| 章節 | 全民台語聖經全羅經文 | 註釋 |
| 2:1 | Kiān-choân ê Kàu-gīChóng-.sī, lí ê kà-sī tio̍h hû-ha̍p kiān-choân ê kàu-gī. | 註釋 串珠 盧俊義 盧華 盧導讀台 |
| 2:2 | Tio̍h khǹg lāu lâng m̄ thang ài lim chiú, tio̍h toan-chong siú-kí, koh ū sûn-choân ê sìn-gióng, thiàⁿ-sim kah nāi-sim. | 註釋 串珠 盧俊義 盧華 盧導讀台 |
| 2:3 | Lí mā tio̍h ánne khǹg lāu hū-jîn-lâng, giân-hêng kú-chí tio̍h ha̍h tī kèng-khiân ê sìn-gióng, m̄ thang húi-pòng, mā m̄ thang chò chiú-kúi; tio̍h chò hó bô͘-hoān lâi kà-sī lâng, | 註釋 串珠 盧俊義 盧華 盧導讀台 |
| 2:4 | Chiah ē-tàng kà-sī siàu-liân ê hū-jîn-lâng thiàⁿ in ê tiōng-hu, thiàⁿ in ê kiáⁿ-jî, | 註釋 串珠 盧俊義 盧華 盧導讀台 |
| 2:5 | Koh tio̍h siú-kí, cheng-kiat, liāu-lí ka-sū, siān-liông, sūn-ho̍k kakī ê tiōng-hu, chiah bián-tit Siōng-tè ê tō-lí siū húi-pòng. | 註釋 串珠 盧俊義 盧華 盧導讀台 |
| 2:6 | Lí mā tio̍h ánne khǹg siàu-liân ê chapo͘ lâng siú-kí. | 註釋 串珠 盧俊義 盧華 盧導讀台 |
| 2:7 | Ta̍k hāng tāichì lí tio̍h kakī chò hó bô͘-hoān. Kà-sī lâng ê sî tio̍h sêng-khún toan-chong, | 註釋 串珠 盧俊義 盧華 盧導讀台 |
| 2:8 | Giân-sû tio̍h toan-chiàⁿ, bô thang hō͘ lâng chí-chek, hō͘ hiahê hoán-tùi ê lâng bô thang kóng lán ê pháiⁿ ōe, hoán-tńg ē kakī kám-kak kiàn-siàu. | 註釋 串珠 盧俊義 盧華 盧導讀台 |
| 2:9 | Tio̍h khǹg lô͘-po̍k tio̍h sūn-ho̍k chú-lâng, ta̍k hāng tāichì hō͘ in hoaⁿ-hí, bô ìn-chhùi ìn-chi̍h; | 註釋 串珠 盧俊義 盧華 盧導讀台 |
| 2:10 | Mā m̄ thang thau-the̍h, tio̍h piáu-hiān cha̍p-hun ê tiong-sìn, thang tī ta̍k hong-bīn êng-kng lán ê Kiù-chú Siōng-tè ê kà-sī. | 註釋 串珠 盧俊義 盧華 盧導讀台 |
| 2:11 | In-ūi Siōng-tè chín-kiù choân jîn-lūi ê un-tián í-keng hián-bêng chhut-.lâi. | 註釋 串珠 盧俊義 盧華 盧導讀台 |
| 2:12 | Chit-ê un-tián teh kéng-kài lán tio̍h khì-sak bô kèng-khiân ê seng-oa̍h kah sio̍k-sè ê su-io̍k, tī chit-ê sè-kan kòe siú-kí, kong-gī kah kèng-khiân ê seng-oa̍h, | 註釋 串珠 盧俊義 盧華 盧導讀台 |
| 2:13 | Ēng ánne lâi thèng-hāu hit-ê chhiong-móa hok-khì ê ǹg-bāng, to̍h-sī lán chì-chun ê Siōng-tè kah kiù Chú I-é-su Ki-tok êng-kng ê hián-hiān. | 註釋 串珠 盧俊義 盧華 盧導讀台 |
| 2:14 | Ki-tok ūi tio̍h lán hiàn kakī ê sèⁿ-miā, sī beh kiù-sio̍k lán thoat-lī it-chhè ê chōe-ok, hō͘ lán chiâⁿ-chò I sûn-kiat ê chú-bîn, thang jia̍t-sim chò hó sū. | 註釋 串珠 盧俊義 盧華 盧導讀台 |
| 2:15 | Chiahê tāichì lí tio̍h kóng, tio̍h chhiong-hun ūn-iōng lí ê chit-koân lâi khó͘-khǹg lâng kah chek-pī lâng. M̄-thang hō͘ lâng kā lí khòaⁿ-khin. | 註釋 串珠 盧俊義 盧華 盧導讀台 |