| 章節 | 全民台語聖經全羅經文 | 註釋 |
| 25:1 | Páu-lô Hiòng Lô-má Hông-tè Siōng-sò͘Hui-su-to͘ chiūⁿ-jīm saⁿ ji̍t, chiū tùi Kai-sa-lī-a tńg-khì Ê-lú-sa-lèm. | 註釋 串珠 盧導讀台 |
| 25:2 | Tōa-chè-si kah Iô-tá-iah lâng ê thâu-lâng tùi i khòng-kò Páu-lô. | 註釋 串珠 盧導讀台 |
| 25:3 | In chhéng-kiû Hui-su-to͘ kā Páu-lô sàng lâi Ê-lú-sa-lèm, in kè-bô͘ tī lō͘ tiong bâi-ho̍k, beh kā i thâi-sí. | 註釋 串珠 盧導讀台 |
| 25:4 | M̄ koh, Hui-su-to͘ ìn kóng, " Páu-lô koaiⁿ tī Kai-sa-lī-a, góa liâmpiⁿ mā beh tńg-khì hia. | 註釋 串珠 盧導讀台 |
| 25:5 | Lín tiong-kan chò thâu ê lâng thang kah góa chò-hóe lo̍h-.khì. Hitê lâng nā ū siáⁿ-mi̍h m̄ tio̍h, lín thang tī hia kā i kò. " | 註釋 串珠 盧導讀台 |
| 25:6 | Hui-su-to͘ tòa hia chiâⁿ cha̍p kang, chiū tńg-khì Kai-sa-lī-a. Keh tńg kang khui-têng, i bēng-lēng lâng khì tòa Páu-lô lâi. | 註釋 串珠 盧導讀台 |
| 25:7 | Páu-lô chi̍t-ē kàu-ūi, tùi Ê-lú-sa-lèm lo̍h-.lâi ê Iô-tá-iah lâng ûi óa-.lâi, khiā tī i ê sì-kho͘-ûi, ēng chin chē giâm-tiōng ê chōe miâ kā i kò, m̄ koh, lóng the̍h bē chhut chèng-kì. | 註釋 串珠 盧導讀台 |
| 25:8 | Páu-lô ūi kakī piān-hō͘ kóng, " Góa tùi Iô-tá-iah lâng ê lu̍t-hoat kah sèng-tiān, á-.sī tùi Lô-má hông-tè, lóng m̄ bat hoān tio̍h siáⁿ-mi̍h chōe. " | 註釋 串珠 盧導讀台 |
| 25:9 | Hui-su-to͘ ūi tio̍h beh hō͘ Iô-tá-iah lâng hoaⁿ-hí, ìn Páu-lô kóng, " Lí goān-ì chiūⁿ Ê-lú-sa-lèm, tī hia ūi tio̍h chiahê kò-sò͘, lâi chiap-siū góa ê sím-phòaⁿ bô? " | 註釋 串珠 盧導讀台 |
| 25:10 | Páu-lô kóng, " Góa chitmá khiā tī Lô-má hông-tè ê hoat-têng, tong-jiân tio̍h tī chia siū sím-phòaⁿ. Lí bêng-bêng chai-iáⁿ góa tùi Iô-tá-iah lâng pēng bô chò siáⁿ-mi̍h m̄ tio̍h ê tāichì. | 註釋 串珠 盧導讀台 |
| 25:11 | Góa nā ū chò m̄ tio̍h á-.sī hoān tio̍h kai sí ê chōe, góa choa̍t-tùi bē tô-phiah, m̄ koh, in tùi góa ê khòng-kò lóng bô chi̍t hāng sī sū-si̍t, bô lâng ē-tàng kā góa kau hō͘ in. Góa beh tùi Lô-má hông-tè siōng-sò͘. " | 註釋 串珠 盧導讀台 |
| 25:12 | Hui-su-to͘ kah gī-hōe chò-hóe chham-siông liáu-āu, chiū ìn kóng, " Lí kì-jiân í-keng tùi Lô-má hông-tè siōng-sò͘, chiū tio̍h khì hông-tè hia. " | 註釋 串珠 盧導讀台 |
| 25:13 | Páu-lô Hông Ah Kàu A-gu-li̍p-phà Ông kah Be̍h-ní-ke Bīn-chêngKòe kúi-nā ji̍t āu, A-gu-li̍p-phà ông kah be̍h-ní-ke lâi-kàu Kai-sa-lī-a, kā Hui-su-to͘ chhéng-an. | 註釋 串珠 盧導讀台 |
| 25:14 | In tī hia tòa kúi-nā ji̍t liáu-āu, Hui-su-to͘ kā Páu-lô ê tāichì tùi A-gu-li̍p-phà ông pò-kò, kóng, " Tī chia ū chi̍t-ê Hoe-lek-su lâu tī kaⁿ-.ni̍h ê lâng. | 註釋 串珠 盧導讀台 |
| 25:15 | Góa khì Ê-lú-sa-lèm ê sî, hiahê chè-si-tiúⁿ kah Iô-tá-iah lâng ê tiúⁿ-ló ū kā i khòng-kò, iau-kiû góa kā i tēng chōe. | 註釋 串珠 盧導讀台 |
| 25:16 | Góa kā in kóng, ' Chiàu Lô-má ê koàn-lē, pī-kò iáu-bōe kah goân-kò tùi-chí, iáu-bōe ū ki-hōe ūi kakī piān-hō͘ í-chêng, bē tàng kā i tēng chōe. ' | 註釋 串珠 盧導讀台 |
| 25:17 | Só͘-í, in lóng chū-chi̍p kàu-ūi, góa sûi-sî tī keh tńg kang khui-têng, bēng-lēng ah hit-ê lâng lâi. | 註釋 串珠 盧導讀台 |
| 25:18 | Goân-kò lóng khiā khí-lâi khòng-kò, só͘ kò ê m̄-sī góa só͘ siūⁿ ê hiah pháiⁿ. | 註釋 串珠 盧導讀台 |
| 25:19 | Goân-kò kah i cheng-lūn ê chí-put-kò sī in kakī ê chong-kàu būn-tê, í-ki̍p chi̍t-ê kiò-chò I-é-su ê lâng ê tāichì; I í-keng sí, Páu-lô kóng I iáu oa̍h-.leh. | 註釋 串珠 盧導讀台 |
| 25:20 | Chiahê tāichì góa m̄-chai tio̍h án-chóaⁿ cha-mn̄g, só͘-í, góa mn̄g Páu-lô kám goān-ì khì Ê-lú-sa-lèm, tī hia siū sím-mn̄g. | 註釋 串珠 盧導讀台 |
| 25:21 | M̄ koh Páu-lô í-keng hiòng hông-tè siōng-sò͘, ài góa kā i lâu tī chia thèng-hāu hông-tè chhâi-koat, só͘-í, góa bēng-lēng kā i khàu-liû kàu kau hō͘ hông-tè. " | 註釋 串珠 盧導讀台 |
| 25:22 | A-gu-li̍p-phà kā Hui-su-to͘ kóng, " Góa kakī mā ài thiaⁿ chit-ê lâng kóng-ōe. " Hui-su-to͘ kóng, " Bîn-á-chài lí ē-tàng thiaⁿ i kóng. " | 註釋 串珠 盧導讀台 |
| 25:23 | Keh tńg kang, A-gu-li̍p-phà kah be̍h-ní-ke ui-hong lím-lím, tài-niá iâⁿ-tiúⁿ kah siâⁿ lāi chun-kùi ê lâng ji̍p-lâi kong-hōe-tn̂g. Hui-su-to͘ hā-lēng, Páu-lô chiū hō͘ lâng ah chhut-.lâi. | 註釋 串珠 盧導讀台 |
| 25:24 | Hui-su-to͘ kóng, " A-gu-li̍p-phà ông kah chāi-chō ê kok-ūi, lín khòaⁿ chit-ê lâng, i to̍h-sī tī Ê-lú-sa-lèm kah tī chia só͘-ū ê Iô-tá-iah lâng tùi góa chhéng-kiû, tōa-siaⁿ hoah kóng tio̍h hō͘ i sí ê hit-ê lâng. | 註釋 串珠 盧導讀台 |
| 25:25 | M̄ koh, góa chhâ bô i ū hoān tio̍h siáⁿ-mi̍h kai sí ê chōe. I kì-jiân í-keng tùi hông-tè siōng-sò͘, góa chhâi-koat kā i sàng-khì Lô-má. | 註釋 串珠 盧導讀台 |
| 25:26 | Koan-hē chit-ê lâng, góa bô khak-si̍t ê àn-chêng thang chàu hông-tè, só͘-í, góa chhōa i chhut-lâi tī lín ê bīn-chêng, koh khah iàu-kín ê sī tī A-gu-li̍p-phà ông lí ê bīn-chêng, nā chhâ-bêng liáu-āu, chiah ū àn-chêng thang chàu. | 註釋 串珠 盧導讀台 |
| 25:27 | In-ūi chiàu góa khòaⁿ, ah-sàng hoān-lâng, nā bô chí-bêng i ê àn-chêng, sī bô ha̍h lí. " | 註釋 串珠 盧導讀台 |