t-pêng sī Sat-to-kai phài ê lâng, chi̍t-pêng sī Hoa-lí-sái phài ê lâng, chiū tī gī-hōe tiong tōa-siaⁿ hoah, " Kok-ūi hiaⁿ-tī, góa sī Hoa-lí-sái phài ê lâng, mā sī Hoa-lí-sái phài ê lâng ê kiáⁿ. Góa tī chia siū sím-phòaⁿ, to̍h-sī in-ūi góa ǹg-bāng sí-lâng ē koh oa̍h! " | 註釋 串珠 盧導讀台 |
| 23:7 | Páu-lô ánne kóng soah, Hoa-lí-sái phài ê lâng kah Sat-to-kai phài ê lâng chiū khí cheng-lūn, gī-hōe mā hun-lia̍t. | 註釋 串珠 盧導讀台 |
| 23:8 | In-ūi Sat-to-kai phài ê lâng kóng lâng sí-liáu bô koh-oa̍h, mā bô thiⁿ-sài, mā bô lêng-hûn; Hoa-lí-sái phài ê lâng chú-tiuⁿ chit saⁿ hāng lóng ū. | 註釋 串珠 盧導讀台 |
| 23:9 | Soan-jióng ê siaⁿ ná lâi ná tōa, ū kúi-nā-ê Hoa-lí-sái phài hit pêng ê keng-ha̍k kàu-su khí-lâi cheng-piān kóng, " Goán khòaⁿ chit-ê lâng lóng bô chò pháiⁿ, kám kóng chin-chiàⁿ ū Sèng Sîn á-.sī thiⁿ-sài tùi i kóng-ōe? " | 註釋 串珠 盧導讀台 |
| 23:10 | Cheng-lūn ná lâi ná ke̍k-lia̍t, iâⁿ-tiúⁿ kiaⁿ Páu-lô khì hō͘ in thiah-chhùi, chiū bēng-lēng peng-á lo̍h-.khì, tùi in tiong-kan kā Páu-lô chhiúⁿ chhut-.lâi, kā i chhōa ji̍p-khì iâⁿ-pâng. | 註釋 串珠 盧導讀台 |
| 23:11 | Hit mê, Chú khiā tī Páu-lô ê sin piⁿ, kóng, " Tio̍h ióng-kám! Lí bat tī Ê-lú-sa-lèm ūi góa chò kiàn-chèng, mā it-tēng tio̍h tī Lô-má ūi góa chò kiàn-chèng. " | 註釋 串珠 盧導讀台 |
| 23:12 | Hāi-sí Páu-lô ê Kè-bô͘Keh-tńg-chá-khí, Iô-tá-iah lâng kiat-tóng chiùchōa kóng, " Nā bô thâi-sí Páu-lô, m̄-chia̍h m̄-lim. " | 註釋 串珠 盧導讀台 |
| 23:13 | Chò-hóe ánne kè-bô͘ ê lâng ū sì-cha̍p-ê í-siōng. | 註釋 串珠 盧導讀台 |
| 23:14 | In khì kìⁿ chè-si-tiúⁿ kah tiúⁿ-ló, kóng, " Goán í-keng chiù tāng-chōa, nā bô thâi-sí Páu-lô, pòaⁿ-hāng mi̍h to m̄-chia̍h. | 註釋 串珠 盧導讀台 |
| 23:15 | Taⁿ lín kah gī-hōe tio̍h kā iâⁿ-tiúⁿ iau-kiû, chhiáⁿ i chhōa Páu-lô lâi lín ê bīn-chêng, ké-chò lín beh koh siông-sè cha-mn̄g i ê àn-chêng. Goán í-keng chún-pī hó à, tī i lâi-kàu chia ê sî, chiū beh kā i thâi-sí. " | 註釋 串珠 盧導讀台 |
| 23:16 | Páu-lô ê gōe-seng thiaⁿ tio̍h chit-ê im-bô͘, chiū ji̍p-khì iâⁿ lāi kā Páu-lô kóng. | 註釋 串珠 盧導讀台 |
| 23:17 | Páu-lô kiò chi̍t-ê liân-tiúⁿ lâi, kóng, " Chhiáⁿ chhōa chit-ê siàu-liân lâng khì kìⁿ iâⁿ-tiúⁿ, in-ūi i ū tāichì beh pò i chai. " | 註釋 串珠 盧導讀台 |
| 23:18 | Liân-tiúⁿ chiū chhōa siàu-liân lâng khì kìⁿ iâⁿ-tiúⁿ, kóng, " Hitê siū koaiⁿ ê Páu-lô kiò góa-.khì, kiû góa chhōa chit-ê siàu-liân lâng lâi kìⁿ lí. I ū tāichì beh kā lí pò-kò. " | 註釋 串珠 盧導讀台 |
| 23:19 | Iâⁿ-tiúⁿ khan i ê chhiú khì piⁿ-á, mn̄g kóng, " Beh pò-kò góa chai siáⁿ-mi̍h tāichì? " | 註釋 串珠 盧導讀台 |
| 23:20 | I kóng, " Iô-tá-iah lâng í-keng kóng hó-sè, ké-chò beh koh siông-sè cha-mn̄g Páu-lô ê àn-chêng, ē kiû lí bîn-á-chài chhōa Páu-lô khì gī-hōe. | 註釋 串珠 盧導讀台 |
| 23:21 | Kiû lí m̄ thang thiaⁿ in ê ōe, in-ūi in ū sì-cha̍p gōa lâng bâi-ho̍k teh tán i. In bat chiùchōa kóng, nā bô thâi-sí Páu-lô, m̄-lim m̄-chia̍h. Taⁿ in lóng chún-pī hó-sè, teh thèng-hāu lí ê ín-chún. " | 註釋 串珠 盧導讀台 |
| 23:22 | Iâⁿ-tiúⁿ kiò siàu-liân lâng tńg-.khì, koh hoan-hù i kóng, " M̄-thang tùi lâng kóng, lí ū kā chiahê tāichì thong-ti góa. " | 註釋 串珠 盧導讀台 |
| 23:23 | Hō͘-sàng Páu-lô Khì hō͘ Hoe-lek-su Chóng-tokIâⁿ-tiúⁿ hoan-hù nn̄g-ê liân-tiúⁿ, kóng, "Eng àm káu tiám í-chêng, tio̍h chún-pī pō͘-peng nn̄g-pah, bé-peng chhit-cha̍p, gia̍h chhiuⁿ ê peng nn̄g-pah, chhut-hoat khì Kai-sa-lī-a. | 註釋 串珠 盧導讀台 |
| 23:24 | Koh chún-pī bé hō͘ Páu-lô khiâ, hō͘-sàng i an-choân khì-kàu chóng-tok Hoe-lek-su hia. " | 註釋 串珠 盧導讀台 |
| 23:25 | Iâⁿ-tiúⁿ chiū siá chi̍t tiuⁿ phoe, poe lāi ánne kóng, | 註釋 串珠 盧導讀台 |
| 23:26 | " Ku-láu-tio Lū-si-a kā chóng-tok Hoe-lek-su tāi-jîn chhéng-an. | 註釋 串珠 盧導讀台 |
| 23:27 | Chit-ê lâng hō͘ Iô-tá-iah lâng lia̍h-.khì, beh kā i thâi-sí ê sî, góa chi̍t ē chai-iáⁿ i sī Lô-má kong-bîn, chiū chhōa peng khì kā i kiù. | 註釋 串珠 盧導讀台 |
| 23:28 | Góa siūⁿ beh bêng-pe̍k in kò i ê lí-iû, chiū sàng i khì in ê gī-hōe. | 註釋 串珠 盧導讀台 |
| 23:29 | Góa chhâ-chhut i hō͘ lâng kò sī ūi tio̍h in ê lu̍t-hoat piān-lūn, pēng bô hoān tio̍h kai sí á-.sī tio̍h kā i koaiⁿ-kaⁿ ê chōe. | 註釋 串珠 盧導讀台 |
| 23:30 | Āu-lâi, ū lâng lâi kā góa pò-kò, kóng Iô-tá-iah lâng teh kè-bô͘ hām-hāi chit-ê lâng, góa sûi-sî kā i sàng-khì lí hia, koh bēng-lēng hiahê kò i ê lâng mā tio̍h tī lí ê bīn-chêng kā i khòng-kò. " | 註釋 串珠 盧導讀台 |
| 23:31 | Pō͘-peng chip-hêng bēng-lēng, thàu-mê kā Páu-lô ah-khì kau hō͘ An-tî-phà-tí. | 註釋 串珠 盧導讀台 |
| 23:32 | Keh tńg kang, pō͘-peng tńg-khì iâⁿ-pâng, hō͘ bé-peng kè-sio̍k hō͘-sàng Páu-lô. | 註釋 串珠 盧導讀台 |
| 23:33 | In lâi-kàu Kai-sa-lī-a, chiū kā hit-tiuⁿ phoe kau hō͘ chóng-tok, mā kā Páu-lô kau hō͘ i. | 註釋 串珠 盧導讀台 |
| 23:34 | Chóng-tok tha̍k hit-tiuⁿ phoe liáu-āu, mn̄g Páu-lô sī tó chi̍t séng ê lâng, chai-iáⁿ i sī Ki-lí-kiah séng ê lâng, | 註釋 串珠 盧導讀台 |
| 23:35 | Chiū kóng, " Tán kò lí ê lâng kàu-ūi, góa ē siông-sè chhù-lí lí ê àn-kiāⁿ. " Chóng-tok chiū hoan-hù kā Páu-lô khu-liû tī He-lo̍t ê gê-mn̂g. | 註釋 串珠 盧導讀台 |