| 章節 | 全民台語聖經全羅經文 | 註釋 |
| 1:1 | Siōng-tè ê Chhòng-chōGoân-khí-thâu, Siōng-tè chhòng-chō thiⁿ kah tē ê sî, | 註釋 串珠 蔡茂堂 金 盧華 盧華 盧導讀台 |
| 1:2 | tē sī khang-khang hūn-tūn, chhim-ian ê téng-bīn o͘-àm; Siōng-tè ê lêng ūn-hêng tī chúi-bīn. | 註釋 串珠 蔡茂堂 盧華 盧華 盧導讀台 |
| 1:3 | Siōng-tè kóng, " Tio̍h ū kng ", chiū ū kng. | 註釋 串珠 蔡茂堂 盧華 盧華 盧導讀台 |
| 1:4 | Siōng-tè khòaⁿ kng sī hó, chiū kā kng kah àm hun-khui. | 註釋 串珠 蔡茂堂 盧華 盧華 盧導讀台 |
| 1:5 | Siōng-tè kiò hit-ê kng chò ji̍t, kiò àm chò mê. Ū ê-hng, ū chá-khí, che sī thâu chi̍t ji̍t. | 註釋 串珠 蔡茂堂 盧華 盧華 盧導讀台 |
| 1:6 | Siōng-tè kóng, " Chiahê chúi ê tiong-kan tio̍h ū kiong-chhong kā chúi kah chúi hun-khui. " | 註釋 串珠 蔡茂堂 盧華 盧華 盧導讀台 |
| 1:7 | Siōng-tè chiū chō kiong-chhong, lâi hun-khui kiong-chhong ē ê chúi kah kiong-chhong téng ê chúi, chiū chiàu ánne oân-sêng. | 註釋 串珠 蔡茂堂 盧華 盧華 盧導讀台 |
| 1:8 | Siōng-tè kiò kiong-chhong chò thiⁿ. Ū ê-hng, ū chá-khí, sī tē-jī ji̍t. | 註釋 串珠 蔡茂堂 盧華 盧華 盧導讀台 |
| 1:9 | Siōng-tè kóng, " Thiⁿ-ē chiahê chúi tio̍h chū-chi̍p kàu chi̍t-ê só͘-chāi, ta tē tio̍h chhut-hiān. " Chiū chiàu ánne oân-sêng. | 註釋 串珠 蔡茂堂 盧華 盧華 盧導讀台 |
| 1:10 | Siōng-tè kiò ta tē chò tē, kiò chū-chi̍p ê chúi chò hái; Siōng-tè khòaⁿ ánne sī hó. | 註釋 串珠 蔡茂堂 盧華 盧華 盧導讀台 |
| 1:11 | Siōng-tè kóng, " Tē tio̍h hoat-chháu kah kiat-chí ê chhài-se, í-ki̍p chiàu-lūi seⁿ kóe-chí ê chhiū, hit lāi-bīn ū i ê chí. " Chiū chiàu ánne oân-sêng. | 註釋 串珠 蔡茂堂 盧華 盧華 盧導讀台 |
| 1:12 | Tē chiū hoat-chháu kah chiàu-lūi kiat-chí ê chhài-se, í-ki̍p chiàu-lūi seⁿ kóe-chí ê chhiū, lāi-bīn ū i ê chí. Siōng-tè khòaⁿ ánne sī hó. | 註釋 串珠 蔡茂堂 盧華 盧華 盧導讀台 |
| 1:13 | Ū ê-hng, ū chá-khí, sī tē-saⁿ ji̍t. | 註釋 串珠 蔡茂堂 盧華 盧華 盧導讀台 |
| 1:14 | Siōng-tè kóng, " Thiⁿ téng ê kiong-chhong tio̍h ū hoat kng ê thé, lâi hun-pia̍t mê-ji̍t, mā thang chò tiāu-thâu, sù-kùi, ji̍t, nî, | 註釋 串珠 蔡茂堂 盧華 盧華 盧導讀台 |
| 1:15 | mā hō͘ in chò kng-thé tī thiⁿ ê kiong-chhong, chiò-kng tī tē-chiūⁿ. " Chiū chiàu ánne oân-sêng. | 註釋 串珠 蔡茂堂 盧華 盧華 盧導讀台 |
| 1:16 | Siōng-tè chiū chō tōa ê kng-thé nn̄g-ê, tōa ê kng-thé lâi koán ji̍t-sî, sè ê kng-thé lâi koán àm-sî, mā chō chheⁿ-sîn. | 註釋 串珠 蔡茂堂 盧華 盧華 盧導讀台 |
| 1:17 | Siōng-tè kā in hē tī thiⁿ-téng ê kiong-chhong, hō͘ in tī tē-.ni̍h chiò-kng, | 註釋 串珠 蔡茂堂 盧華 盧華 盧導讀台 |
| 1:18 | koán-lí ji̍t kah mê, hun-pia̍t kng kah àm; Siōng-tè khòaⁿ ánne sī hó. | 註釋 串珠 蔡茂堂 盧華 盧華 盧導讀台 |
| 1:19 | Ū ê-hng, ū chá-khí, sī tē-sì ji̍t. | 註釋 串珠 蔡茂堂 盧華 盧華 盧導讀台 |
| 1:20 | Siōng-tè kóng, " Chúi tio̍h seng-thòaⁿ chin chē ū oa̍h-miā ê tōng-bu̍t, chiáu poe tī tē ê téng-bīn kah thiⁿ-téng ê kiong-chhong. " | 註釋 串珠 蔡茂堂 盧華 盧華 盧導讀台 |
| 1:21 | Siōng-tè chiū chhòng-chō hái-.ni̍h ê tōa hî, í-ki̍p chúi só͘ seⁿ chin chē ū oa̍h-miā ê tōng-bu̍t, kok chiàu i ê lūi; koh chhòng-chō ta̍k chióng ê poe-chiáu, kok chiàu i ê lūi. Siōng-tè khòaⁿ ánne sī hó. | 註釋 串珠 蔡茂堂 盧華 盧華 盧導讀台 |
| 1:22 | Siōng-tè kā in sù-hok, kóng, " Tio̍h seng-thòaⁿ ke-thiⁿ chin chē, chhiong-móa tī hái-.ni̍h ê chúi, mā hō͘ chiáu-chiah tī tē-.ni̍h seⁿ-thòaⁿ chin chē. " | 註釋 串珠 蔡茂堂 盧華 盧華 盧導讀台 |
| 1:23 | Ū ê-hng, ū chá-khí, sī tē-gō͘ ji̍t. | 註釋 串珠 蔡茂堂 盧華 盧華 盧導讀台 |
| 1:24 | Siōng-tè kóng, " Tē tio̍h seng ū oa̍h-miā ê tōng-bu̍t, chiàu i ê lūi, chengseⁿ, thâng-thōa, tē-chiūⁿ ê cháu-siù, chiàu i ê lūi. " Chiū chiàu ánne oân-sêng. | 註釋 串珠 蔡茂堂 盧華 盧華 盧導讀台 |
| 1:25 | Siōng-tè chiū chō tē-chiūⁿ ê cháu-siù chiàu i ê lūi, chengseⁿ chiàu i ê lūi, tē-chiūⁿ it-chhè ê thâng-thōa mā chiàu i ê lūi. Siōng-tè khòaⁿ ánne sī hó. | 註釋 串珠 蔡茂堂 盧華 盧華 盧導讀台 |
| 1:26 | Siōng-tè kóng, " Lán tio̍h chō lâng chhin-chhiūⁿ lán ê siōng, chiàu lán ê khoán, hō͘ in koán-lí hái-.ni̍h ê hî, thiⁿ-téng ê chiáu, chengseⁿ, í-ki̍p choân tē kah tē-chiūⁿ teh sô ê thâng-thōa. " | 註釋 串珠 蔡茂堂 盧華 盧華 盧導讀台 |
| 1:27 | Siōng-tè chiū chhòng-chō lâng chhin-chhiūⁿ I kakī ê siōng, chiàu Siōng-tè kakī ê siōng chhòng-chō jîn-lūi, chhòng-chō in lâm-.ê lí-.ê. | C註釋 註釋 串珠 蔡茂堂 盧華 盧華 盧導讀台 |
| 1:28 | Siōng-tè kā in sù-hok, koh tùi in kóng, " Tio̍h seng-thòaⁿ chin chē, chhiong-móa tī tē-chiūⁿ, lâi iâⁿ-kòe it-chhè, mā tio̍h tī-lí hái-.ni̍h ê hî, thiⁿ-téng ê chiáu kah tē-chiūⁿ it-chhè ē tín-tāng ê oa̍h-mi̍h. " | 註釋 串珠 蔡茂堂 盧華 盧華 盧導讀台 |
| 1:29 | Siōng-tè kóng, " Góa ū hō͘ lín choân tē-chiūⁿ it-chhè kiat-chí ê chhài-se, koh ū it-chhè ê chhiū, kî-tiong ū kiat-chí ê chhiū ê kóe-chí, lóng beh hō͘ lín chò chia̍h-mi̍h. | 註釋 串珠 蔡茂堂 盧華 盧華 盧導讀台 |
| 1:30 | Nā-sī tē-chiūⁿ it-chhè ê cháu-siù kah khong-tiong it-chhè ê chiáu, í-ki̍p tē-chiūⁿ it-chhè ē tín-tāng ū oa̍h-miā ê mi̍h, Góa kā it-chhè ê chheⁿ-chháu hō͘ in chò chia̍h-mi̍h. " Chiū chiàu ánne oân-sêng. | 註釋 串珠 蔡茂堂 盧華 盧華 盧導讀台 |
| 1:31 | Siōng-tè khòaⁿ I it-chhè só͘ chō ê chiū kóng, " Lí khòaⁿ, chin hó. " Ū ê-hng, ū chá-khí, sī tē-la̍k ji̍t. | 註釋 串珠 蔡茂堂 盧華 盧華 盧導讀台 |