| 章節 | 全民台語聖經全羅經文 | 註釋 |
| 6:1 | Hun-tam Pa̍t lâng ê Tāng tàⁿHiaⁿ-tī chí-mōe, nā ū lâng bô tiuⁿ-tî hām-lo̍h kòe-sit, lín sio̍k-lêng ê lâng tio̍h ēng un-jiû ê sim kā i kiù-chèng. Lín kakī mā tio̍h sió-sim, chiah bē siū ín-iú. | 註釋 串珠 盧華 盧導讀台 |
| 6:2 | Lín tio̍h hō͘-siong hun-tam tāng-tàⁿ, ánne chò chiah sī teh si̍t-hiān Ki-tok ê kà-sī. | 註釋 串珠 盧華 盧導讀台 |
| 6:3 | Bô siáⁿ châi-lêng koh siūⁿ kóng kakī chin gâu ê lâng, sī teh khi-phiàn kakī. | 註釋 串珠 盧華 盧導讀台 |
| 6:4 | Ta̍k lâng lóng tio̍h séng-chhat kakī ê hêng-ûi; nā ū hó hêng-ûi, kantaⁿ thang tùi kakī khoa-kháu, bô su-iàu kah pa̍t lâng pí-phēng. | 註釋 串珠 盧華 盧導讀台 |
| 6:5 | In-ūi ta̍k lâng ê tàⁿ tio̍h kakī taⁿ. | 註釋 串珠 盧華 盧導讀台 |
| 6:6 | Ha̍k-si̍p tō-lí ê lâng, tio̍h kā ta̍k hāng hó mi̍h kah kà-sī i ê lâng chò-hóe hun-hióng. | 註釋 串珠 盧華 盧導讀台 |
| 6:7 | M̄-thang khi-phiàn kakī, Siōng-tè sī bē tàng bú-jio̍k ê. Lâng ē chiàu i só͘ iā ê chéng lâi siu-sêng. | 註釋 串珠 盧華 盧導讀台 |
| 6:8 | Ūi tio̍h boán-chiok kakī ê jio̍k-thé lâi iā chéng ê lâng, i ê siu-sêng to̍h-sī jio̍k-thé ê pāi-hoāi; ūi tio̍h hō͘ Sèng Sîn hoaⁿ-hí lâi iā chéng ê lâng, chiū ē tùi Sèng Sîn lâi siu-sêng éng-oán ê oa̍h-miā. | 註釋 串珠 盧華 盧導讀台 |
| 6:9 | Chò hó sū m̄ thang sit-chì, in-ūi nā bô tiong-kan tn̄g-chām, sî kàu chiū ē ū siu-sêng. | 註釋 串珠 盧華 盧導讀台 |
| 6:10 | Só͘-í, lán tio̍h pá-ak ki-hōe lâi tùi chèng lâng chò hó sū, iû-kî-sī tùi hiahê tùi sìn chiâⁿ-chò chi̍t ke ê lâng koh khah tio̍h tì-ì. | 註釋 串珠 盧華 盧導讀台 |
| 6:11 | Kiat-bóe ê Chhéng-anLín khòaⁿ, góa chhin-pit ēng chiah tōa ê jī siá phoe hō͘ lín! | 註釋 串珠 盧華 盧導讀台 |
| 6:12 | Hiahê tī gōa-piáu chng thé-bīn ê lâng, in siūⁿ beh bián-kióng lín chiap siū kat-lé. In ánne chò, kantaⁿ sī bô ài ūi tio̍h Ki-tok ê si̍p-jī-kè lâi siū pek-hāi. | 註釋 串珠 盧華 盧導讀台 |
| 6:13 | Kî-si̍t liân hiahê siū kat-lé ê lâng mā bô lóng siú lu̍t-hoat. In ài lín chiap siū kat-lé, chiah ē-tàng khoa-kháu kóng lín ū chun-siú gōa-piáu ê lé-gî. | 註釋 串珠 盧華 盧導讀台 |
| 6:14 | Nā-sī góa, góa it-tēng kantaⁿ beh khoa-kháu lán ê Chú I-é-su Ki-tok ê si̍p-jī-kè. In-ūi tùi góa lâi kóng, sè-kan í-keng tèng-sí tī si̍p-jī-kè; tùi sè-kan lâi kóng, góa mā í-keng tèng-sí tī si̍p-jī-kè. | 註釋 串珠 盧華 盧導讀台 |
| 6:15 | Ū siū kat-lé kah bô siū kat-lé lóng bô iàu-kín, iàu-kín ê sī lán tio̍h chiâⁿ-chò sin chhòng-chō ê lâng. | 註釋 串珠 盧華 盧導讀台 |
| 6:16 | Chiàu chit-ê chún-chek lâi seng-oa̍h ê lâng to̍h-sī Siōng-tè ê chú-bîn, goān pêng-an í-ki̍p liân-bín kah lín tông-chāi! | 註釋 串珠 盧華 盧導讀台 |
| 6:17 | Tùi taⁿ í-āu, bô-lūn siáⁿ-mi̍h lâng lóng m̄ thang kā góa kiáu-jiáu, in-ūi góa ê seng-khu ū tòa I-é-su ê siong-jiah, chèng-bêng góa sī I ê lô͘-po̍k. | 註釋 串珠 盧華 盧導讀台 |
| 6:18 | Hiaⁿ-tī chí-mōe, goān lán ê Chú I-é-su Ki-tok ê un-tián kah lín tông-chāi! A-men! | 註釋 串珠 盧華 盧導讀台 |