| 章節 | 全民台語聖經全羅經文 | 註釋 |
| 1:1 | Chhéng-anGóa sī Páu-lô, chò Siōng-tè ê lô͘-po̍k kah I-é-su Ki-tok ê sù-tô͘, siū soán-tiàu lâi pang-chān Siōng-tè ê soán-bîn ê sìn-gióng, ín-chhōa in lâi bat lán ê sìn-gióng só͘ kà-sī ê chin-lí. | 註釋 串珠 盧俊義 盧華 盧導讀台 |
| 1:2 | Chit-ê sìn-gióng hō͘ lán tùi éng-oán ê oa̍h-miā ū ǹg-bāng, to̍h-sī bē kóng pe̍h-chha̍t ê Siōng-tè tī bān sè í-chêng to̍h èng-ín beh hō͘ lán ê. | 註釋 串珠 盧俊義 盧華 盧導讀台 |
| 1:3 | Sî-kî nā kàu, chiū thong-kòe sìn-sit ê thoân-káng, kā chit-ê èng-ín hián-bêng chhut-.lâi. Góa ū siū-thok, hōng lán ê Kiù-chú Siōng-tè ê bēng-lēng, lâi soan-káng chit-ê hok-im. | 註釋 串珠 盧俊義 盧華 盧導讀台 |
| 1:4 | Góa siá phoe kià hō͘ lí — Tî-to, tī lán kiōng-tông ê sìn-gióng tiong, lí sī góa chin ê kiáⁿ. Goān Thiⁿ-pē Siōng-tè kah lán ê Kiù-chú Ki-tok I-é-su, sù lí un-tián kah pêng-an. | 註釋 串珠 盧俊義 盧華 盧導讀台 |
| 1:5 | Siat-li̍p Tiúⁿ-lóGóa lâu lí tī Ku-lé-té, sī ài lí chhù-lí hiahê pān iáu-bōe chheng-chhó ê tāichì, koh chiàu góa kā lí hoan-hù ê, tī ta̍k-ê siâⁿ-chhī siat-li̍p tiúⁿ-ló. | 註釋 串珠 盧俊義 盧華 盧導讀台 |
| 1:6 | Chò tiúⁿ-ló tio̍h hêng-ûi toan-chiàⁿ, kantaⁿ chi̍t-ê bó͘, kiáⁿ-jî lóng sī sìn-tô͘, bô lâng khòng-kò in hòng-tōng á-.sī bô siú hoat-tō͘. | 註釋 串珠 盧俊義 盧華 盧導讀台 |
| 1:7 | Kàu-hōe ê léng-tō-chiá ná chhin-chhiūⁿ Siōng-tè ê koán-ke, tio̍h bô kiau-ngō͘, bô khoài siū-khì, bô in-ūi chiú-chùi lâi jiá-sū, bô hiong-pō, bô tham put-gī ê chîⁿ-châi. | 註釋 串珠 盧俊義 盧華 盧導讀台 |
| 1:8 | Mā tio̍h hó khoán-thāi chhut-gōa lâng, gâu chò hó sū, siú-kí, kong-gī, sèng-kiat, chiat-chè. | 註釋 串珠 盧俊義 盧華 盧導讀台 |
| 1:9 | I it-tēng tio̍h kian-siú hit-ê chin-si̍t koh hû-ha̍p kàu-gī ê sìn-sit, chiah ē-tàng ēng toan-chiàⁿ ê kà-sī lâi khoàn-bián lâng, mā ē-tàng hoán-po̍k hiahê hoán-tùi ê lâng. | 註釋 串珠 盧俊義 盧華 盧導讀台 |
| 1:10 | Kiù-chèng Pōe-kàu ê LângIn-ūi ū chin chē m̄ sūn-ho̍k ê lâng, to̍h-sī hiahê kóng siáu-ōe lâi khi-phiàn lâng ê, iû-kî-sī chú-tiuⁿ tio̍h siū kat-lé ê Iô-tá-iah Ki-tok-tô͘. | 註釋 串珠 盧俊義 盧華 盧導讀台 |
| 1:11 | Lí tio̍h kā chit khoán lâng ê chhùi that khí-.lâi; in ūi tio̍h tham put-gī ê chîⁿ-châi, ēng bô eng-kai ê ōe kà-sī lâng, lâi phò-hoāi chi̍t-kóa lâng ê ka-têng. | 註釋 串珠 盧俊義 盧華 盧導讀台 |
| 1:12 | In Ku-lé-té lâng ê chi̍t-ê sian-ti bat ánne kóng, " Ku-lé-té lâng put-sî kóng pe̍h-chha̍t, chhin-chhiūⁿ hiong-ok ê iá-siù, tham-chia̍h koh pîntōaⁿ. " | 註釋 串珠 盧俊義 盧華 盧導讀台 |
| 1:13 | I ánne kóng sī sū-si̍t, só͘-í, lí tio̍h giâm-lē kā in chek-pī, thang hō͘ in ū kiān-choân ê sìn-gióng, | 註釋 串珠 盧俊義 盧華 盧導讀台 |
| 1:14 | Bô koh thiaⁿ Iô-tá-iah lâng bô-iáⁿ bô-chiah ê thoân-soat kah hiahê pōe-ge̍k chin-lí ê kài-bēng. | 註釋 串珠 盧俊義 盧華 盧導讀台 |
| 1:15 | Tùi chheng-khì ê lâng lâi kóng, bān-mi̍h lóng sī chheng-khì; tùi hiahê ù-òe kah bô sìn ê lâng lâi kóng, bô chi̍t hāng mi̍h sī chheng-khì, liân in ê sim-su kah liông-sim mā lóng ù-òe. | 註釋 串珠 盧俊義 盧華 盧導讀台 |
| 1:16 | In kakī chhùi kóng bat Siōng-tè, m̄ koh, in ēng hêng-ûi lâi hó͘ⁿ-jīn. In khó-ò͘ⁿ koh pōe-ge̍k, chò bē chhut siáⁿ-mi̍h hó tāichì. | 註釋 串珠 盧俊義 盧華 盧導讀台 |