| 章節 | 全民台語聖經全羅經文 | 註釋 |
| 3:1 | Ki-tok-tô͘ ê Hêng-ûiTio̍h thê-chhéⁿ tāi-ke ho̍k-chiông chip-chèng-chiá kah chèng-hú koaⁿ-oân, ài sūn-ho̍k chiah ē-tàng sûi-sî piān-piān lâi chò ta̍k hāng hó sū. | 註釋 串珠 盧俊義 盧華 盧導讀台 |
| 3:2 | Tio̍h khǹg in m̄ thang húi-pòng, m̄ thang oan-ke; tio̍h un-hô iú-siān, ēng un-jiû lâi tùi-thāi só͘-ū ê lâng. | 註釋 串珠 盧俊義 盧華 盧導讀台 |
| 3:3 | In-ūi lán kakī í-chêng mā sī bû-ti, pōe-ge̍k, siū bê-he̍k, chò kok chióng su-io̍k kah hióng-lo̍k ê lô͘-lē, tī ok-to̍k kah oàn-tò͘ ê tiong-kan teh seng-oa̍h, hō͘-siong oàn-hūn, pí-chhú thó-ià. | 註釋 串珠 盧俊義 盧華 盧導讀台 |
| 3:4 | M̄ koh, lán ê Kiù-chú Siōng-tè ê chû-pi kah jîn-ài hián-bêng chhut-.lâi ê sî, | 註釋 串珠 盧俊義 盧華 盧導讀台 |
| 3:5 | I chiū chín-kiù lán, m̄-sī in-ūi lán kakī ê hó hêng-ûi, sī in-ūi I ê liân-bín. I thong-kòe têng-thâu-seⁿ ê sé-lé kah Sèng Sîn ê ōaⁿ sin lâi chín-kiù lán. | 註釋 串珠 盧俊義 盧華 盧導讀台 |
| 3:6 | Sèng Sîn to̍h-sī Siōng-tè thong-kòe lán ê kiù Chú I-é-su Ki-tok, hong-hong hù-hù siúⁿ-sù hō͘ lán ê, | 註釋 串珠 盧俊義 盧華 盧導讀台 |
| 3:7 | Hō͘ lán thang thong-kòe I ê un-tián lâi chheng-chò gī lâng, lâi sêng-siū lán só͘ ǹg-bāng ê éng-oán ê oa̍h-miā. | 註釋 串珠 盧俊義 盧華 盧導讀台 |
| 3:8 | Chiahê ōe si̍t-chāi kóng liáu chin tio̍h. Góa ài lí te̍k-pia̍t kiông-tiāu chiahê tāichì, thang hō͘ sìn Siōng-tè ê lô͘-po̍k choan-sim chò hó sū. Chiahê tāichì lóng sī hó, koh tùi lâng ū lī-ek. | 註釋 串珠 盧俊義 盧華 盧導讀台 |
| 3:9 | Chóng-.sī, lí tio̍h siám-phiah gû-gōng ê cheng-lūn, cho̍k-phó͘ ê hun-cheng kah lu̍t-hoat ê cheng-chip, in-ūi chiahê tāichì lóng sī bô lī-ek koh bô kè-ta̍t. | 註釋 串珠 盧俊義 盧華 盧導讀台 |
| 3:10 | Tùi hiahê chè-chō hun-cheng ê lâng, kā i kéng-kài chi̍t-nn̄g pái liáu-āu, chiū m̄ thang koh kah i óng-lâi. | 註釋 串珠 盧俊義 盧華 盧導讀台 |
| 3:11 | Lí chai chit khoán lâng í-keng pāi-hoāi, i ánne kè-sio̍k hoān chōe sī teh gí-tiāⁿ kakī ê chōe. | 註釋 串珠 盧俊義 盧華 盧導讀台 |
| 3:12 | Chòe-āu ê Kà-sī kah Chhéng-anGóa chhe-phài A-tê-má á-.sī Tu-khi-kó͘ khì lí hia ê sî, lí tio̍h kóaⁿ-kín lâi Nî-ko-po-lī chhōe góa, in-ūi góa í-keng koat-tēng beh khì hia kòe kôaⁿ-thiⁿ. | 註釋 串珠 盧俊義 盧華 盧導讀台 |
| 3:13 | Lí tio̍h chīn-liōng pang-chān lu̍t-hoat-su Se-la̍p kah A-po-lô lí-hêng sî ê su-iàu, hō͘ in thang an-sim chhut-hoat. | 註釋 串珠 盧俊義 盧華 盧導讀台 |
| 3:14 | Lí mā tio̍h hoan-hù lán kakī ê lâng, tio̍h ha̍k-si̍p chò hó sū, lâi kiong-kip hiahê si̍t-chāi ū su-iàu ê lâng, chiah bián-tit bô kiat kóe-chí. | 註釋 串珠 盧俊義 盧華 盧導讀台 |
| 3:16 | Goān Siōng-tè ê un-tián kah lín tāi-ke tông-chāi! | |
| 3:15 | Kah góa tī chia ê lâng lóng beh kā lí chhéng-an, mā chhiáⁿ thè goán kā hiahê tâng-sìn ê hó pêng-iú chhéng-an. | 註釋 串珠 盧俊義 盧華 盧導讀台 |