| 章節 | 全民台語聖經全羅經文 | 註釋 |
| 1:1 | Chhéng-anGóa sī sù-tô͘ Páu-lô, góa chò sù-tô͘ m̄-sī thong-kòe lâng, mā m̄-sī tùi lâng, sī tùi I-é-su Ki-tok kah hō͘ I tùi sí-lâng tiong koh-oa̍h ê Thiⁿ-pē Siōng-tè ê ho͘-tiàu. | 註釋 串珠 盧華 盧導讀台 |
| 1:2 | Góa kah tī chia ê hiaⁿ-tī chí-mōe siá phoe hō͘ Ga-la̍h-tia ê chèng kàu-hōe. | 註釋 串珠 盧華 盧導讀台 |
| 1:3 | Goān lán ê Thiⁿ-pē Siōng-tè kah Chú I-é-su Ki-tok sù lín un-tián kah pêng-an. | 註釋 串珠 盧華 盧導讀台 |
| 1:4 | Ūi tio̍h beh chín-kiù lán thoat-lī hiān-kim siâ-ok ê sè-tāi, Ki-tok ū chiàu lán ê Thiⁿ-pē Siōng-tè ê chí-ì lâi hiàn I pún-sin. | 註釋 串珠 盧華 盧導讀台 |
| 1:5 | Goān êng-kng kui hō͘ Siōng-tè, it-ti̍t kàu éng-éng oán-oán. A-men! | 註釋 串珠 盧華 盧導讀台 |
| 1:6 | Hok-im Tùi Ga-la̍h-tia ê Thiau-chiànGóa chin tio̍h-kiaⁿ, lín kèng-jiân hiah kín to̍h khì-sak hit ūi thong-kòe Ki-tok ê un-tián lâi ho͘-tiàu lín ê Siōng-tè, khì sìn pa̍t khoán ê hok-im. | 註釋 串珠 盧華 盧導讀台 |
| 1:7 | Kî-si̍t bô pa̍t khoán ê hok-im, góa ánne kóng sī in-ūi ū lâng kā lín kiáu-jiáu, siūⁿ beh khiok-kái Ki-tok ê hok-im. | 註釋 串珠 盧華 盧導讀台 |
| 1:8 | Bô-lūn sī goán á-.sī tùi thiⁿ-téng lâi ê thiⁿ-sài, nā só͘ thoân ê hok-im kah goán í-chêng só͘ thoân hō͘ lín ê hok-im bô kāng-khoán, hit-ê lâng tio̍h siū chiù-chó͘. | 註釋 串珠 盧華 盧導讀台 |
| 1:9 | Góa í-chêng bat kóng kòe, taⁿ góa koh kóng chi̍t pái, nā ū lâng thoân hō͘ lín ê hok-im kah lín í-keng chiap-siū ê bô kāng-khoán, hit-ê lâng tio̍h siū chiù-chó͘. | 註釋 串珠 盧華 盧導讀台 |
| 1:10 | Páu-lô ê Léng-tōGóa ánne kóng, kám sī siūⁿ beh tit tio̍h lâng ê oló? M̄-sī, sī beh tit tio̍h Siōng-tè ê oló; góa kám teh kiû hō͘ lâng hoaⁿ-hí? Góa nā iáu koh ài hō͘ lâng hoaⁿ-hí, góa chiū m̄-sī Ki-tok ê lô͘-po̍k. | 註釋 串珠 盧華 盧導讀台 |
| 1:11 | Páu-lô Chiâⁿ-chò Sù-tô͘Hiaⁿ-tī chí-mōe, góa ài lín chai, góa só͘ thoân ê hok-im m̄-sī chiàu lâng ê ì-sù. | 註釋 串珠 盧華 盧導讀台 |
| 1:12 | Chit-ê hok-im m̄-sī tùi lâng niá-siū, mā bô siū lâng kà-sī, sī tùi I-é-su Ki-tok lâi ê khé-sī. | 註釋 串珠 盧華 盧導讀台 |
| 1:13 | Lín bat thiaⁿ tio̍h góa í-chêng chò Iô-tá-iah kàu-tô͘ ê hêng-ûi, to̍h-sī pek-hāi Siōng-tè ê kàu-hōe chin thiám, siūⁿ beh thiat-té kā i phò-hoāi. | 註釋 串珠 盧華 盧導讀台 |
| 1:14 | Góa pí kâng chi̍t pòe ê Iô-tá-iah lâng koh khah chun-siú kàu-kui, koh khah jia̍t-sim chun-siú chó͘-sian ê thoân-thóng. | 註釋 串珠 盧華 盧導讀台 |
| 1:15 | M̄ koh, tùi Siōng-tè ê un-tián, góa iáu-bōe chhut-sì I to̍h kéng-soán góa, | 註釋 串珠 盧華 盧導讀台 |
| 1:16 | Tùi góa khé-sī I ê Kiáⁿ, hō͘ góa thang tùi gōa-pang lâng soan-iông I ê Kiáⁿ ê hok-im. Hit sî, góa lóng bô khì chhéng-kàu jīm-hô lâng, | 註釋 串珠 盧華 盧導讀台 |
| 1:17 | Mā bô chiūⁿ Ê-lú-sa-lèm khì kìⁿ hiahê pí góa khah tāi-seng chò sù-tô͘ ê lâng; chí ū sûi-sî khì A-la-puh, jiân-āu koh tńg-lâi Ta-má-su-ko. | 註釋 串珠 盧華 盧導讀台 |
| 1:18 | Saⁿ nî āu, góa chiah-khì Ê-lú-sa-lèm pài-hóng Piat-tò͘ kah i tòa cha̍p-gō͘ ji̍t. | 註釋 串珠 盧華 盧導讀台 |
| 1:19 | Chú ê hiaⁿ-tī Iâ-kop í-gōa, góa lóng bô kìⁿ-kòe kî-tha ê sù-tô͘. | 註釋 串珠 盧華 盧導讀台 |
| 1:20 | Góa só͘ siá ê lóng sī sū-si̍t; tī Siōng-tè ê bīn-chêng góa bô kóng pe̍h-chha̍t. | 註釋 串珠 盧華 盧導讀台 |
| 1:21 | Āu-lâi, góa khì Su-lī-a kah Ki-lí-kiah ê ta̍k só͘-chāi. | 註釋 串珠 盧華 盧導讀台 |
| 1:22 | Hit sî, sio̍k Iô-tá-iah tē-khu chèng kàu-hōe ê sìn-tô͘ lóng m̄ bat góa. | 註釋 串珠 盧華 盧導讀台 |
| 1:23 | In kantaⁿ thiaⁿ lâng kóng, " Í-chêng pek-hāi lán ê lâng, taⁿ teh thoân i kòe-khì siūⁿ beh húi-bia̍t ê sìn-gióng! " | 註釋 串珠 盧華 盧導讀台 |
| 1:24 | In chiū in-ūi góa ê iân-kò͘, kui êng-kng hō͘ Siōng-tè. | 註釋 串珠 盧華 盧導讀台 |