| 章節 | 全民台語聖經全羅經文 | 註釋 |
| 1:1 | Chhéng-anGóa chò tiúⁿ-ló, siá phoe kià hō͘ Siōng-tè kéng-soán ê hu-jîn kah i ê kiáⁿ-jî. Góa chin sim thiàⁿ lín; m̄ nā góa, só͘-ū bat chin-lí ê lâng mā lóng thiàⁿ lín; | 註釋 串珠 盧俊義 盧華 盧導讀台 |
| 1:2 | In-ūi ū chin-lí tiàm tī lán ê sim-lāi, koh ē éng-oán kah lán tông-chāi. | 註釋 串珠 盧俊義 盧華 盧導讀台 |
| 1:3 | Goān Thiⁿ-pē Siōng-tè kah Thiⁿ-pē ê Kiáⁿ I-é-su Ki-tok sù lán un-tián, liân-bín kah pêng-an, hō͘ lán ê seng-oa̍h chhiong-móa chin-lí kah thiàⁿ-sim. | 註釋 串珠 盧俊義 盧華 盧導讀台 |
| 1:4 | Chin-lí kah Thiàⁿ-simGóa chin hoaⁿ-hí khòaⁿ-kìⁿ lí ê kiáⁿ-jî tiong-kan ū lâng teh chun-chiàu Thiⁿ-pē ê kài-bēng, tī chin-lí tiong seng-oa̍h. | 註釋 串珠 盧俊義 盧華 盧導讀台 |
| 1:5 | Chhin-ài ê hu-jîn, taⁿ góa khún-kiû lí, tāi-ke tio̍h sio-thiàⁿ. Góa siá ánne hō͘ lí, m̄-sī sin ê kài-bēng, sī lán tùi khí-thâu to̍h niá-siū ê. | 註釋 串珠 盧俊義 盧華 盧導讀台 |
| 1:6 | Lán chiàu Siōng-tè ê kài-bēng seng-oa̍h, che to̍h-sī sio-thiàⁿ. Chit-ê kài-bēng sī lín tùi khí-thâu to̍h thiaⁿ-.tio̍h ê. | 註釋 串珠 盧俊義 盧華 盧導讀台 |
| 1:7 | Ū chin chē bê-he̍k lâng ê lâi-kàu chit sè-kan, in m̄ sêng-jīn I-é-su Ki-tok chiâⁿ-chò lâng kàng-lîm sè-kan; chit khoán lâng teh bê-he̍k lâng, mā kah Ki-tok chò tùi-te̍k. | 註釋 串珠 盧俊義 盧華 盧導讀台 |
| 1:8 | Lín tio̍h kín-sīn, chiah bē sit-khì lán lô-khó͘ ê sêng-kó, hoán-tńg ē tit tio̍h móa-móa ê pò-siúⁿ. | 註釋 串珠 盧俊義 盧華 盧導讀台 |
| 1:9 | Bô kian-siú koh phian-lī Ki-tok kà-sī ê lâng, in ê gán-tiong bô Siōng-tè; kian-siú kà-sī ê lâng, chiah ū kah Thiⁿ-pē í-ki̍p Kiáⁿ kiat-liân. | 註釋 串珠 盧俊義 盧華 盧導讀台 |
| 1:10 | Nā ū lâng khì lín hia bô thoân chit-ê kà-sī, lín m̄ thang chiap-la̍p i ji̍p-khì lín ê chhù, mā m̄ thang kā i chhéng-an; | 註釋 串珠 盧俊義 盧華 盧導讀台 |
| 1:11 | In-ūi nā kā i chhéng-an, i só͘ chò ê pháiⁿ tāichì lí mā ū hūn. | 註釋 串珠 盧俊義 盧華 盧導讀台 |
| 1:12 | Kiat-bóe ê Chhéng-anGóa ū chin chē tāichì beh kā lín kóng, m̄ koh, bô ài ēng chóa kah pit; góa khah ǹg-bāng khì lín hia, tng-bīn chò-hóe kóng, thang hō͘ lán ê hoaⁿ-hí chhiong-móa. | 註釋 串珠 盧俊義 盧華 盧導讀台 |
| 1:13 | Kah lí pêⁿ-pêⁿ siū Siōng-tè kéng-soán ê chí-mōe ê kiáⁿ-jî, mā kā lí chhéng-an. | 註釋 串珠 盧俊義 盧華 盧導讀台 |